Yohana 17:17 - Testamente Ledrimpswha ni Mapsalma

¹⁷ Vaxwengisi axihlayelamfurini xaku; a ritu draku hi xo xihlayelamfuri.

Yohana 17:17 ပူးပေါင်းရင်းမြစ်များ

Lk 8:11

A xifaniso lexi xidjula kuhlaya leswi: A mbewu i Ritu dra Xikwembu Nkulukumba.

Lk 8:15

A mbewu leyi yiweliki misaveni leminene, hi vhanu lava yingelaka a ritu hi timbilu leti tinene, vayingiseta kutani vadribekisa, vatiya vanyika a ntrhovelo wunene.

Yohana 15:3

Niswoswi n'wine n'wibasile, hikola ka ritu ledri nin'wibyeliki drone.

Yohana 17:19

Kutani nitixwengisela vone, akuva na vone vava lava vaxwengisiwiki axihlayelamfurini.

Yohana 8:32

Na swone n'witativa xihlayelamfuri, kutani a xihlayelamfuri xitan'wintrhunxa.

Yohana 8:40

Kambe swoswi n'widjula kunidlaya, mine nin'wibyeliki xihlayelamfuri lexi nixiyingeliki ku Xikwembu Nkulukumba! Leswo Abrahamu angaswiyentxanga.

Mintiro Ya Vapostola 15:9

Mfuri angahambanisanga ntxhumu ni mun'we amakari kweru na vone, hikusa avadrivaleli swidoho na vone, hi kupfumela.

II Kor 3:18

Kutani hine hinkweru va mimombo leyi mifukumuliwiki, hi vonekela swanga hi xivonivoni, xa kutwala ka Hosi; handrulutiwa akuphatimeni hinkwaku, axifanisweni xakwe, swanga hi kuyentxa ka moya wa Hosi.

Ef 4:21

loko kunene n'wayingelile vavulavula ha yene, ni loko n'widondrisiwi ku Yene, hikulandra xihlayelamfuri xinga ku Yesu.

Ef 5:26

Ayentxi leswo akuva adrihlawulekisa ni kudri basisa hi mati ni hi ritu drakwe,

II Tsl 2:13

Kambe loko ali hine, vamakweru lava varandrekaka Hosisni, hi fanela kutlangela Xikwembu Nkulukumba, himinkama hinkwayu hikola kwenu. Hikusa Yone yin'wihlawulile akuva vakuranga kuyamukela kuhuluxiwa, hi ntiro wa Moya ni hi kupfumela kwenu ku xihlayelamfuri.

Yakobe 1:21

Ke, bekani hi tlhelo xambya hinkwayu ni mona lowu wuhundrisaka kutani n'wiyamukela hi kutitrongohata a Ritu ledri dribyaliwiki ku n'wine, ledri dringa ni ntamu akuva drihuluxa vutomi.