Yohana 5:23 - Testamente Ledrimpswha ni Mapsalma

²³ akuva hinkwavu vavani xitxhavu ku N'wana, swanga heswi vangani xitxhavu ni le ku Tatana. Amun'wana ni mun'wana lweyi angekena xitxhavu ku N'wana, angana xitxhavu ni le ku Tatana lweyi amurumiki.

Yohana 5:23 ပူးပေါင်းရင်းမြစ်များ

Mt 10:37

Lweyi arandraka a tatana wakwe kumbe mamana wakwe kutlula mine, anganifaneli; ni lweyi arandraka ngopfu a n'wanakwe wa xinuna kumbe wa xisati kutlula mine anganifaneli.

Mt 11:27

Hikuva hinkwaswu swinyikiwi mine hi Tatana wanga; anga kone lweyi ativaka a N'wana loko ange Tatana, na kone akuna lweyi ativaka Tatana loko ange N'wana, ni lweyi a N'wana arandraka a kumupfuletela akuva amutiva.

Mt 12:21

Na swone a va-Matiko vatadumba vito drakwe.

Mt 15:8

A tiko ledri drinitxhava hi nomu, kambe a timbilu tavu tile kule na mine.

Mt 28:19

Hileswo-ke, fambani n'wiyadondrisa a matiko hinkwawu, n'wivababatisa hi vito dra Tatana ni dra N'wana ni dra Moya wa Kuxwenga,

Lk 10:16

Ntrhaku abyela a vadondrisiwa aku: Lweyi an'wiyingelaka, awa niyingela; nangweso lweyi an'widrelaka, awanidrela; mfuri lweyi anidrelaka adrela lweyi anirumiki.

Yohana 14:1

A timbilu tenu tingaganaganeki; pfumelani ku Xikwembu Nkulukumba; n'wipfumela ni le ku mine.

Yohana 16:14

Atanitwalisa, hikuva leswi atakan'witivisa swone, atava aswikumi ku mine.

Yohana 17:10

Hinkwaswu leswi swinga swanga, i swaku; ni swaku, i swanga; kutani nitwalisiwi hikola ka swone.

Rm 1:7

Nitralela n'wine hinkwenu, Xikwembu Nkulukumba an'wirandriki, an'wivitaniki a kuhanyela Yene. Ingi Xikwembu Nkulukumba, Tatana weru, na Yesu Kriste Hosi yeru vangan'winyika timpswalu ni kurula.

Rm 15:12

Muprofeta Ezaya na yene ati: Kutata wa lixaka dra Yixayi lweyi a taka yima afuma matiko; a va-Matiko vata beka kulavisela ku yene.

Rm 6:22

Swoswi kutani n'wintrhunxekiki ku xidoho, n'windrulukiki n'wiva switiro swa Xikwembu Nkulukumba. N'wini handru wenu akuva n'wibasisiwa, akuva n'witava ni vutomi lebyi byingahelikiki.

Rm 8:9

Ke, n'wine swoswi an'wihanyi nyameni, kambe n'wihanya Moyeni, loko hakunene n'wini Moya wa Xikwembu Nkulukumba. Loko mhunu ange na Moya wa Kriste, ahi wa Kriste.

I Kor 1:3

A timpswalu ku n'wine ni kurula, swipfa hi le ku Xikwembu Nkulukumba, Tatana weru, ni hi le ku Yesu Kriste, Hosi yeru.

I Kor 10:31

Hileswo-ke nambi n'wida, nambi n'winwa, nambi n'wiyentxa yini na yini, yentxani hinkwaswu hi kutwalisa Xikwembu Nkulukumba.

I Kor 16:22

Loko kuni lweyi angarandriki Hosi, ave anaatema! Maran atha. (Tana Hosi).

I Kor 6:19

Kumbe xana an'wiswitivi leswaku a miri wenu i tempele dra Moya wa Kuxwenga, lowu wunga ku n'wine, lowu wupfaka hi le ku Xikwembu Nkulukumba, ni leswaku n'wine an'witilumbi, xana?

II Kor 1:9

kambe, kutani ku hine mfuri, afa hi tiyanakanyela a yavanyiso dra lifu, akuva hinga tidumbi, kambe ina, ku Xikwembu Nkulukumba lweyi apfuxaka vafi,

II Kor 5:14

A lirandru dra Kriste dra hisindrisa, hiyanakanya leswi swaku: Mun'we a feli hinkwavu; kolahu, hinkwavu va file.

II Kor 5:19

Xileswo, Xikwembu Nkulukumba afa ali ku Kriste, atibuyelelisi ni vhanu, na angalondrisi swihono swavu, kutani ahirwexi kutivisa ntiro wa kubuyelelana.

Ef 6:24

Atimpswalu ative na n'wine hinkwenu lava randraka Hosi yeru Yesu Kriste hi kudumbeka hinkwaku. Amen!

II Tmt 1:12

Hileswo-ke naxaniseka ha swone; kambe anina tingana hikusa nitiva lweyi nipfumeliki ku yene, nidumba leswaku ana ni ntamu wa kubekisa leswi nibekiki ku yene, kukota kutlhasa ledro siku.

Va-Heberu 1:6

Na kambe, loko akurumela N'wana wakwe lweyi wa kuva swake misaveni ate: Atintrumi hinkwatu ta Xikwembu Nkulukumba tifanela kumugandrela!

II Ptr 1:1

Simoni Petrosi, a nandra ni mupostola wa Yesu Kriste, ku lava hinkweru hi yamukeliki kupfumela kakufana kalisima, akululameni ka Xikwembu Nkulukumba weru ni Muhuluxi Yesu Kriste.

II Ptr 3:18

Kutlula hinkwaswu, yanani mahlweni n'wikula atimpswalwini ni le kutiveni ka Hosi yeru ni Muhuluxi Yesu Kriste. Ku yene akunyikiwe lidrumu, kusukela swoswi nikuyatlhasa sikwini ledringahelikiki! Amen.

I Yhn 2:23

Lweyi alandrulaka N'wana, na kone atrhama na ange na Tatana. Kutani lweyi apfumelaka N'wana, na kone ana Tatana.

II Yhn 1:9

Lweyo ni lweyo a humaka dondrweni ya Kriste, angatrhami ku yone, angana Xikwembu Nkulukumba; lweyi a trhamaka na atiyile adondrweni ya Kriste, yene ana Tatana ni N'wana.