Apostoles 7:2 - Kalinga Butbut

² Kun summungwhat as Esteban gway manggwana, “Aamma ja susunud! Chongyona' ad. As Apudyus gway machaychajaw, nampaila an Abraham gway nerpugwan ta'u ad Mesopotamia san chaanna humyojan ad Haran.

Apostoles 7:2 ပူးပေါင်းရင်းမြစ်များ

Apostoles 22:1

“Susunud ja aamma, chongyonju nannaja sungwhat'u san ipawhersuju an sa'on.”

Hebreo 1:3

Nan Ana'na nan maillan nan ina'erjadna ja sija nan ustu'ustu ilan nan ina'apudyus Apudyus ancha sija nan manitingngil san losan kapu san ayobhongan nan ukudna. Nappungna kun inggwa nan losan tot ligwatan Apudyus nan whersun chanan taku, ummoy ad langit kun na'atuyay san machigwanan Apudyus gway Amod nan Ayobhongana.

Juan 1:14

Nangngachan taku chay Ukud kun na'aumili an chita'u ad asna luta. Amod nan inawhayuna ja sija nan mangipaakammu san atuttugwaan. Inilami nan ina'erjadna gway nangipaila san ina'apudyus Apudyus gway naayana as osossa''anay ana' Amana gway Apudyus.

Nipaakammu 4:11

“Si'a gway Apu ja Apudyusmi, si'a nan lobhongna gway chajagwonmi ja whigwhikonmi nan inawhayum ja nan ayobhongam. Inggwam nan losan ad kapu tan whinayum, na'gwa ja nawhijagcha.”

Tito 2:13

Amaschi nan o'oon ta'u san manguullajan ta'u san erkaw gway mallagyagsa'an gway namnamaon ta'u gway mampaillan nan ina'erjad Hesu Kristu gway angatuwanay Apudyus ja Manaku an chita'u.

1 Corinto 2:8

Maid kun osa sasan mangituyay sanna luhung as ma'aagwat san annaja laing Apudyus tan sa'ad nu naagwatancha achicha otjan illansa san krus nan machaychajaw gway Apu.

Apostoles 23:7

Ingwhakana kunan sachi, nalluki chanan Pariseo ja Saduceo gway naniisi' kun nakoggwa chanan naayus.

Juan 12:41

Ingwhakan Isaias nannaja kapu tan inilana nan inachajaw Kristu kun ingwhakana nan mipangkop an sija.

Lukas 2:14

“Machaychajaw nan Apudyus gway agwad san angatuwanay langit ja sa'ad ad asna luta maid kun machanakan chanan taku gway masomana!”

Mateo 6:13

Achi cha'ami ituyung san masulisukanmi jon iligtas cha'ami san lagwingay o'oon Satanas.’

Apostoles 7:1

Kun inimus nan angatuwanay pachi an Esteban gway manggwana, “Ad tuttuwa nannachaja ipawhersucha an si'a?”

Efeso 1:17

Ilugwayu' gway sa'ad as Apudyus gway achajagwanay Ama gway Apudyus Hesu Kristu gway Apu ta'u, atchon nan Ispilituna an cha'aju nan laing ja ipaakammuna nan mipangkop san ina'apudyusna tot maakammugwanjus sija gway ustu.

Hebreo 11:8

As Abraham ahos, kapu san pammatina an Apudyus, sa'ad san nangiwhagan Apudyus an sija gway umoy san ili gway atchona an sija, pinatina kun ummoy ta'on nu achina akammu nu agwan nan umajana.

Santiago 2:1

Susunud'u, kapu tan namati aju an Apu Hesu Kristu gway Apu gway maillan nan ina'Apudyus Apudyus, maserpu maid mat'on as whayugwonju.