Yohana 7:19 - Testamente Ledrimpswha ni Mapsalma

¹⁹ Xana Moxe angan'winyikanga Nawu xana? Kambe nambi swili tanu angakone ni mun'we wenu lweyi abekisaka Nawu. Hikola ka yini n'widjula kunidlaya xana?

Yohana 7:19 ပူးပေါင်းရင်းမြစ်များ

Mt 12:14

Kolahu loko a vafarisi vahumile, vayahamba a makungu ya leswaku vatamudlayisa kuyini.

Mt 21:38

Kambe a vadrimi loko vamuvona vabyelana vaku: Lweyi hi yene mudi-wa-pfindla! Ahimudlayeni, a pfindla drakwe dritava dreru.

Marka 11:18

A varangeli va vaprista ni vatrali vaswiyingela, kutani vadjula leswi vangamudlayisaka xiswone. Kambe afa vamutxhava, hikuva a xitrhungu hinkwaxu afaka xihlolelwa hi dondro yake.

Marka 3:4

Kutani aku ku vone: Xana a nawu wenu wapfumela hi Savata, a kuyentxa swinene kumbe swakubiha, kuhuluxa mhunu, kumbe kudlaya xana? Kambe vone vamiyela.

Marka 3:6

Vatiki vahuma a vafarisi, vahatla vahlengeletana ni va-Heroda vakhanela makungu ya leswaku xana vatamudlayisa ku yini Yesu.

Yohana 1:17

Hikusa a Nawu wunyikiwi hikola ka Moxe, kambe a timpswalu ni xihlayelamfuri switi ha Yesu Kriste.

Yohana 10:39

Kuva loko vayengeta vadringisa kumukhoma, kambe Yesu aphonyoka mavokweni yavu.

Yohana 11:53

Kutani kusukela siku ledro, va-Yuda vatrimbi makungu ya kudlaya Yesu.

Yohana 5:16

Hikola ka mhaka leyo, a va-Yuda vasungula kulandrelela Yesu, hikusa afa atiri leswo hi siku dra Savata.

Yohana 5:18

Hinkonta ya ritu ledro, va-Yuda vahundrisa kudjula kumudlaya, hikusa afa angatlulanga Nawu ntsena, kambe, na kone, hi kuhlaya leswaku Xikwembu Nkulukumba hi ntshima, i Tatana wakwe, atiyentxa lweyi afananaka ni Xikwembu Nkulukumba.

Yohana 5:45

N'wingayanakanyi leswaku hi mine nitakava murambeli wenu amahlweni ka Tatana. Lweyi atakan'wirambela hi Moxe, yelweyi n'wibekiki kudumba kwenu ku yene.

Yohana 7:1

Antrhaku ka swone afa Yesu afamba-famba Galileya; angadjulanga kuya famba-famba Yudeya hikusa va-Yuda afa vadjula kumudlaya.

Yohana 7:25

A vayaki van'wana va Yerusalema vaku: Xana lweyi ahi yene lweyi vamudjulaka leswaku vatamudlaya xana?

Mintiro Ya Vapostola 7:38

Hi yene lweyi angava kone anhlengeletanwini ya le huleni, kun'we ni ntrumi leyi afaka yivulavula na yene anhaveni ya Sinayi, kun'we ni vatatana veru; hi yene lweyi ayamukeliki a maritu ya vutomi akuva ahinyika wone.

Gl 3:19

Ke, a nawu i wa yini xana? Vayengeteliwi wone hinkonta ya kutlula nawu, kukondra kutlhasa lweyi wa lixaka afaka a dumbisiwile, wubekiwi hi ntrumi avokweni dra mutlhanganisi.

Gl 6:13

Hikusa nambi lava vasokaka ava landri nawu, kambe varandra leswaku n'wine n'wisoka, akuva vatitwalisa amirini yenu.