Yohana 2:11 - Testamente Ledrimpswha ni Mapsalma

¹¹ A mahlolana lawa, hi wolawa Yesu angasungula ha wone, amutini wa Kana a Galileya, akombisa kuphatima kwake; kutani a vadondrisiwa vakwe vahangapfumela ku yene

Yohana 2:11 ပူးပေါင်းရင်းမြစ်များ

Yohana 1:14

A Ritu drandruluki nyama, driva driyaka makari kweru, kutani hihlaleli kuphatima ka drone kunga kuphatima ka n'wana lweyi wa mun'we wa Tatana; afa atali hi timpswalu ni xihlayelamfuri.

Yohana 1:17

Hikusa a Nawu wunyikiwi hikola ka Moxe, kambe a timpswalu ni xihlayelamfuri switi ha Yesu Kriste.

Yohana 1:43

A siku ledri drintlhantamaka, Yesu afa adjula kuya Galileya, kutani akumi Filipi aku ku yene: Ni landre!

Yohana 1:50

Yesu ayangula, aku ku yene: Xana upfumela hi leswi nitiki: Nikuvoni a hansi ka nkuwa, xana? Utavona leswi swikulu kutlula leswi.

Yohana 10:41

Lava va kutala vata ku yene, vaku: Yohana angayentxanga xikombiso ni xin'we, kambe hinkwaswu leswi Yohana angahlaya henhla ka mhunu lweyi, switiyile.

Yohana 11:15

Kutani, nitrhavile hinkonta yenu, leswi afaka ningekone, leswaku n'witapfumela; kambe ahiyeni ku yene!

Yohana 11:47

Kutani varangeli va vaprista ni vafarisi varamba huvu, vaku: Hitayentxa yini xana, leswi a mhunu lweyi atiraka mahlolana lawa ya kutala?

Yohana 12:18

Nakone a xitrhungu xiyile, xiya mutlhangaveta hikusa afa xiyingeli leswaku ayentxi mahlolana wolawu.

Yohana 12:37

Kambe nambi loko ayentxi mahlolana lawa manyingi ngopfu amahlweni kwavu, avapfumelanga ku yene,

Yohana 12:41

Ezaya ahlayi leswo, loko avoni kutwala ka Yesu, na kone, akhaneli ha yene.

Yohana 14:13

Kutani nambi n'wingakombela yini na yini hi vito dranga, nitaswiyentxa, akuva Tatana atwalisiwa ku N'wana.

Yohana 16:27

hikuva Tatana hi ntshima yake awan'wirandra hinkwenu hi leswi n'wine n'winirandriki, n'wiva n'wipfumela leswaku nipfi ku Xikwembu Nkulukumba.

Yohana 16:30

Swoswi hayingelisisa leswaku utiva hinkwaswu, kolahu aswifaneli leswaku mhunu akuvutisa ntxhumu. Hikola ka leswo, hapfumela leswaku upfa ku Xikwembu Nkulukumba.

Yohana 2:1

Hi siku dra vuraru, kuva ni nkhuvu wa vukati amutini wa Kana le Galileya. Na yene mamana wa Yesu afa ali kone.

Yohana 2:23

Loko ali Yerusalema, ankhubyini wa Paska, a vhanu lava vanyingi vapfumela ku yene, hi kuvona mahlolana lawa amayentxaka.

Yohana 3:2

Ayi ku Yesu ni vusiku, atlhasa aku: Mudondrisi, haswitiva leswaku u mudondrisi lweyi apfaka ku Xikwembu Nkulukumba, hikusa akuna mhunu lweyi angayentxaka mahlolana lawa umayentxaka, loko Xikwembu Nkulukumba ange na yene.

Yohana 4:3

asuka Yudeya atlhelela Galileya.

Yohana 4:46

Kutani Yesu nangweso atlhelela Kana wa Galileya, lomu afaka andruluti mati mayentxa vhinyo kone. Kolahu afa kuni ndruna, leyi afaka yivabyeliwa hi n'wana wa djaha a Kapernawume.

Yohana 4:54

Ledri i hlolana dra vubiri ledri Yesu adriyentxiki loko asuki Yudeya ata Galileya.

Yohana 5:23

akuva hinkwavu vavani xitxhavu ku N'wana, swanga heswi vangani xitxhavu ni le ku Tatana. Amun'wana ni mun'wana lweyi angekena xitxhavu ku N'wana, angana xitxhavu ni le ku Tatana lweyi amurumiki.

Yohana 6:14

A vhanu lava vavoniki mahlolana lawa Yesu amayentxiki, vaku: Ha kunene, lweyi hi yene muprofeta lweyi afaka afanekeli kuta misaveni.

Yohana 6:2

Alandriwi hi xitrhungu lexi xikulu lexi afaka xifamba naye, hikusa afa xivoni mahlolana lawa amayentxiki ya kuhanyisa timbabyi.

Yohana 6:26

Yesu avayangula, aku: Nihlayelamfuri nili ku n'wine, n'wanidjula kunge hi leswi n'wingavona swikombiso, kambe hi leswi n'wingada makati n'wixura.

Yohana 6:30

Kutani vaku ku yene: Xana utira xikombiso xini xana, akuva hitaxivona, akuva hitapfumela ku wene? Xana utira yini?

Yohana 7:31

Lava vavanyingi amakari ka xitrhungu vapfumela ku yene, vaku: Xana loko Kriste atata, atayentxa mahlolana lawa matlulaka lawa mayentxiwaka hi mhunu lweyi xana?

Yohana 9:16

Van'we vafarisi vaku: Lweyi ayentxiki leswi angapfi ku Xikwembu Nkulukumba, hikusa angalondrisi Savata. Van'wana vaku: Xana mhunu lweyi anga mudohi angaswikotisa kuyini kuyentxa mahlolana yange hi lawa xana? Kutani afa kuni kuhambana amakari kwavu.

II Kor 3:18

Kutani hine hinkweru va mimombo leyi mifukumuliwiki, hi vonekela swanga hi xivonivoni, xa kutwala ka Hosi; handrulutiwa akuphatimeni hinkwaku, axifanisweni xakwe, swanga hi kuyentxa ka moya wa Hosi.

II Kor 4:17

Hikusa a mahlomulo ya nkama lowu wa swoswi mavevuka, mahitisela lidrumo drakuphatima loku kungahelikiki, loku kungekena kupimanisiwa.

II Kor 4:6

Hikusa Xikwembu Nkulukumba ati: A livaningo dritavaninga amunyameni. Hikusa Yene mfuri a vaningile timbilwini teru, akuva hi vaninga kutiveni ka lidrumu dra Xikwembu Nkulukumba, amombyeni wa Yesu Kriste.

I Yhn 5:13

Ni n'witraleli mintxhumu leyi akuva n'witiva leswaku n'wini vutomi lebyi byingahelikiki, leswaku n'wipfumela ku Vito dra N'wana wa Xikwembu Nkulukumba.