Yohana 6:14 - Testamente Ledrimpswha ni Mapsalma

¹⁴ A vhanu lava vavoniki mahlolana lawa Yesu amayentxiki, vaku: Ha kunene, lweyi hi yene muprofeta lweyi afaka afanekeli kuta misaveni.

Yohana 6:14 ပူးပေါင်းရင်းမြစ်များ

Mt 11:3

akuva vayamuvutisa leswaku: Hi wene lweyi afanelaka a kuta, kumbe hifanela kurindrela mun'wana?

Mt 21:11

A switrhungu afa swiku: Lweyi i muprofeta Yesu, wa le Nazarete wa Galileya.

Lk 24:19

Aku ku vone: Hi leswakuyini xana? Vaku ku yene: Aswa Yesu wa le Nazarete, lweyi afaka ali muprofeta wa ntamu, akutireni ni le kudondriseni, amahlweni ka Xikwembu Nkulukumba ni le ku tiko hinkwadru.

Lk 7:16

Loko vavoni leswi vakhomiwa hi kutxhava hinkwavu vasungula kutwalisa Xikwembu Nkulukumba vaku: A muprofeta lwenkulu ahumeleli a makari kweru! Vatlhela vaku: Xikwembu Nkulukumba ayendreli tiko drakwe!

Yohana 1:21

Kutani vamuvutisa, vaku: Loko swili tanu, wene umani xana? Hi wene Eliya xana? Aku: Ahi mine. Vaku: Umuprofeta xana? Ayanguli, aku: Im'hi!

Yohana 11:27

Aku ku yene: Im'na Hosi. Napfumela leswaku hi wene Mesiya, N'wana wa Xikwembu Nkulukumba, lweyi afaka afanela kuta amisaveni.

Yohana 2:11

A mahlolana lawa, hi wolawa Yesu angasungula ha wone, amutini wa Kana a Galileya, akombisa kuphatima kwake; kutani a vadondrisiwa vakwe vahangapfumela ku yene

Yohana 4:19

A wansati aku ku yene: Hosi, naswivona leswaku u muprofeta.

Yohana 4:25

A wansati aku ku yene: Naswitiva leswaku, Mesiya, lweyi ahlayiwaka Kriste, awata; a siku atakata, atahitivisa hinkwaswu.

Yohana 4:42

Vahangaku ku wansati: Ahahapfumeli hinkonta ya ritu draku; hikusa na hine himuyingeli ha sweru, kutani haswitiva leswaku lweyi kunene i Muhuluxi wa misava.

Yohana 6:2

Alandriwi hi xitrhungu lexi xikulu lexi afaka xifamba naye, hikusa afa xivoni mahlolana lawa amayentxiki ya kuhanyisa timbabyi.

Yohana 6:26

Yesu avayangula, aku: Nihlayelamfuri nili ku n'wine, n'wanidjula kunge hi leswi n'wingavona swikombiso, kambe hi leswi n'wingada makati n'wixura.

Yohana 6:30

Kutani vaku ku yene: Xana utira xikombiso xini xana, akuva hitaxivona, akuva hitapfumela ku wene? Xana utira yini?

Yohana 7:40

Kuti loko van'wana amakari ka xitrhungu vayingeli maritu lawa, vaku: Ha kunene, lweyi hi yene muprofeta.

Mintiro Ya Vapostola 7:37

Hi yene Moxe lweyi angaku ku vana va Israyele: Xikwembu Nkulukumba atan'wipfuxela amakari ka vamakwenu, amuprofeta lweyi wanga ha mine.