Yohana 15:19 - Testamente Ledrimpswha ni Mapsalma

¹⁹ Loko afa n'wi va misava, ana misava mirandri swa yone; kambe leswi n'wingeke va misava, ni leswi nin'wihlawuliki makari ka yone; hikolahu a misava man'wivenga.

Yohana 15:19 ပူးပေါင်းရင်းမြစ်များ

Mt 10:22

N'witahambuliwa hi misava hinkwayu hinkonta yanga; kambe lweyi atakatiyisela kutlhasa vugan'wini atahuluxiwa.

Mt 24:9

Kutani vatan'winyiketa akuxanisekeni, vatan'widlaya; n'witavengiwa hi matiko hinkwayu hinkonta ya vito dranga.

Lk 6:32

Loko n'wirandra ntsena lava van'wirandraka, n'witakuma a hakelo muni ku Xikwembu Nkulukumba xana? Hikusa na vone vadohi varandra lava vavarandraka.

Yohana 13:18

Anihlayi n'wine hinkwenu; navativa lava nivahlawuliki; kambe hileswaku a tralwa drihetiseka, ledri dringaku: Lweyi adaka na mine kati, anitlakuxeli xirendre.

Yohana 15:16

Ahi n'wine n'winihlawuliki; kambe hi mine nin'wihlawuliki, nin'wibekiki akuva n'wiya n'wibeka mihandru, ni mihandru yenu miva leyi mitrhamiki; akuva nambi n'wikombela yini na yini ku Tatana hi vito dranga, atan'winyika.

Yohana 6:70

Yesu avayangula aku: Xana ahi mine ningan'wihlawula, n'wine lava va khume na vabiri? Kasi mun'we ku n'wine i Diyavulosi

Yakobe 4:4

Vhanu lava vangadumbekikiki! An'wiswitivi leswaku avunakulobye ni misava i vunala ku Xikwembu Nkulukumba xana? Hileswo-ke, loko mhunu arandra kuva nakulobye wa misava, atiyentxa nala ku Xikwembu Nkulukumba.

I Ptr 4:3

Hikuva wadringana a nkama lowu wukhalutiki, na n'wiyentxa a kurandra ka va-Matiko, hi kufambela vuwoswanini, ni kunaveleni loku kumfani, vupopswini, ni le minkhubyini ya kuda, ni le kugandreleni ka kunyenyentsa ka swikwembu swakuka-ndlela.

I Yhn 3:12

Hingafani na Kayini, lweyi afaka ali lwenfani, xiswoswo, angadlaya makwavu. Amudlayi hikola ka yini xana? Hileswi mintiro yake afaka mibihile, na kasi ya makwavu afa milulamile.

Mpfuletelo 12:17

Kutani dragoni drihlundrukela wansati, drisuka driya lwa ni lava vasaliki va lixaka drakwe lava vabekisaka swileleto swa Xikwembu Nkulukumba, ni lava vangani vumboni bya Kriste Yesu.

Mpfuletelo 12:9

Kutani kakutxukumetiwa a dragoni ledrikulu, a nyoka leyi ya khale, leyi vitaniwaka Diyavulosi na Sathana, lweyi a kanganyisaka misava hinkwayu. Yene ni tintrumi takwe vatxukumeteliwi misaveni.