Yohana 14:13 - Testamente Ledrimpswha ni Mapsalma

¹³ Kutani nambi n'wingakombela yini na yini hi vito dranga, nitaswiyentxa, akuva Tatana atwalisiwa ku N'wana.

Yohana 14:13 ပူးပေါင်းရင်းမြစ်များ

Mt 21:22

Ke, hinkwaswu leswi n'witakaswikombela hi kukhongota na n'wikholwa, n'witaswiyamukela.

Mt 7:7

Kombelani, n'witanyikiwa; djulani, n'witaswikuma; gongondrani, n'witapfuleliwa.

Marka 11:24

Hileswo-ke, nan'wibyela nili: Hinkwaswu leswi n'wiswikombelaka hi kukhongota, pfumelani leswaku n'winyikiwile.

Lk 11:9

Hikola ka leswo nili ku n'wine, kombelani n'witanyikiwa hi Xikwembu Nkulukumba, djulani n'witaswikuma, gongondrani n'witapfuleliwa.

Yohana 10:30

Mine na Tatana hi mun'we.

Yohana 12:44

Kutani Yesu atlakuxa ritu, aku: Lweyi apfumelaka ku mine, angapfumeli ku mine kambe apfumela ku lweyi anirumiki.

Yohana 13:31

Loko Yudasi ahumile, Yesu aku: Swoswi N'wana wa Mhunu atwalisiwile, na kone Xikwembu Nkulukumba atwalisiwile ku yene.

Yohana 14:14

Loko n'wikombela xa ntxhumu, hi vito dranga, nitaxiyentxa.

Yohana 14:6

Yesu aku ku yene: Hi mine ndlela, ni xihlayelamfuri, ni vutomi; akuna mhunu lweyi angataka ku Tatana, loko kunge ha mine.

Yohana 15:16

Ahi n'wine n'winihlawuliki; kambe hi mine nin'wihlawuliki, nin'wibekiki akuva n'wiya n'wibeka mihandru, ni mihandru yenu miva leyi mitrhamiki; akuva nambi n'wikombela yini na yini ku Tatana hi vito dranga, atan'winyika.

Yohana 15:7

Loko n'witrhama ku mine, ni maritu yanga matrhama ku n'wine, kombelani hinkwaswu leswi n'wiswirandraka, n'witanyikiwa.

Yohana 16:23

Hi siku ledro, n'winganivutisi ntxhumu. Nihlayelamfuri nili ku n'wine: Hinkwaswu leswi n'witakakombela ku Tatana hi vito dranga atan'winyika.

Yohana 16:26

Asikwini ledro n'witakombela hi vito dranga; kambe anin'wibyeli leswaku nitakhongota Tatana hinkonta yenu;

Yohana 16:7

Kambe nan'wibyela xihlayelamfuri nili i swinene ku n'wine akuva ni muka, hikuva loko ningamuki, a Mutxhaveleli angaka angati ku n'wine; Kasi loko nisuka ku n'wine, nitan'wirumela yene.

Yohana 4:10

Yesu amuyangula aku: Loko afa utivi nyiko ya Xikwembu Nkulukumba ni leswaku i mani lweyi aliki nihanani ninwa, ana wene ukombeli ku yene, kutani yene afa atakunyika mati lawa mahanyaka

Yohana 4:14

Kambe mun'wana-ni-mun'wana lweyi anwaka mati lawa nitakamunyika wone, angaka angahatlheli atwa tora ni siku ni drin'we; kambe a mati lawa nitakamunyika wone, matava ku yene nhlovo ya mati lawa mapfelelaka, manyika vutomi lebyi byingahelikiki.

Yohana 5:19

Hileswo-ke Yesu angavayangula, aku: Nihlayelamfuri nili ku n'wine, a N'wana angaswikoti a kutisungulela atira ntxhumu loko angavoni Tatana lweyi aswitiraka; hikuva leswi lweyo aswitiraka, na yene n'wana aswitirisa xiswoswo.

Yohana 7:37

Hi siku dra vugamu, dra nkhuvu, dringa ledri drikulu, Yesu asekeleka ayima, kutani atlakuxa ritu, aku: Loko mhunu ani tora, ate ku mine, atatanwa.

I Kor 14:13

Hikolahu-ke lweyi avulavulaka a lidrimi drimbeni, akhongote, akuva adritlhamuxela.

Ef 2:18

Akutlangeliwe Yene hikusa haswikota swoswi, swanga ha van'we ku van'wana hitlhasa ku Tatana, na hifambisiwa ha Moya mun'we.

Ef 3:12

Kuvi hi kupfumela ku Kriste ni kutlhangana na yene loku hine hi twaka ntrhunxeko wa kuva hi tikombisa mahlweni ka Xikwembu Nkulukumba, na hitali hi kudumba.

Ef 3:14

Hikola ka mhaka leyi nikhisama hi matrolo amahlweni ka Xikwembu Nkulukumba Tatana,

Va-le-Filipiya 4:13

Ningaswikota ku hinkwaswu ku lweyi anitiyisaka.

Va-le-Kolosa 3:17

Hinkwaswu leswi n'wiswiyentxaka kumbe n'wiswihlayaka, aswiyentxiwe hi vito dra Hosi Yesu, ha yene, n'witlangela Xikwembu Nkulukumba Tatana.

Va-Heberu 13:15

Kolahu ke, ahiyeni mahlweni ha Yene, hi humexela switlhavelo swa lidrumu ku Xikwembu Nkulukumba, hileswaku, a mihandru ya milomu leyi mihlayaka vito drakwe.

Va-Heberu 4:15

Hikusa ahi na muprista lwenkulu, angaswikotikiki kuhitretrelela gome dreru, leswi angadringiwa na Yene ku hinkwaswu kufana na hine, kambe angana xidoho.

Va-Heberu 7:25

Hileswo-ke, vangaswikota kuhuluxa lava trhindrekelaka ku Xikwembu Nkulukumba, leswi ahanyaka hilaha kungahelikiki akuva ava khongotelela.

Yakobe 1:5

Kambe loko wa kukari angenavutlhari bya kudringana a akombele ku Xikwembu Nkulukumba lweyi hananaka hinkwavu mahala na angasoli, kutani atan'winyika.

Yakobe 5:16

Ke, byelanani swidoho; n'wikhongotelana mun'wana ku mun'wana, akuva miholisiwa. A xikhongoto xa mululami xini ntamu swinene xatira.

I Ptr 2:5

Na n'wine, swanga maribye lawa mahanyaka, n'wiyakiwa n'wiva yindlu ya moya, avupristeni bya kuxwenga, akuva n'winyikela ha Yesu Kriste, a timhamba ta moya, leti tiyamukelekaka ku Xikwembu Nkulukumba.

I Yhn 3:22

kutani lexo ni lexi hi xikombelaka, hita xiyamukela ku Yene, hikusa hi bekisi swileleto swake na mfuri hi yentxi leswi switrhavisaka amahlweni kwake.

I Yhn 5:14

Hikoloku, akudumba loku hinganaku ku Yene hileswaku: loko hikombela xa ntxhumu hikulandra kurandra kwake, kutani Yene awahiyingela.