Yohana 6:27 - Testamente Ledrimpswha ni Mapsalma

²⁷ N'wingatireleni swakuda leswi swibolaka, kambe tirelani swakuda leswi swingabolikiki, swinga leswi swinyikaka vutomi lebyi byingahelikiki. Leswi i swakuda leswi N'wana wa mhunu atakan'winyika swone, hikusa hi yene lweyi Xikwembu Nkulukumba Tatana amufungiki.

Yohana 6:27 ပူးပေါင်းရင်းမြစ်များ

Mt 17:5

Kaku loko Petrosi ahakhanela, a tlavi dra kuphatima drihumelela drivafukumeta, atlavini kutwala ritu, ledri driliki: Lweyi hi N'wananga lweyi a randrekaka, lweyi nitrhavaka ha yene, muyingisetani.

Mt 25:46

Volavo vataya akuxanisiweni loku kungahelikiki, kasi a valulami vataya avutomini lebyi byingahelikikiki.

Mt 3:17

Kutani kutwala ritu dripfaka hi le Tilweni driku: Lweyi i N'wananga lweyi nimurandraka, lweyi nitrhavisiwaka ha yene.

Mt 6:19

N'wingatihlengeleteleni nhlengwe lani misaveni, lomu a tinsumba ni kukura swihoneka, ni lomu a vayivi vanhingenaka vayiva;

Mt 8:20

Yesu amuyangula aku: A mabuwana mani mimpala, ni tinyanyana ta tilo tini vusaka, kambe a N'wana wa Mhunu angana lomu angadamaka nhloko yake kone.

Marka 1:11

Ava ayingela a ritu ledri dripfaka Tilweni, driku: Wene, u N'wananga lweyi wa kurandreka, lweyi nimutrhavelaka.

Marka 9:7

Kutani a tlavi drihumelela, drivafukumeta, ni ritu ledri dripfaka tlavini driku: Lweyi i N'wananga lweyi arandrekaka muyingelani!

Lk 3:22

ni Moya wa Kuxwenga wuxikela a henhla kwake, na wuni xivumbeko lexi xifanaka ni xa tuva, kutani kutwala a ritu ledri dripfaka atilweni driku: Wene u N'wananga lweyi arandriwaka; lweyi nitrhavisiwaka ha yene.

Lk 9:35

Kutani atlavini kutwala a ritu driku: Lweyi i N'wananga lweyi nimurandraka, muyingisetani.

Yohana 10:28

Nitinyika vutomi lebyi byingahelikiki; tingaka tingasuvi ni siku ni drin'we. Akuna mhunu lweyi atakatiwutla avokweni dranga.

Yohana 11:42

Mine niswitivile leswaku hinkwawu masiku waniyingela. Kambe nihlayi leswo hikola ka xitrhungu lexi xiyimiki kola, akuva xitapfumela leswaku hi wene unirumiki.

Yohana 14:6

Yesu aku ku yene: Hi mine ndlela, ni xihlayelamfuri, ni vutomi; akuna mhunu lweyi angataka ku Tatana, loko kunge ha mine.

Yohana 15:24

Loko afa ningatiranga amahlweni kwavu, a mintiro leyi mun'wana mhunu angamitirikiki, afa vangativana xihono. Kambe vamivonile mintiro, vatlhela vavenga mine na Tatana.

Yohana 17:2

swanga hi leswi umunyikiki ntamu henhla ka vhanu hinkwavu, akuva hinkwavu lava umunyikiki vone atavahanana vutomi lebyi byingahelikiki.

Yohana 3:15

leswaku mun'wana-ni-mun'wana lweyi apfumelaka ku yene, akuma vutomi lebyi byingahelikiki.

Yohana 3:33

A mhunu lweyi ayamukelaka vumboni byake, atiyisa leswaku Xikwembu Nkulukumba awadumbeka.

Yohana 6:40

Hikolahu-ke a kurandra ka Tatana wanga, hileswaku mun'wana-ni-mun'wana lweyi alavisaka N'wana, ava apfumela ku yene, avani vutomi lebyi byingahelikiki, kutani mine nitamupfuxa hi siku dra vugamu.

Yohana 6:47

Nihlayelamfuri nili ku n'wine, lweyi apfumelaka, ani vutomi lebyi byingahelikiki.

Yohana 6:51

Hi mine kati ledri drihanyaka ledri drixikiki hi le Tilweni; loko mhunu ada kati ledro atahanya hi la kungahelikiki, a kati ledri nitakanyika drone, i miri yanga; nin'winyika akuva n'wiva ni vutomi.

Yohana 6:53

Yesu aku ku vone: Nihlayelamfuri nili ku n'wine, loko n'wingadi miri ya N'wana wa Mhunu, ni loko n'winganwi ngati yake, an'wina vutomi andreni kwenu.

Yohana 6:54

Lweyi adaka miri yanga ni kunwa ngati yanga, ani vutomi lebyi byingahelikiki; kutani mine nitamupfuxa hi siku dra vugamu.

Yohana 6:58

Ledri hi drone kati ledrixikiki hi le Tilweni; adrifani ni ledri vatatana venu vadridiki, hikusa drone adri vasivelanga kufa; lweyi adaka kati ledri, atahanya hi la kungahelikiki.

Yohana 6:62

Switakuyini, a siku n'witaka vona N'wana wa Mhunu antlhatukela lomu afaka ekone khale xana?

