1 Juan 2:20 - Kalinga Butbut

²⁰ Gwon sa'ad as cha'aju agwad an cha'aju nan Ispilitun Apudyus gway inatod Kristu ad losanju akammu nu ininonjuway mangilasin san wha'wha''onay sussuyu san tuttuwaay sussuyu.

1 Juan 2:20 ပူးပေါင်းရင်းမြစ်များ

Mateo 13:11

Summungwhat kus sija anana an chicha, “Nipaakammu an cha'aju nan chaan kun maakammugwan gway mipangkop san Mantuyajan Apudyus jon sa'ad san uchum achi kun.

Mer'us 1:24

Kun inip'awna gway manggwana, “Hesus gway iNazaret kamma whijawhijangan cha'ami? Umalim tangkaan cha'ami? Akammu' si'a! Si'a chay maid kun whersuna gway ingwhaun Apudyus.”

Lukas 4:18

“Anna an sa'on nan Ispilitun Apudyus tan chinutu'anas sa'on as mangiwhaka san Whayuway Chamag sasan whawha'sigwot. Ingwhauna' as mangipaakammu sasan whayud gway magwajagwajaancha ancha ma'aila chanan na'uyap ja tot magwajaan chanan milaylajusan.

Lukas 4:34

“Oy! Kamma whijawhijangan cha'ami Hesus gway iNazaret? Umalim tangkaan cha'ami? Akammu' si'a! Si'a chay maid kun whersuna gway ingwhaun Apudyus.”

Juan 14:26

Gwon nan Mamachang gway Ispilitun Apudyus sija nan iwhaun Ama gway misu'at an sa'on. Sija nan mangisuyu an cha'aju san losan ja mangipasmo' an cha'aju san losanay ingwhaka' an cha'aju.

Juan 16:13

Gwon sa'ad nu umali nan Ispilitu gway mangipaakammu san atuttugwaanay mipangkop an Apudyus, sija nan mangichayan an cha'aju san losanay atuttugwaan. Tan achi kus sija manukud san hu'udnaay somsomo' jon ngachan ad nan chongyona iwhakana ja ipaakammuna an cha'aju nan ma'gwa san umaliyay erkaw.

Apostoles 10:38

“Akammuju nan mipangkop an Hesus gway iNazaret san namiliyan Apudyus an sija ja nangipaaliyana san Ispilituna ja nangatchana san ayobhongana an sija. Ummoy as Hesus san ailiili nanggwa san whayu ja impawhayuna chanan pinalikatan Chijabyu tan anna as Apudyus an sija.

Apostoles 3:14

Nilagwingjus sija gway Maid kun Whersuna ja Nalintog. Ad sija piniliju as payuhusan Pilato nan osaay manootoy.

1 Corinto 2:15

Sa'ad nan takuway agwad nan Ispilitun Apudyus an sija, maagwatana nan losan gwon achin ku chanan takuway maid an chicha nan Ispilitun Apudyus maagwatan as sija.

Hebreo 1:9

Impatognu nan manggwaan san ustu kun kinuyam nan manggwaan san lagwing. Sija nan sa'on gway Apudyusnu pinili' si'a ja inggwa' si'a as nayagyagsa' sasan huhuyunnu kapu san chajaw gway inatod'u an si'a.”

Hebreo 8:11

Ad wha'on kus maserpu mansinnuyu nan man'a''ailijan ja mansusunud ananon, ‘Akammugwonju as Apudyus’. Tan losancha akammugwon as sa'on manipud sasan awhawhaanay taku ingkana sasan angatuwan.

1 Juan 2:27

Gwon sa'ad as cha'aju, sa'ad nan Ispilitun Apudyus gway inatod Kristu iingkaw an cha'aju ad wha'on kus maserpuway agwad mangisuyu an cha'aju. Tan nan Ispilitun Apudyus nan mangisuyu an cha'aju san losan ad tuttuwa nan isuyuna ja wha'on kus tuli. Ad isun nan insuyuna an cha'aju gway ainnugwanju an Kristu.

1 Juan 4:13

Akammu ta'uway ainnugwan ta'u an Apudyus ja iingkaw as sija an chita'u kapu tan inatodna an chita'u nan Ispilituna.

Judas 1:5

Ad ta'on nu aagkammuju losan chana, whayugwo'ay ipasmo' an cha'aju gway sa'ad as Apu, illigtasna chanan ijIsrael san nangilagwaana an chicha ad Egipto. Gwon san udchina tinangkaana chanan achi kun mamati an sija.

Nipaakammu 3:7

Kun intuyuyna gway manggwana, “Annaja nan anan chay napudnu ja tuttuwaay mansilsilwhi an Apudyus. Sija nan mamangchon san chursi' nan mantuyajan Ali Dabid. Sija nan mangiigkat san onob ad maid kun osas mangijonob ja sija nan mangijoonob ad maid kun osas mangigkat. “Pailistana nannaja an sija san anghel gway mangijaachug sasan maayuayus gway namati ad Filadelfia. Anana:

Nipaakammu 4:8

Ad sa'ad chanan opatay mawhiwhijag, sinonnom nan paja'cha kun napnu san ata nan losanay longagcha ingkana san choyaon nan paja'cha. Ad inerkaw ja nilawhiyay achicha kun umillongay nan man'anta san chaychajaw gway manggwana, “Maid kun mijisu an Apudyus! Maid kun mijisu an Apudyus! Maid kun mijisu an Apudyus! Sija nan Apu gway Apudyus gway amod nan ayobhongana san losan. Sikud as sija gway iniingkaw san chamchamun nan losan, sija nan iingkaw san sana ja sija nan iingkaw as ingkaingkana.”