Yohana 3:27 - Testamente Ledrimpswha ni Mapsalma

²⁷ Yohana ayangula, aku: A mhunu angaka angavina ntxhumu, loko angawunyikiwanga wupfa Tilweni.

Yohana 3:27 ပူးပေါင်းရင်းမြစ်များ

Mt 21:25

Xana a babatiso dra Yohana afa dripfa kwini? Atilweni kumbe a vhanwini? Kolahu vakhanelisana van'we ni van'wana vaku: Loko hihlaya leswaku atilweni, ataku: Hayini-ke n'wingapfumelanga ku yene?

Mt 25:15

A mun'we ku vone amunyika ntlhanu wa matalanta, a mun'wana amunyika mabiri, a mun'wanyana amunyika drin'we; mun'wana-ni-mun'wana mayelano ni ntamu wakwe, ahanga suka ayendra.

Marka 13:34

Swifana ni loko a nuna wa kukari asiya a yindlu yake ayendra, anyiketa ku malandra yake a ntamu wa kuyibekisa, na mun'wana-ni-mun'wana ani ntiro wakwe, kutani aleleta ku muyimeli wa nyangwa akuva alavelela.

Yohana 10:41

Lava va kutala vata ku yene, vaku: Yohana angayentxanga xikombiso ni xin'we, kambe hinkwaswu leswi Yohana angahlaya henhla ka mhunu lweyi, switiyile.

Yohana 6:65

Kuva loko ayengeta aku: Hikolahu nin'wibyeliki, niku: Akuna mhunu lweyi angataka ku mine, loko anganyikiwanga swone hi Tatana.

Rm 1:5

Kuvi hikola kwake hi yamukeliki a timpswalu ni vurumiwa, kuyisela kuyingiseteni ka kupfumela, amakari ka vhanu va-Matiko hinkwawu hinkonta ya vito drakwe.

Rm 12:6

leswi hingani tinyiko leti hambaniki, hikola ka timpswalu leti hi nyikiwiki tone: Lweyi angani nyiko ya kuprofeta, afanela kuyi tirisa hi kulandra kupfumela kwake.

I Kor 1:1

Pawulosi, avitaniwiki hi kurandra ka Xikwembu Nkulukumba akuva mupostola wa Yesu Kriste, kun'we ni makweru Sostenesi,

I Kor 12:11

Kambe hinkwaswu leswo switiriwa hi Moya wolowu wa wun'we, wuyavela ku mun'wana-ni-mun'wana hi laha wurandraka ha kone.

I Kor 15:10

Kambe hi timpswalu ta Xikwembu Nkulukumba, mine ni leswi ninga swone, ni timpswalu ku mine ativanga ta mahala, hikuva nitiri ngopfu kutlula hinkwavu, nambi leswi afaka angali mine kambe tili timpswalu ta Xikwembu Nkulukumba leti tinga ku mine.

I Kor 3:5

Ke, Pawulosi hi mani xana? Na yene Apolo hi mani xana? Loko vangali malandra, lava n'wine n'wipfumeliki hikola kwavu, hi laha mun'wana-ni-mun'wana anyikiwiki Hosi?

I Kor 4:7

Hikusa hi mani lweyi akuhambanisaka ni van'wana, xana? Nakone una yini leswi unganyikiwangakiki? Mfuri leswi wekeyamukela ntsena, hayini-ke utitwalisa, swanga hi loko leswi unga naswu unganyikiwanga?

Gl 1:1

Pawulosi, muapostolo, na kunge hi tlhelo dra vhanu, nambi kukuyentxiwa hi vumhunu, kambe ha Yesu Kriste, ni Xikwembu Nkulukumba Tatana, lweyi angapfuxa Yesu ku vakufa,

Ef 1:1

Pawulosi, mupostola wa Yesu Kriste hikurandra ka Xikwembu Nkulukumba, ku tinsasi hinkwatu ta le Efesa, vadumbeki ku Kriste Yesu.

I Tmt 2:7

vumboni lebyi mine nibekiwiki swanga mureri, ni mupostola wa byone, nihlayelamfuri, anihembi, mine ni mudondrisi wa va-Matiko akupfumeleni ni le xihlayelamfurini.

Yakobe 1:17

Akuhanana hinkwaku loko ka hombe ni nyiko hinkwayu leyi ya kuhetiseka, swipfa henhla-henhla, swipfa ku Tatana, nhlovo ya livaningo hinkwadru. Ku yene akuna kundruluka nambi ntrhuti ni wun'we wa kundruluka.