Lweyi ayamukelaka milawu yanga, ava amibekisa, hi yene lweyi anirandraka; kutani lweyi anirandraka, atarandriwa hi Tatana wanga; na mine nita murandra, niva nitivonekisa ku yene.
Kambe loko kutatlhasa Mutxhaveleli, lweyi nitakan'wirumela yene apfa ku Tatana, wunga Moya wa xihlayelamfuri, lowu wuhumaka ku Tatana, hi yene lweyi atakanihambela vumboni.
Hileswo-ke nan'witivisa leswaku akuna mhunu lweyi avulavulaka hi Moya wa Xikwembu Nkulukumba, angahlayaka leswaku: Yesu i murukiwa. Nakone akuna mhunu lweyi anga kotaka kuhlaya leswaku: Yesu i Hosi, loko kungali hi Moya wa Kuxwenga.
Hikusa Xikwembu Nkulukumba ati: A livaningo dritavaninga amunyameni. Hikusa Yene mfuri a vaningile timbilwini teru, akuva hi vaninga kutiveni ka lidrumu dra Xikwembu Nkulukumba, amombyeni wa Yesu Kriste.
Hileswo-ke, n'wine lava vapfumelaka vanani ni xihluwa, kambe ku lava va kuka-kupfumela, a ribye ledri a vayaki vadridreliki, drindruluki a ribye dra hoka;
Haswitiva ha kunene leswaku a N'wana wa Xikwembu Nkulukumba atile, ahi nyiki vutlhari byakuva hitiva leswi inga xihlayelamfuri. Kutani hi le kuxihlayelamfuri, ku N'wanake, Yesu Kriste. Yene i Xikwembu Nkulukumba hi ntshima, na anga vutomi lebyi byingahelikiki.
Lweyi hi Yene lweyi atiki hi mati ni ngati, Yesu Kriste, Yene angatanga hi mati ntsena, kambe hi mati ni ngati. Kutani a Moya hi wone wuhi bekelaka vumboni, hikusa a Moya lowo i xihlayelamfuri.
Kolahu ni wela minengeni ya yone akuva ni yigandrela, kambe yone yiku ku mine: Im'hi! Ungayentxi leswo! Mine ni nandra-kuloni ni wa vamakwenu lava vanga ni vumboni bya Yesu. Gandrela Xikwembu Nkulukumba. Hikuva a vumboni bya Yesu i Moya wa kurera kweru.