Yohana 6:68

Simoni Petrosi ayangula aku ku yene: Hosi, hingaya ku mani xana? Uni maritu lawa manyikaka vutomi lebyi byingahelikiki.

Yohana 8:18

Hi mine lweyi nitihambelaka vumboni, na yene Tatana, lweyi anirumiki, ahamba vumboni henhla kwanga.

Mintiro Ya Vapostola 10:38

Yinga mhaka ya Yesu lweyi apfiki hi le Nazarete, leswaku Xikwembu Nkulukumba amutoti hi Moya wa Kuxwenga ni ntamu, atifambela na ayentxa leswi swinene, ahanyisa hinkwavu lava vakandreteliwiki hi Diyavulosi, hikusa Xikwembu Nkulukumba afa ali na Yene;

Mintiro Ya Vapostola 2:22

Petrosi aya mahlweni aku: Vavanuna va Israyele yingisetani a maritu lawa: Yesu wa Nazarete, wanuna lweyi angakombisiwa hi Xikwembu Nkulukumba ku n'wine, hi mintiro ya ntamu, ni mahlolana ni swikombiso, leswi Xikwembu Nkulukumba aswiyentxiki ha Yene amakari kwenu, swanga hi leswi n'wiswitivaka na n'wine;

Rm 4:11

Mfuri anyikiwi xikombiso xa kusoka, swanga xifungo xa kululama loku kuhumaka kupfumeleni loku angapfumelela na angasina soka; akuva ava tatana wa hinkwavu lava vapfumelaka na vangasokanga, akuva vatahlayeliwa akululama,

Rm 6:23

Hikusa a hakelo dra xidoho i kufa, kambe a nyiko leyipfaka ku Xikwembu Nkulukumba i vutomi lebyi byingahelikiki hi ntlhanganu na Kriste Yesu Hosi yeru.

I Kor 6:13

A swakuda i swa xidelo, ni xidelo i xa swakuda; kambe Xikwembu Nkulukumba ataswihelisa, a swakuda ni xidelo. Kambe a miri ahi ya vumbuye kumbe vuwoswi, kambe i ya Hosi, na yone Hosi i ya miri.

I Kor 9:2

Loko mine ningali mupostola ku van'wana, kambe ku n'wine ni yene; hikusa n'wine n'wi xikombiso xa vupostola byanga a Hosini.

II Kor 4:18

Hine hingalangusikiki leswi swivoniwaka, kambe ku leswi swingavoniwikiki. Hikusa leswi swivoniwaka i swa nkamanyana, kambe leswi swingavoniwikiki, i swaminkama hinkwayu.

Gl 5:6

Hikusa ku Kriste Yesu, aku soka ni kuka kusokiwa, aswipfuni ntxhumu, kambe i kupfumela kutiraka hikola ka lirandru.

Va-le-Filipiya 2:13

Hikusa Xikwembu Nkulukumba hi Yene lweyi a tiraka ku n'wine, i ngava hi kuswinavela kumbe hi kuswiyentxa mayelana ni kurandra kwake.

Va-le-Kolosa 1:29

hikolahu ka leswo ni tiraka, na nilwa hikola ka ntamu wakwe wutiraka ku mine.

Va-le-Kolosa 2:22

Ku kongomiwa mintxhumu leyi minyamalalaka hi kuyentxa na swinga swileleto ni tidondro ta vhanu ntsena.

Va-le-Kolosa 3:2

Yanakanyani swa le tilweni, swinge swa laha misaveni.

I Tsl 1:3

na hi n'widrimuka, hinga karali hikola ka mintiro ya kupfumela kwenu, ku ntiro wenu wa lirandru, ni kutiyisela ka kulavisela ku Hosi yeru Yesu Kriste, amahlweni ka Xikwembu Nkulukumba Tatana weru,

II Tmt 2:19

Nambi swilitanu, amasungulo lawa yakutiya ya Xikwembu Nkulukumba mahayimile, na mali ni nfungo lowu waku: a Hosi yitiva lava vanga va yone; ni leswaku lava vavitanaka vito dra Hosi, avatravukanisa ni leswakubiha.

Va-Heberu 12:16

Kungavi kone makari kwenu vhanu va vumbuye, nambi musandri, kufana na Esawu, lweyi angaxavisa a vunhondrwa byake hi mbenga mun'we wa swakuda.

Va-Heberu 4:11

Ahikhinyeleni-ke, akunhingeneni ni kuwiseni koloko, leswaku kungavina mun'we lweyi atakawa, hi kulandra ndlela yakuka kuyingiseta.

Yakobe 1:11

Loko adambu drihuma, kuta mumu, wu womisa byanyi, kutani a swiluva swa byone swibuna ni kuxonga kamavonekela ya swone ka nyamalala; hiswoswo ni lweyi wa vupfundri, atabuna mabindrwini yake.

I Ptr 1:24

Hikusa a nyama hinkwayu yifana ni byanyi, ni kuphatima ha yone kufana ni xiluva ya byanyi; kuwomi a byanyi, a xiluva xiwile;

II Ptr 1:17

Hikusa Yene ayamukeli xihluwa ni lidrumu leswi swipfaka ku Xikwembu Nkulukumba Tatana, hi loko arumeliwile a ritu ledriya drakuphatima drakutlakuka hi le tilweni driku: lweyi i N'wananga lweyi arandrekaka, lweyi ni nga ni kutrhava kukulu ha Yene!