Yohana 7:28 - Testamente Ledrimpswha ni Mapsalma

²⁸ Loko Yesu ali kari adondrisa Tempeleni, atlakuxa ritu, aku: N'wanitiva, n'witiva ni lomu nihumaka kone! Anitanga ha swanga, kambe lweyi anirumiki hi yene swinene lweyi n'wine n'wingamutivikiki.

Yohana 7:28 ပူးပေါင်းရင်းမြစ်များ

Mt 11:27

Hikuva hinkwaswu swinyikiwi mine hi Tatana wanga; anga kone lweyi ativaka a N'wana loko ange Tatana, na kone akuna lweyi ativaka Tatana loko ange N'wana, ni lweyi a N'wana arandraka a kumupfuletela akuva amutiva.

Mt 2:23

Loko atlhasile, ayitrhama amutini lowu valiki i Nazarete. Leswi swihumeleli akuva kuhetiseka leswi swingahlayiwa hi vaprofeta vangaku: Yesu atatxhuliwa mu-Nazarete.

Mt 26:55

Ankameni wolowo Yesu abyela a switrhungu aku: N'wihumi ni timpanga ni tinhonga akutata nikhoma, swanga ni xiyivi? Afa nidondrisa masiku hinkwawu andlwini ya HOSI, kambe an'wanikhomanga.

Lk 10:22

Hinkwaswu ninyikiwi ha Tatana. Nakone akuna mhunu lweyi ativaka lweyi N'wana anga yene, loko ange Tatana: nambi lweyi Tatana anga yene, loko ange N'wana, ni lweyi a N'wana arandraka kumupfuletela yene.

Lk 2:11

Hi leswaku namunhla n'wipswaleliwi Muhuluxi anga Kriste Hosi amutini wa Davida!

Lk 2:39

Kuti loko vaheti hinkwaswu swa Nawu lowu Xikwembu Nkulukumba aleletiki akuva swiyentxiwa, Yosefa na Maria vatlhelela Galileya, amutini wa kwavu wa Nazarete.

Lk 2:4

Hikola ka leswo Yosefa asuka tikweni dra le Galileya, amutini wa le Nazarete, aya Betlehema tikweni dra Yudeya, lomu angapswaliwa kone mufumi Davida hikusa Yosefa afa ali wa lixaka dra Davida,

Lk 2:51

Yesu kolahu atlheli navu aya Nazarete, ahamba avayingiseta. A mamana wakwe afa abekisa a timhaka leto ambilwini yake.

Yohana 1:46

Nataniyele aku ku yene: Xana kungahuma yini lexi xinene a Nazarete ke? Filipi aku ku yene: Tana, uswivona.

Yohana 10:36

xana n'wine, n'wihlaya ha yini n'wiku nisandra Xikwembu Nkulukumba, na kasi mine nihlawuliwi niva nirumiwa misaveni ha Yene, xana?

Yohana 12:49

Hikusa anivulavulanga ha vuswanga, kambe lweyi anirumiki, anga Tatana ha vuswake, anileleti leswi nifanelaka ku n'witivisa ni ku swihlaya.

Yohana 14:10

Xana awupfumeli leswaku ni le ku Tatana, ni leswaku Tatana ale ku mine xana? Leswi nin'wibyelaka swone, aniswihlayi ha vuswanga. Tatana lweyi anga ku mine hi yene atiraka mintiro.

Yohana 14:31

Kambe hileswaku misava mitiva leswaku nirandra Tatana, ni leswaku nitira swanga hi leswi Tatana anileletisiki xiswone. Sekelekani, ahifambeni hisuka la!

Yohana 16:3

Vatayentxa swoleswo hikusa avativanga Tatana, nambi mine.

Yohana 17:25

Tatana, wa kululama! A misava yone amikutivanga, kambe mine nikutivile, ni volavu vaswitivile leswaku hi Wene unirumiki.

Yohana 17:3

Kambe a vutomi lebyi byingahelikiki hi byolebyi: leswaku vakutiva, wene unga Xikwembu Nkulukumba wa xihlayelamfuri, na Yesu Kriste lweyi umurumiki.

Yohana 3:2

Ayi ku Yesu ni vusiku, atlhasa aku: Mudondrisi, haswitiva leswaku u mudondrisi lweyi apfaka ku Xikwembu Nkulukumba, hikusa akuna mhunu lweyi angayentxaka mahlolana lawa umayentxaka, loko Xikwembu Nkulukumba ange na yene.

Yohana 3:33

A mhunu lweyi ayamukelaka vumboni byake, atiyisa leswaku Xikwembu Nkulukumba awadumbeka.

