Yohana 10:36 - Testamente Ledrimpswha ni Mapsalma

³⁶ xana n'wine, n'wihlaya ha yini n'wiku nisandra Xikwembu Nkulukumba, na kasi mine nihlawuliwi niva nirumiwa misaveni ha Yene, xana?

Yohana 10:36 ပူးပေါင်းရင်းမြစ်များ

Mt 27:43

Adumbi Xikwembu Nkulukumba, amuhuluxi swoswi, loko amurandra; hikusa ati: Ni N'wana wa Xikwembu Nkulukumba!

Mt 27:54

A ndruna ya dzana (100) dra mabutrhu ni mabutrhu lawa afaka malavelela Yesu, loko vavona kutrekatreka ka misava, ni leswi swihumeleliki, vatxhava ngopfu vaku: Ha kunene, lweyi afa ali N'wana wa Xikwembu Nkulukumba.

Lk 1:35

Kambe a ntrumi yimuyangula yiku: A Moya wa Kuxwenga wutaxikela ahenhla kwaku, ni ntamu wa Lweyi wa le henhla-henhla wutakufukumeta swanga hi tlavi. Hileswo-ke lweyi atakapswaliwa i wa kuxwenga, atatxhuliwa N'wana wa Xikwembu Nkulukumba.

Yohana 10:35

Loko Xikwembu Nkulukumba atxhuli swikwembu lava vangayamukela a ritu drakwe, (na kasi a Matralwa amana kuhelisiwa),

Yohana 17:18

Swanga heswi unirumiki misaveni, na mine nivarumi misaveni.

Yohana 17:21

akuva hinkwavu vava mun'we, swanga ha wene Tatana unga ku mine, na mine ninga ku wene, akuva na vone vava ku hine, kutani misava mitapfumela leswaku unirumile.

Yohana 17:8

Hikusa a maritu lawa uninyikiki nivanyiki wone; vamayamukelile, kutani vaswitivile leswaku kunene nihumi ku wene, vapfumelile leswaku nirumiwi hi wene.

Yohana 19:7

A va-Yuda vamuyangula, vaku: Hine hini nawu, kutani hi nawu lowo afanela kufa, hikusa atiyentxi N'wana wa Xikwembu Nkulukumba.

Yohana 20:28

Tomasi ayangula, aku ku yene: Hosi yanga ni Xikwembu Nkulukumba wanga!

Yohana 20:31

Kambe a timhaka leti titraliwi akuva n'wipfumela leswaku Yesu i Kriste, N'wana wa Xikwembu Nkulukumba, ni leswaku hi kupfumela, n'wiva ni vutomi avitweni drakwe.

Yohana 3:17

Xikwembu Nkulukumba angarumanga N'wanakwe misaveni akuta yavanyisa misava, kambe afa ayentxela leswaku misava mihuluxiwa hi yene.

Yohana 3:34

Lweyi arumiwiki hi Xikwembu Nkulukumba, ahlaya maritu ya Xikwembu Nkulukumba, hikusa Xikwembu Nkulukumba amunyiki Moya kunge ha mpimu.

Yohana 5:30

Yesu aku: Ningaka ningatisunguleli niyentxa ntxhumu ha vuswanga. Niyavanyisa hi laha niswiyingelaka ha kone, kutani, akuyavanyisa kwanga kululamile, hikusa anidjuli kuyentxa kurandra kwanga, kambe kurandra ka lweyi anirumiki.

Yohana 6:27

N'wingatireleni swakuda leswi swibolaka, kambe tirelani swakuda leswi swingabolikiki, swinga leswi swinyikaka vutomi lebyi byingahelikiki. Leswi i swakuda leswi N'wana wa mhunu atakan'winyika swone, hikusa hi yene lweyi Xikwembu Nkulukumba Tatana amufungiki.

Yohana 6:38

Hikusa nixiki hi le Tilweni, kunge kutatayentxa kurandra kwanga, kambe kuli kurandra ka lweyi anirumiki.

Yohana 6:57

Swanga hi leswi Tatana lweyi ahanyaka anirumiki, na mine nihanya hikola kwake, na yene lweyi anidaka atahanya hikola kwanga.

Yohana 6:69

Kutani hine hini kupfumela ni kuswitiva leswaku hi wene Muhlawuleki wa Xikwembu Nkulukumba.

Yohana 8:42

Yesu aku ku vone: Loko afa Xikwembu Nkulukumba ali tatana wenu, afa n'witanirandra, hikusa mine nipfa ku Xikwembu Nkulukumba. Anitanga hi kutisungulela, kambe hi Yene anirumiki.

Rm 1:4

kambe a kombisiwiki hi ntamu leswaku, i N'wana wa Xikwembu Nkulukumba hinkonta ya Moya wa Kuxwenga, hi kupfuka kwake ku vafi, anga Yesu Kriste a Hosi Yeru.

Rm 8:3

Hikusa leswi afaka swinga koteki ku nawu, hi leswi afaka wu hikola ka nyama, Xikwembu Nkulukumba a yentxile leswi hi ku rumela N'wana wakwe hiku fana ni nyama ya xidoho, xiswoswo, Xikwembu Nkulukumba a yavanyisile Xidoho a nyameni.

Rm 9:5

Vone i valixaka dra vatatana; mfuri Kriste ahumi ku vone, hi nyama, lweyi angahenhla ka hinkwavu, akukhensiwi Xikwembu Nkulukumba hi minkama ni minkama. Amen!

Gl 4:4

Kambe-ke, kutlhasa kuhetiseka ka minkama, Xikwembu Nkulukumba arumi N'wana wakwe, lweyi a pswaliwiki hi wansati, lweyi angatumbuluka a hansi ka nawu,