Yohana 5:24 - Testamente Ledrimpswha ni Mapsalma

²⁴ Nihlayelamfuri nili ku n'wine, lweyi ayingelaka a ritu dranga, ava apfumela ku lweyi anirumiki, ani vutomi lebyi byingahelikiki, kutani angati kuyavanyisiweni, kambe ahumi kufeni anhingena vuton'wini.

Yohana 5:24 ပူးပေါင်းရင်းမြစ်များ

Mt 25:46

Volavo vataya akuxanisiweni loku kungahelikiki, kasi a valulami vataya avutomini lebyi byingahelikikiki.

Marka 16:16

Lweyi apfumelaka, ava ababatisiwa, atahuluka, kambe lweyi angapfumelikiki, atayavanyisiwa.

Yohana 11:26

Kutani mun'wana-ni-mun'wana lweyi ahanyaka, ava apfumela ku mine, angaka angafi hi la kungahelikiki. Xana waswipfumela leswo xana?

Yohana 12:44

Kutani Yesu atlakuxa ritu, aku: Lweyi apfumelaka ku mine, angapfumeli ku mine kambe apfumela ku lweyi anirumiki.

Yohana 20:31

Kambe a timhaka leti titraliwi akuva n'wipfumela leswaku Yesu i Kriste, N'wana wa Xikwembu Nkulukumba, ni leswaku hi kupfumela, n'wiva ni vutomi avitweni drakwe.

Yohana 3:16

Hikusa Xikwembu Nkulukumba arandri misava swakunhati, ako anyika N'wanakwe lweyi apswaliwiki ali swake, leswaku mani na mani lweyi apfumelaka ku yene, angatxhuki alahleka, kambe akuma vutomi lebyi byingahelikiki.

Yohana 3:18

Lweyi apfumelaka ku N'wana, angayavanyisiwi; kambe lweyi angapfumelikiki ayavanyisiwile ni swoswi, hikusa anga pfumelanga ku N'wana wa Xikwembu Nkulukumba lweyi wa mun'we.

Yohana 3:36

Lweyi apfumelaka ku N'wana, anani vutomi lebyi byingahelikiki; lweyi ayalaka kupfumela ku N'wana, angakumi vutomi, kambe a mahlundru ya Xikwembu Nkulukumba matrhami ahenhla kwake.

Yohana 4:36

A mutrhoveli ayamukela hakelo drakwe, ahlengeleta mavele avutomini lebyi byingahelikiki. Angava lweyi abyalaka ni lweyi atrhovelaka vakota kutrhava kun'we.

Yohana 6:40

Hikolahu-ke a kurandra ka Tatana wanga, hileswaku mun'wana-ni-mun'wana lweyi alavisaka N'wana, ava apfumela ku yene, avani vutomi lebyi byingahelikiki, kutani mine nitamupfuxa hi siku dra vugamu.

Yohana 6:47

Nihlayelamfuri nili ku n'wine, lweyi apfumelaka, ani vutomi lebyi byingahelikiki.

Yohana 6:50

A kati ledri drixikaka hi le Tilweni hi drone ledri driyentxaka leswaku loko mhunu ada drone, angafi.

Yohana 6:51

Hi mine kati ledri drihanyaka ledri drixikiki hi le Tilweni; loko mhunu ada kati ledro atahanya hi la kungahelikiki, a kati ledri nitakanyika drone, i miri yanga; nin'winyika akuva n'wiva ni vutomi.

Yohana 6:58

Ledri hi drone kati ledrixikiki hi le Tilweni; adrifani ni ledri vatatana venu vadridiki, hikusa drone adri vasivelanga kufa; lweyi adaka kati ledri, atahanya hi la kungahelikiki.

Yohana 8:51

Nihlayelamfuri nili ku n'wine, a mhunu lweyi abekisaka ritu dranga, angaka angavoni lifu hi la kungahelikiki.

Rm 8:1

Kambe swoswi akehena kuyavanyisiwa ku lava vanga ku Yesu Kriste.

I Tsl 5:9

Hikuva Xikwembu Nkulukumba angahibekelanga mahlundru, kambe hikuma huluko ha Hosi yeru Yesu Kriste,

I Ptr 1:21

n'wine ha Yene n'wipfumeliki ku Xikwembu Nkulukumba lweyi amupfuxiki ku lava vakufa amakari ka vafi, ava amunyika ni lidrumo, akuva a kupfumela kwenu ni kulavisela kwenu swiva ku Xikwembu Nkulukumba.

I Ptr 1:5

n'wine lava hikola ka vupfumeli n'wibekisiwaka hi ntamu wa Xikwembu Nkulukumba akuva n'wikuma a huluxu, ledri drilulameliki kutivonekisa ankameni wa vugamu.

I Yhn 3:14

Haswitiva hine leswaku ahikhaluti hi kulifu hiya vuton'wini, hikusa hi randra vamakweru. Lweyi akalaka angarandri makwavu aha file.

I Yhn 5:1

Lweyo ni lweyo apfumelaka leswaku Yesu i Kriste, a pswaliwa hi Xikwembu Nkulukumba. Ni lweyo ni lweyo arandraka Tatana arandra ni lava vapswaliwiki ha Yene.