Yohana 1:29 - Testamente Ledrimpswha ni Mapsalma

²⁹ A siku ledri drintlhantamaka, Yohana avona Yesu na ata ku yene, kutani aku: Vonani! Hi leyi a Hambana ya Xikwembu Nkulukumba leyi yisusaka swidoho swa misava!

Yohana 1:29 ပူးပေါင်းရင်းမြစ်များ

Mt 1:21

Maria atava ni n'wana wa wandrisanyana, wene utamutxhula a vito dra Yesu, hikusa hi yene atakahuluxa tiko drakwe aswihonweni swa drone.

Mt 20:28

Swanga hi leswi na Yene N'wana wa Mhunu angatelangakiki kutireliwa, kambe ateliki kutirela ni kunyiketa a vutomi byake xiva xitirulu ku lava vanyingi.

Yohana 1:35

A siku ledri drintlhantamaka, Yohana atlhela ava kone kolahu, na ali ni vadondrisiwa vakwe vabiri.

Yohana 1:36

Loko avona Yesu na ahundra, aku: Vonani! Hi leyi Hambana ya Xikwembu Nkulukumba!

Yohana 1:43

A siku ledri drintlhantamaka, Yesu afa adjula kuya Galileya, kutani akumi Filipi aku ku yene: Ni landre!

Yohana 2:1

Hi siku dra vuraru, kuva ni nkhuvu wa vukati amutini wa Kana le Galileya. Na yene mamana wa Yesu afa ali kone.

Yohana 3:16

Hikusa Xikwembu Nkulukumba arandri misava swakunhati, ako anyika N'wanakwe lweyi apswaliwiki ali swake, leswaku mani na mani lweyi apfumelaka ku yene, angatxhuki alahleka, kambe akuma vutomi lebyi byingahelikiki.

Yohana 4:42

Vahangaku ku wansati: Ahahapfumeli hinkonta ya ritu draku; hikusa na hine himuyingeli ha sweru, kutani haswitiva leswaku lweyi kunene i Muhuluxi wa misava.

Yohana 6:51

Hi mine kati ledri drihanyaka ledri drixikiki hi le Tilweni; loko mhunu ada kati ledro atahanya hi la kungahelikiki, a kati ledri nitakanyika drone, i miri yanga; nin'winyika akuva n'wiva ni vutomi.

Mintiro Ya Vapostola 13:39

Na swone, hikola ka Yene, mani na mani lweyi apfumelaka akuma kuhlayiwa mululami ku hinkwaswu leswi n'wine afaka n'wihluleka kukuma kuhlayiwa valulami hikola ka nawu wa Moxe.

Mintiro Ya Vapostola 8:32

A xiyenge xa Matralwa lexi afaka ahlaya xone hi lexi: Ayisiwi kutlhabyiweni swanga hi hamba; mfuri swanga hi xihambana lexi miyelaka amahlweni ka mutremeti wa xone; na yene angapfulanga nomu.

I Kor 15:3

Hikuva akusunguleni, nin'winyiketi leswi na mine niswiyamukeliki, leswaku: Kriste a fi hikola ka swidoho sweru, swanga hi kuhlaya ka Matralwa;

II Kor 5:21

Lweyi afa angativi xidoho, kambe Yene amuyentxi xidoho ha hine; akuva ha Yene hiva vakululama ka Xikwembu Nkulukumba.

Gl 1:4

Lweyi atinyiketiki ha swake, hinkonta ya swidoho sweru, akuva ahi kulula misaveni leyi minfani, leyi hinga ku yone, ahetisisa xileswi hikurandra ka Xikwembu Nkulukumba, Tatana weru.

Gl 3:13

Kriste ahintrhunxi kuruketeliweni ka nawu, yene atiyentxi xiruku hinkonta yeru, hikusa a Matralwa mali: Kuruketeliwi mani na mani lweyi a hayekiwiki mhandreni,

I Tmt 2:6

lweyi atinyiketiki, ava xitirulo hinkonta ya hinkwavu, byili vumboni aminkameni leyi mifanekeliki;

Tito 2:14

lweyi atinyikeliki ha vuswake hi kola kweru, akuva ahitirula ku vusomboloki hinkwabyu, ava atibasisela a ntalu wa vhanu lava vanga vakwe ntsena, lava vakukhinyela ku mintiro leminene

Va-Heberu 1:3

Yene lweyi angakuphatima ka lidrumu drakwe, ni ritu dra kuhetiseka dra vumhunu byake, atameli mintxhumu hinkwayu hi ritu dra ntamu wakwe. Ntrhaku ka kuva a yentxile ntiro wa kuhlampswa swihono, ateki vutrhamu byake xineneni xavunkulukumba, a henhla-henhla.

