1 Corinto 15:3 - Kalinga Butbut

³ Tan impaakammu' an cha'aju nan apatkanay inakammu' ahos gway natoy as Kristu kapu sasan whersu ta'u gway sachi nan tummuttugwaan nan nilista gway Ukud Apudyus.

1 Corinto 15:3 ပူးပေါင်းရင်းမြစ်များ

Mateo 26:24

Sa'ad as sa'on gway Ana' nan Taku matoja' gway sachi nan nilista san Ukud Apudyus gwon amod a'oogjat nan ma'gwa san sanatay takuway mangijiwhit an sa'on gway Ana' nan Taku! Unayna ekay achi nijana' nan sanatay taku.”

Mateo 26:28

Annaja nan chaya' gway umigwang tot ligwatan Apudyus nan whersun nan angsanay taku. Annaja nan mamagchot san assahu tuyag Apudyus sasan taku.

Lukas 24:25

Gwot anan Hesus an chicha, “Ay maid kun maagwatanju ja mansikab ekay mamatiyanju san losanay ingwhakan chachay profeta san agwi!

Juan 1:29

Mawhikat kun inilan Juan as Hesus gway takangay mi'atum an sija kun anana, “Anchiya nan Kerneron Apudyus gway michatun gway malligwat san whersun nan losanay takud asna luta!

Apostoles 17:2

Kun ummoy as Pablo san sinagoga gway isun nan sikud gway o'oona. Ad san tuyuway chumingku san gwaschi Erkaw gway Umillongan, nanukud as sija sasan taku mipangkop san Ukud Apudyus.

Apostoles 3:18

Gwon amasna nan tummuttugwaan nan impaiwhakan Apudyus sasan losanay profeta san agwi gway maserpuway mapalikatan nan Kristu gway pinilin Apudyus.

Apostoles 8:32

Annaja nan whasawhasaonaay Ukud Apudyus gway chay ananaon, “Isun nan kernero gway miijoy san perpertiyan gwinnu uyhun nan kernero gway ikikinno'na san pu'isanchas sija ad achi kun mantongaa'.

Roma 3:25

Impaalin Apudyus as sija gway matoy san krus gway mangi'ayu san chusan nan whersun nan taku tot ligwatan Apudyus nan whersucha kapu san mamatiyancha gway sija nan nichatun san whersucha. Amaschi nan inggwan Apudyus tot ipailanaay ustu nan o'oona. Tan sa'ad nan na'gwa san nugwan, inanusana ja impayausna nan whersun chanan taku. Gwon san sana achina kun ipayaus nan whersun chanan taku tot ipailanaay ustu nan o'oona ja iwhilangna as ustu san mangilana chanan mamati an Hesus.

Roma 4:25

Nayodchongan as Hesus gway matoy kapu sasan whersu ta'u kun nataku tot magwasgwas nan whersu ta'u.

1 Corinto 11:2

Ichajaw'u cha'aju kapu tan sosom'onjus sa'on ja intuttuyuyjuway sinuyut nan sussuyuway insuyu' an cha'aju.

1 Corinto 11:23

Tan as sa'on inagwat'u an Apu nan sussuyuway inatod'u hos an cha'aju gway sa'ad as Apu Hesus san manganancha san lawhi san nijiwhitana, nangaya san tinapay

2 Corinto 5:21

Sa'ad as Kristu gway maid kun whersuna niwhilang as sija as humersuwhersu kapu an chita'u tot mangngachan ta'u miwhilang as ustu san mangilan Apudyus kapu san na'aosossaanan ta'u an Kristu.

Galacia 1:12

Tan wha'on kus inaya' nanna sussuyu san nerpugwan ta'u ja maid kun takus nangisuyu an sa'on gwon as Hesu Kristu nan nangipaakammu gway ustu an sa'on.

Galacia 1:4

Inatod Kristu nan whijagna gway matoy tot machayusan ta'u san whersu tot kapu an sija agwad ininon ta'u mangijakay san lagwingay ayanggwa gway o'oon nan taku san sana chimpu. Inggwana na kapu tan sachi nan whinayun Apudyus gway Ama ta'u

Galacia 3:13

Nan inatuttugwaana maid kun ma'a'gwa san losanay iwhilin nan lintog. Gwon gwinajagwajaan chita'u an Kristu san chusa san achi ta'u chumngoyan san lintog gway nangngachan sija nan nachusa kapu an chita'u tan nilista san Ukud Apudyus gway anana, “Chusaon Apudyus nan sinusnatay mitajun san krus.”

Efeso 1:7

Kapu san chayan Kristu gway ummigwang san natojana, nagwajagwajaan ta'u gway pijaona ukuchon niligwatan Apudyus nan whersu ta'u. Na'gwa nannaja kapu san inawhayun Apudyus gway maid kun mijisugwana

Efeso 5:2

Ad maserpu hosay manisiwhayu aju as isun nan nangipatokan Kristu an chita'u. Inatodna nan whijagna an chita'u as miwhilang as mangwhanguway chatun gway masoman Apudyus.

Hebreo 5:1

Tan sa'ad nan gwaschi angatuwanay pachi gway napili sasan taku nachutu'an as mansilwhi an Apudyus ta sija nan mangichatun sasan ajam ja losanay ayasin nan chatun gway maatod an Apudyus kapu sasan whersucha.

Hebreo 5:3

Ad kapu tan ma'awhersus sija maserpu manchatun as sija gway wha'on kus ahus ekay san whersun chanan taku gwon kapu ahos san whersuna.

1 Pedro 1:11

Inanaanapcha nu ma'anu ja ininona ma'gwa nannaja manakuwan Apudyus an chita'u gway iwhakawhakan nan Ispilitun Kristu gway agwad an chicha san nangijununnaana nangiwhagan an chicha san ininon nan mapalikatan Kristu ad mappung ad chana asiyot nan michajagwana.

1 Pedro 2:24

In'ayun Kristu nan chusan nan whersu ta'u san natajana san nilansaana san krus tot ijakay ta'uway ma'awhersu ad nawhijag ta'u san whayugwona pa'gwa an chita'u. Kapu san jamanna, hummayu aju.

1 Pedro 3:18

Tan as Kristu namingpingsanay natoy gway in'ayuna nan chusan nan whersun nan losan. As sija maid kun whersuna gway natoy kapu sasan humersuwhersuway taku tot ipagkulinnas chita'u an Apudyus. Intoycha as sija gwon tinakun nan Ispilitun Apudyus as sija.

1 Juan 2:2

Sija nan nangi'ayu sasan whersu ta'u ad wha'on kus ahus nan whersu ta'u gwon ama ahos nan whersun nan losanay takus luhung.