A Ritu drandruluki nyama, driva driyaka makari kweru, kutani hihlaleli kuphatima ka drone kunga kuphatima ka n'wana lweyi wa mun'we wa Tatana; afa atali hi timpswalu ni xihlayelamfuri.
Kambe yelweyo ataku loko atile, wunga Moya wa xihlayelamfuri, atan'wifambisa axihlayelamfurini hinkwaxu. Hikuva angaka angavulavuli ha swake, kambe hinkwaswu leswi atakaswiyingela ataswihlaya, na kone atan'witivisa ni leswi switakahumelela.
Kutraliwi amabukwini ya vaprofeta: Hinkwavu vatadondrisiwa hi Xikwembu Nkulukumba. Hileswo-ke, mani na mani lweyi ayingeliki Tatana ni kudondra ku yene, ata ku mine.
Kambe lweyi ayingisetaka swinene Nawu lowu wa kululama, a nawu wa vuntrhunxeki, atiyisela ku wone, na ange muyingiseti wa kudrivala, kambe na ali muyentxi wa ntiro ni muyentxi wa ritu, lweyo atava ni ndjombo ku hinkwaswu leswi a swiyentxaka.
Mine murangeli lwenkulu, ni tralela nkosikazi leyi yilangiwiki, ni vana va yone lava ni varandraka hi xihlayelamfuri, kutani ange mine ntsena, kambe na kone, ni hinkwavu lava tivaka xihlayelamfuri.