1 Tesalonica 3:1 - Kalinga Butbut

^1-2 Sija nan as cha'amiyay Pablo, Silas ja Timoteo achi ami kun ekay ma'aachur san iliwmi, impaalimiyay chugwa as Timoteo an cha'aju kun simsimmo'miyay matchay ami jan ad asna Atenas. Sa'ad as Timoteo sunud ta'u san pammati ja huyunmiyay mansilwhi an Apudyus gway mangipaakammu san Whayuway Chamag gway mipangkop an Kristu. Impaalimis sija tot whachangana cha'ajuway sumissija ja pumigsa nan pammatiju

1 Tesalonica 3:1 ပူးပေါင်းရင်းမြစ်များ

Apostoles 17:15

Sa'ad nan uchum intuyudcha as Pablo san ikad ad Atenas. Kun impuyung Pablo an chicha gway manggwanaon, “Achi mampatho' cha Silas an Timoteo ta umalicha an sa'on.” Kun aysancha nanulin.

Apostoles 17:16

San iningkagwan Pablo ad Atenas gway manguullay an cha Silas an Timoteo, lummagwing as amod nan somsomo'na san nangilana san angsanay sinang'apudyus san sachi syudad.

2 Corinto 2:13

gwon amod nan chanag'u tan maid kun inchasa' an Tito gway sunud'u san pammati. Sija nan nampayanga' kun sasan takud aschi ummoja' ad Macedonia.

1 Tesalonica 2:17

Susunud, sa'ad as cha'ami say nijachajugwanmi an cha'aju as sina'itan, sissijaay sosom'onmi cha'aju ta'on nu achaju nan agwachanmi an cha'aju. Whayugwonmiyay umali ilan cha'aju asin. Amamod an sa'on gway nangimman'u isimo'ay umali mangila an cha'aju gwon tinippochan cha'ami an Satanas. Sija nan inigkami nan losanay lobhongmi gway umali mangila asin an cha'aju.

1 Tesalonica 3:5

Ad kapu tan achiya' kun ma'aatchur san iliw'u, impaali' as Timoteo tot akammugwona nu ininon nan pammatiju. Tan tugwakay sinulisukan cha'aju an Satanas ad maid ekay kutu' nan ungermi.