1 Corinto 11:5 - Kalinga Butbut

⁵ Ad gwaschi huwhaiyay mallugwayu gwinnu mangipaakammu san ukud Apudyus gway achi kun manahungus iwhawhainna nan asagwana gway anigna wha''ag. Isun chi manisucha san osa huwhaiyay nampapu'yang.

1 Corinto 11:5 ပူးပေါင်းရင်းမြစ်များ

Lukas 2:36

Sachi kun sa'ad nan osa profetaay huwhai ummoy ummachayug an chicha. Sa'ad nan ngachanna as Ana gway ana' Fanuel gway kana' Aser. Pitun tagwon nan nanaassawwancha an asagwana kun nawhayus sija ingkanas gwayumpuyu ja opat nan tagwonna. Sijasija umoy san Templo gway manchajaw an Apudyus san inerkaw ja nilawhi gway nadnachi mallugwayu ja mallaun. Nanjaman as sija an Apudyus kapu san ana'ay Kristu kun ingwhakana nan mipangkop san ana' san losanay manuullay san Mesias gway umali ta gwajagwajaana nan ijIsrael.

Apostoles 2:17

‘Anan Apudyus: Amasna nan oo' nu takangay nan humu'nakan nan anungus nan erkaw. Nachayaa' gway mangatod san Ispilitu' san losanay taku. Ad sa'ad chanan anana'ju ipaakammu' chanan paiwhaka' an chicha. Ad sa'ad chanan whabwhawhayuju agwad nan mailacha gway ipaila' an chicha. Sa'ad chanan man'amangorragju agwad nan ininponcha gway ipaininop'u an chicha.

1 Corinto 14:34

gway sa'ad chanan hubhuwhai maserpu ikikinno'cha san kimung. Tan achicha kun mijujaay maag ekay manapapat gwon maserpu mampaituyaycha tan sachi nan anan nan lintog chanan Hudyu.

Apostoles 21:9

Agwad nan opatay anana'na whabwhawhallas gway mangiwhakawhaka san impaiwhakan Apudyus an chicha.

1 Corinto 11:4

Sija nan gwaschi laya'iyay mallugwayu gwinnu mangipaakammu san ukud Apudyus gway nanaabhungus iwhawhainna nan anigna wha''ag gway as Kristu.

1 Corinto 11:6

Tan sa'ad nu achi manahungus nan huwhai, ununnayna ekay mampapu'is as sija. Gwon kapu tan awhawhain san huwhai nan mampapu'is gwinnu mampapu'yang, maserpu manahungus as sija.