1 Juan 3:19 - Kalinga Butbut

¹⁹ Sijachi nan mangakammugwan ta'uway agwad ta'u san atuttugwaan ad maid kun manchanakan nan somsomo' ta'u san sumanguwan ta'u an Apudyus

1 Juan 3:19 ပူးပေါင်းရင်းမြစ်များ

Juan 13:35

Tan nu manisiwhayu aju maakammugwan nan losanay taku gway pasuyut'u cha'aju.”

Juan 18:37

Gwot anan Pilato an sija, “Ad ali'aot?” Anan Hesus gway summungwhat, “Si'a nan nangiwhaka gway aliya'. Ummaliya' ad asna luhung ja nijana'a' tot ipano'no''u nan atuttugwaan. Nan losanay agwad san atuttugwaan manchongor san iwhaka'.”

Roma 4:21

Ad maid kun chugwachugwana gway sa'ad as Apudyus oona ekajay oon nan ingwhawhagkana.

Roma 8:38

Tan maid kun chugwachugwa' gway maid kun ma'aisiyan an chita'u san lajadna, mawhijag ta'u man gwinnu matoy. Sa'ad chanan a'anghel, chanan chimunju ja chanan uchumay anna ayobhongana san yawhas, achicha kun ma'aisiyan an chita'u san lajadna. Uyay ngachan chanan ma'ma'gwa san sana ja nu ngachan nan ma'gwa san umaliyay chimpu achicha kun ma'aisiyan an chita'u san lajadna. Maid kun inggwan Apudyus gway agwad san yawhas, gwinnu chayo' nan luta gwinnu ngachan sinatay inggwana as ma'aisiyan an chita'u san lajad Apudyus gway mapadpachasan ta'u kapu san na'aosossaanan ta'u an Kristu Hesus gway Apu ta'u.

2 Timoteo 1:12

Sijana hos nan kapun nan malliglikata'. Gwon achi' kun iwhain na tan akammu' as sija gway nantayo'a' ja maid kun chugwachugwa' gway aygwanana nan intayo'na an sa'on ingkana san Erkaw gway managkulinan Kristu.

Hebreo 10:22

ikadto' ta'u gway umachayug an Apudyus gway maid kun chugwachugwan nan mamatiyan ta'u gway ama ekas nachayusan san chaya nan lagwingay somsomo' ta'u ja ama ekas nauyasan nan longag ta'u san por'asay chanum.

Hebreo 11:13

Losan nannachaja taku nantayo'cha an Apudyus ingkana san nan'a'atoycha kapu san pammaticha. Achicha kun naaya chanan ingwhawhagkan Apudyus gway atchon an chicha san matattakuwancha gwon kapu san pammaticha an sija amas inilacha gway takangay nan matungpayana. Kun nayagsa'ancha ta'on nu mawhajag nan matungpayan nan ingwhawhagkan Apudyus an chicha. Whinigwhigchaay ikaja'cha ekay ja mangili sannaja luta.

1 Juan 1:8

Sa'ad nu anan ta'uwon maid whersu ta'u, longag ta'u nan alallilagwon ta'u ad sa'ad nan atuttugwaan maid ku an chita'u.

1 Juan 2:21

Manuyata' an cha'aju wha'on kus kapu san achiju kun akammu nan atuttugwaan gwon kapu tan akammuju na ja akammujuway maid kun tuli as merpu san atuttugwaan.

1 Juan 3:14

Akammu ta'uway nagwajaan ta'u san ayobhongan nan otoy ad san sana agwad nan whijag ta'uway maid kun pungpungna. Akammu ta'u tan ipatpatog ta'u chanan susunud ta'u. Sa'ad nan maid lajadna, sissijaay agwad san ayobhongan nan otoy.

1 Juan 3:20

ta'on nu u'umon chita'u san somsomo' ta'u. Tan sa'ad as Apudyus nangatngatu san somsomo' ta'u ja akammuna nan losan.

1 Juan 3:21

Ipatpatog'uway susunud, sa'ad nu achi chita'u u'umon san somsomo' ta'u achi ta'u kun umogjatay sumangu an Apudyus.