Yohana 5:32

Akone mun'wana lweyi anihambelaka vumboni, kutani nitiva leswaku leswi aswihlayaka ha mine i xihlayelamfuri.

Yohana 5:43

Mine nitile hi vito dra Tatana wanga, kambe an'winiyamukeli; kasi loko mun'wana angata hi vito drakwe, lweyo n'witamuyamukela.

Yohana 6:42

Kutani vaku: Xana lweyi ahi yene Yesu n'wana Yosefa, lweyi hi tivaka tatana wakwe ni mamana wakwe xana? Kutani swoswi ahlayisa kuyini, loko aku: Nixiki hi le Tilweni.

Yohana 7:14

Loko nkhuvu wuli makari, hilaha Yesu angantlhantukela Tempeleni asungula kudondrisa.

Yohana 8:14

Yesu avayanguli, aku: Ni loko nitihambela vumboni, a vumboni byanga byitiyile, hikusa nitiva lomu nihumaka kone; kambe n'wine an'witivi lomu nihumaka kone, ni lomu niyaka kone.

Yohana 8:16

Kambe, ni loko niyavanyisa akuyavanyisa kwanga hi loku kunene; hikusa ani vuswanga, Tatana lweyi anirumiki ana mine.

Yohana 8:19

Vaku ku yene: A tatana waku akwini? Yesu ayangula, aku: An'winitivi, nambi ali Tatana wanga an'wimutivi; loko afa n'winitivile, an'witativa ni Tatana wanga.

Yohana 8:26

Afa nini leswi swinyingi ningaswihlayaka ni kuswiyavanyisa ahenhla kwenu. Kambe lweyi anirumiki i xihlayelamfuri ha vuswake; kutani leswi niswiyingeliki ku yene, nitivisa misava.

Yohana 8:42

Yesu aku ku vone: Loko afa Xikwembu Nkulukumba ali tatana wenu, afa n'witanirandra, hikusa mine nipfa ku Xikwembu Nkulukumba. Anitanga hi kutisungulela, kambe hi Yene anirumiki.

Yohana 9:29

Haswitiva leswaku Xikwembu Nkulukumba avulavuli na Moxe, kambe a mhunu lweyo, ahikutivi lomu apfaka kone.

Mintiro Ya Vapostola 17:23

Hikusa loko nifambafamba, nilavisa leswi n'wiswigandrelaka, nikumi a xiluvelo kutraliwiki ku xone leswaku: Ku Xikwembu Nkulukumba lweyi wa kuka angatibyiwi. Lweyi n'wimugandrelaka na n'wingamutivi, hi Yene lweyi nin'widrungulelaka Yene.

Rm 1:28

Na swone leswi vatrikiki kutiva Xikwembu Nkulukumba, xiswoswo Xikwembu Nkulukumba avanyikeli avutlharini bya kuhomboloka, akuva vayentxa leswi faka swingafanekeli.

Rm 3:4

Ni kutrongo. Akova Xikwembu Nkulukumba lweyi adumbekiki, vamadrimi i vhanu, swanga hi kuhlaya ka Matralwa: A maritu yaku, we Xikwembu Nkulukumba mata kombisa leswaku u mululami ni leswaku utahlula loko u yavanyisiwa.

II Kor 1:18

Kambe Xikwembu Nkulukumba lweyi adumbekaka, awaswitiva leswaku a maritu yanga ku n'wine amavanga: Ina, matlhela mava: Im-him.

II Kor 4:6

Hikusa Xikwembu Nkulukumba ati: A livaningo dritavaninga amunyameni. Hikusa Yene mfuri a vaningile timbilwini teru, akuva hi vaninga kutiveni ka lidrumu dra Xikwembu Nkulukumba, amombyeni wa Yesu Kriste.

Tito 1:2

akulaviseleni ka vutomi lebyingahelikiki, lebyi Xikwembu Nkulukumba lweyi angahembiki abyidumbisiki na minkama mingasinava kone,

Va-Heberu 6:18

akuva hi kuhangwesa, leti tibiri tingeke na kuhela, inga leti swingakotekiki leswaku Xikwembu Nkulukumba ahemba ha tone, hi ndlela leyi hine hikumiki xitiyiso lexi xa ntamu, hi fanela kukhoma kulavisela loku bekiwiki mahlweni kweru;

I Yhn 5:10

Lweyi apfumelaka ku N'wana wa Xikwembu Nkulukumba ani vumboni, lweyi angapfumelikiki ku Xikwembu Nkulukumba, amuyentxa amuhembi, hikusa angapfumelanga a vumboni lebyi Xikwembu Nkulukumba ahinyikaka hinkonta ya N'wana wakwe.