Yohana 12:28 - Testamente Ledrimpswha ni Mapsalma

²⁸ Tatana, twalisa a vito draku! Kutani kutwala ritu, ledri dripfaka Tilweni driku: Nidritwalisile, nitatlhela nidritwalisa.

Yohana 12:28 ပူးပေါင်းရင်းမြစ်များ

Mt 26:42

Asukiki ka vubiri aya khongota aku: Tatana wanga, loko swingakoteki akuva a ntrheko lowu wuhundra ningawunwanga, akuyentxeke a kurandra kwaku.

Mt 17:5

Kaku loko Petrosi ahakhanela, a tlavi dra kuphatima drihumelela drivafukumeta, atlavini kutwala ritu, ledri driliki: Lweyi hi N'wananga lweyi a randrekaka, lweyi nitrhavaka ha yene, muyingisetani.

Mt 3:17

Kutani kutwala ritu dripfaka hi le Tilweni driku: Lweyi i N'wananga lweyi nimurandraka, lweyi nitrhavisiwaka ha yene.

II Ptr 1:17

Hikusa Yene ayamukeli xihluwa ni lidrumu leswi swipfaka ku Xikwembu Nkulukumba Tatana, hi loko arumeliwile a ritu ledriya drakuphatima drakutlakuka hi le tilweni driku: lweyi i N'wananga lweyi arandrekaka, lweyi ni nga ni kutrhava kukulu ha Yene!

Ef 3:21

Ku Yene adrive lidrumo a Kerekeni ni le ku Kriste Yesu, hi minkama ni minkama. Amen.

Ef 3:10

Kambe swoswi nambi mintamu ni minfumu ya le tilweni n'wifanekela kutiva, hi tlhelo dra Kereke a kuyanama ka vutivi bya Xikwembu Nkulukumba.

Ef 2:7

Akuva akombisa ku madzana-dzana ya malembe lawa mataka, a vukulu bya vupfundri bya timpswalu, ni vunene ku hine, ha Kriste Yesu.

Yohana 18:11

Yesu ahangaku ku Petrosi: Tlhoma lipanga ankotlotweni! Xana ningaka ninganwi a ntrheko lowu Tatana aninyikiki wone xana?

Yohana 11:4

Loko Yesu ayingeli leswo, aku: A vuvabyi lebyi abyiyisi kufeni, kambe byihumeleli akukomba kutwala ka Xikwembu Nkulukumba, ni leswaku N'wana wa Xikwembu Nkulukumba atwalisiwa ha byone.

Yohana 9:3

Yesu ayangula, aku: Ahi yene lweyi angadoha, nambi vali vapswele vakwe; kambe hileswaku a mintiro ya Xikwembu Nkulukumba mitavoneka ha yene.

Lk 9:35

Kutani atlavini kutwala a ritu driku: Lweyi i N'wananga lweyi nimurandraka, muyingisetani.

Lk 3:22

ni Moya wa Kuxwenga wuxikela a henhla kwake, na wuni xivumbeko lexi xifanaka ni xa tuva, kutani kutwala a ritu ledri dripfaka atilweni driku: Wene u N'wananga lweyi arandriwaka; lweyi nitrhavisiwaka ha yene.

Marka 14:36

Afa aku: Abba, Tatana, ku Wene hinkwaswu swakoteka. Trhindreta a ntrheko lowu kule na mine. Kambe, kungayentxiwi a kurandra kwanga, kambe im'na, akuyentxiwi a kurandra kwaku.

Marka 9:7

Kutani a tlavi drihumelela, drivafukumeta, ni ritu ledri dripfaka tlavini driku: Lweyi i N'wananga lweyi arandrekaka muyingelani!

Marka 1:11

Ava ayingela a ritu ledri dripfaka Tilweni, driku: Wene, u N'wananga lweyi wa kurandreka, lweyi nimutrhavelaka.

Mt 11:25

Ankameni wolowo, Yesu ayangula, aku: Nakukhensa Tatana, HOSI ya Tilo ni misava, hi leswi ungafihlela tintlhari ni vayingeli a timhaka leti, kambe utipfuleteliki ku vatrongwana.

Mt 11:26

Im'na, Tatana, hikusa swirandrisiwi xiswoswo amahlweni kwaku.