Yohana 14:9 - Testamente Ledrimpswha ni Mapsalma

⁹ Yesu aku ku yene: Nitrhami na n'wine nkama wunyingi, kutani awusinitiva, Filipi? Lweyi anivoniki, avoni Tatana. Kutani uhlaya ha yini uku: Hikombe Tatana?

Yohana 14:9 ပူးပေါင်းရင်းမြစ်များ

Marka 9:19

Kambe Yene avayangula aku: Yoo! Lixaka ledri dringapfumelikiki! Xana nitava na n'wine kuyagama kwini? Xana nitan'wilehisela mbilu kuyagama kwini? Buyisani a mufana lweyo ku mine.

Lk 12:56

N'wi vamandrendre! N'waswikota kupimisa mavonekela ya misava ni ya tilo; kambe xana a swikombiso swa nkama lowu an'wiswikoti hayini kuswipimisa?

Yohana 1:14

A Ritu drandruluki nyama, driva driyaka makari kweru, kutani hihlaleli kuphatima ka drone kunga kuphatima ka n'wana lweyi wa mun'we wa Tatana; afa atali hi timpswalu ni xihlayelamfuri.

Yohana 10:30

Mine na Tatana hi mun'we.

Yohana 12:45

Ni lweyi anivonaka, avona lweyi anirumiki.

Yohana 14:20

Hi siku ledro, n'witativa leswaku ni le ku Tatana, na n'wine n'wile ku mine, na mine ni le ku n'wine.

Yohana 14:7

Loko afa n'winitivile, an'witativa ni Tatana wanga; kusukela swoswi, n'wamutiva, na swone n'wimuvonile.

Yohana 8:19

Vaku ku yene: A tatana waku akwini? Yesu ayangula, aku: An'winitivi, nambi ali Tatana wanga an'wimutivi; loko afa n'winitivile, an'witativa ni Tatana wanga.

I Kor 15:12

Ke loko kureriwa leswaku Kriste apfukile kufeni, xana hayini van'we ku n'wine vahlaya leswaku akuna kupfuxiwa ka vafi?

Va-le-Filipiya 2:6

Lweyi aviki hi xiyimu xa Xikwembu Nkulukumba, angatirisanga mfanelo leyo akuva ahlayiwa swanga Xikwembu Nkulukumba.

Va-le-Kolosa 1:15

Yene i xifaniso xa Xikwembu Nkulukumba lweyi angavoniwikiki, amativula ya hinkwaswu swivumbiwa.

Va-Heberu 1:3

Yene lweyi angakuphatima ka lidrumu drakwe, ni ritu dra kuhetiseka dra vumhunu byake, atameli mintxhumu hinkwayu hi ritu dra ntamu wakwe. Ntrhaku ka kuva a yentxile ntiro wa kuhlampswa swihono, ateki vutrhamu byake xineneni xavunkulukumba, a henhla-henhla.

I Yhn 5:20

Haswitiva ha kunene leswaku a N'wana wa Xikwembu Nkulukumba atile, ahi nyiki vutlhari byakuva hitiva leswi inga xihlayelamfuri. Kutani hi le kuxihlayelamfuri, ku N'wanake, Yesu Kriste. Yene i Xikwembu Nkulukumba hi ntshima, na anga vutomi lebyi byingahelikiki.