1 Juan 4:16 - Kalinga Butbut

¹⁶ Ad akammu ta'u ja tuttugwaon ta'u nan lajad Apudyus an chita'u. Sa'ad as Apudyus lajad ad nu ngachan nan ainnugwana san lajad ainnugwana an Apudyus ad iniingkaw as Apudyus an sija.

1 Juan 4:16 ပူးပေါင်းရင်းမြစ်များ

1 Juan 3:24

Ad nan mamopotpot san whilin Apudyus ainnugwana an Apudyus ad iingkaw ahos as Apudyus an sija. Annaja nan mangakammugwan ta'uway iingkaw as sija an chita'u kapu san Ispilituna gway inatodna an chita'u.

1 Juan 3:1

Somsom'onju nan maid mi'ama lajad gway inatod Ama gway Apudyus an chita'u! Ingwhilang chita'u as ana'na ad kadto' gway ana' chita'u. Gwon sa'ad chanan achi kun mamati achi chita'u kun whigwhikon kapu tan achicha kun whigwhikon as Apudyus.

1 Juan 3:16

Annaja nan mangakammugwan ta'u san tuttuwa lajad: Sa'ad as Hesu Kristu inatodna nan whijagna kapu an chita'u. Ad sa'ad as chita'u ahos maserpuway atchon ta'u nan whijag ta'u kapu sasan susunud ta'u.

1 Corinto 2:9

Gwon anana san nilistaay Ukud Apudyus, “Nan achin kunan taku inila ja chingngor ancha achina kun namnamaonay ma'gwa, insakanan Apudyus sasan mangipatog an sija.”

Juan 6:69

Ad tuttugwaonmi ja akammumiyay si'a nan maid kun whersuna gway ingwhaun Apudyus.”

Juan 9:3

Anan Hesus gway summungwhat, “Wha'on kus whersun nannaja taku gwinnu whersun nan sinana' an sija jon na'gwa nannaja ta mipaila nan mataakanay oon Apudyus an sija.

1 Juan 4:7

Ipatpatog'uway susunud, maserpu manisiwhayu ta'u kapu tan sa'ad nan lajad merpu an Apudyus. Nu ngachan nan mangipatog san asintatakuna ana' Apudyus as sija ja akammuna as Apudyus.