Yohana 4:36 - Testamente Ledrimpswha ni Mapsalma

³⁶ A mutrhoveli ayamukela hakelo drakwe, ahlengeleta mavele avutomini lebyi byingahelikiki. Angava lweyi abyalaka ni lweyi atrhovelaka vakota kutrhava kun'we.

Yohana 4:36 ပူးပေါင်းရင်းမြစ်များ

Mt 19:29

Mun'wana-ni-mun'wana lweyi atrikiki tiyindlu, vamakwavu va xinuna ni va xisati, ni tatana wakwe kumbe mamana wakwe, kumbe nsati ni vana, kumbe masimu hinkonta yanga, atayamukela hi ka dzana (100) ni kuhindra, ava ada pfindla dra vutomi lebyi byingahelikiki.

Yohana 3:36

Lweyi apfumelaka ku N'wana, anani vutomi lebyi byingahelikiki; lweyi ayalaka kupfumela ku N'wana, angakumi vutomi, kambe a mahlundru ya Xikwembu Nkulukumba matrhami ahenhla kwake.

Yohana 4:14

Kambe mun'wana-ni-mun'wana lweyi anwaka mati lawa nitakamunyika wone, angaka angahatlheli atwa tora ni siku ni drin'we; kambe a mati lawa nitakamunyika wone, matava ku yene nhlovo ya mati lawa mapfelelaka, manyika vutomi lebyi byingahelikiki.

Yohana 5:24

Nihlayelamfuri nili ku n'wine, lweyi ayingelaka a ritu dranga, ava apfumela ku lweyi anirumiki, ani vutomi lebyi byingahelikiki, kutani angati kuyavanyisiweni, kambe ahumi kufeni anhingena vuton'wini.

Rm 1:13

Anirandri mfuri vamakweru, leswaku n'wikohla leswaku ha kanyingi niyentxi makungu ya kun'wiyendrela, akuva na kone nikuma mihandru swanga hi leswi swiyentxekaka makari ka van'wana.

Rm 2:7

a vutomi lebyi byingahelikiki ku lava vayentxaka hi kutiyisela a mintiro leminene na vadjula lidrumo ni kutwala ni kuka kungaboliwi.

Rm 6:22

Swoswi kutani n'wintrhunxekiki ku xidoho, n'windrulukiki n'wiva switiro swa Xikwembu Nkulukumba. N'wini handru wenu akuva n'wibasisiwa, akuva n'witava ni vutomi lebyi byingahelikiki.

Rm 6:23

Hikusa a hakelo dra xidoho i kufa, kambe a nyiko leyipfaka ku Xikwembu Nkulukumba i vutomi lebyi byingahelikiki hi ntlhanganu na Kriste Yesu Hosi yeru.

I Kor 9:17

Hikuva loko niyentxa leswo hi kurandra kwanga, nini hakelo; kambe loko kungali kurandra kwanga, swidjula a kuhlaya leswaku i ntiro lowu ninyikiwiki wone;

I Kor 9:18

kolahu-ke a hakelo dranga hi drini, xana? Hileswaku nirera a Ivangeli na ningahakeliwi, akuva ningatidjuleli wupfunu ku mfanelo leyi ningana yone hi kurera a Ivangeli.

I Tsl 2:19

Hikusa i yini kudumba kweru, ni ngiyana yeru ya kutikutxa, xana a hi n'wine mfuri amahlweni ka Hosi yeru Yesu Kriste akubuyeni kwake?

I Tmt 4:16

Tibekise wene ha vuswaku, ubekisa ni dondro, utiyisela ku swone; hikuva loko uyentxa leswo utatihuluxa wene, uhuluxa ni lava vakuyingelaka.