Va-Heberu 2:17

Hileswo-ke afa swimufanelile kuyentxiwa lweyi a fanaka ni vamakwavu hi matlhelo hinkwawu, akuva avamuprista lwe nkulu, lweyi angani lirere ni kudumbeka amahlweni ya Xikwembu Nkulukumba, akuva abasisa swidoho swa vhanu.

Va-Heberu 9:28

Hiswoswo ke, Kriste ahumexiwi kan'we kususa swidoho swa vhanu. Ntrhaku ata humelela nangweso, kunge ha kutata susa xidoho, kambe a kutata huluxa lava mulaviselaka.

I Ptr 1:19

kambe hi ngati ya lisima drikulu ya Xihambana lexi xingalikina vulema kumbe bati dra nandru, anga Kriste,

I Ptr 2:24

hi Yene abyatrhiki a swidoho sweru amirini yake amhandreni ya xihambano, akuva hine, na hifeli swidoho, hihanyela a vululami; hi Yene mfuri hi swilondra swake n'wine n'widahiwiki.

I Ptr 3:18

Hikuva na yene Kriste axaniseki kan'we hinkonta ya swidoho, yene Mululami, hinkonta ya vasomboloki, akuva an'wiyisa ku Xikwembu Nkulukumba; yene hi tlhelo drin'we afiki anyameni, kambe hi tlhelo drin'wana ahanyisiwiki amoyeni;

I Yhn 2:2

Hi yene anga mhamba ya kususa swidoho sweru; swinge sweru ntsena, kambe swakuva swa misava hinkwayu.

I Yhn 3:5

Kutani n'wine n'wiswitiva ngopfu swinene leswaku Yene ativonekiseli kutata susa a swidoho sweru, kutani ku Yene akuna xidoho.

I Yhn 4:10

Kutani a lirandru drile kuleswi: akuvanga hine lava varandriki Xikwembu Nkulukumba, kambe kuvi Yene ahirandriki kutani ahirumeli N'wana wakwe, akuva kudrivaleliwa swidoho sweru.

Mpfuletelo 1:5

ni hi le ku Yesu Kriste, a Mboni ya kudumbeka, mativula ya lava va kufa, Hosi ya vafumi va misava. Ku lweyi ahirandraka, ahitrunxiki ku swidoho sweru hi ngati yake,

Mpfuletelo 12:11

Kutani vone vamuhlulile hi ngati ya Hambana, ni vumboni bya ritu dravu avayalanga kunyiketa vutomi byavu kuyatlhasa kufeni.

Mpfuletelo 13:8

Vata xigandrela hinkwavu lavayakiki misaveni, lava mavito yavu mangatraliwangakiki abukwini dra vutomi, ledringa dra Hambana leyinga dlawa kehe kusunguleni ka misava.

Mpfuletelo 14:1

Ntrhaku ni lavisa, kutani kuvoneka Hambana yi yimi Nhaveni ya Siyoni, Kun'we na yone afa ku ni khume dra madzana ya madzana na mune wa madzana ya madzana na mune wa makume ya madzana ya vhanu (144.000), lava a mimombyeni yavu afaka kutraliwi vito dra Hambana ni dra Tatana wa yone.

Mpfuletelo 14:10

na yene atanwa swavhinyo dra mahlundru ya Xikwembu Nkulukumba, ledritxhululiwiki na dringa patrinyetiwanga antrhekweni wa mahlundru yake, yelweyo ata xanisiwa andrilweni, ni hi xivavula, amahlweni ka tintrumi ta kuxwenga, ni le mahlweni ka Hambana.

Mpfuletelo 14:4

Volavo hi lava vangatihonangakiki hi vavasati, vangasiki yetlela ni vavasati. Lava hi vone valandraka Hambana hinkwaku lomu yi yaka kone. Hi lava vaxaviwiki a makari ka vhanu akuva swiva swirangana swihumexeliwaka Xikwembu Nkulukumba ni ku Hambana.

Mpfuletelo 15:3

Afa vayimbelela lisimu dra Moxe, nandra wa Xikwembu Nkulukumba, ni lisimu dra Hambana vaku: I mikulu, mahlamalisa, a mintiro yaku! Hosi Xikwembu Nkulukumba xa ntamu hinkwawu, tilulamile i tinene, a tindlela taku! Wene Mufumi wa matiko!

Mpfuletelo 17:14

Vone vata lwa ni Hambana, kambe a Hambana yitavahlula, hikusa i Hosi ya tihosi, ni Mufumi wa vafumi, vatahlula na vone lava vanga na Yene, lava vavitaniwiki, vahlawuliwiki ni lava vadumbekiki.

Mpfuletelo 19:7

Ahi trhaveni, hi trhavisisa niku munyika kutwala; hikusa kutlhasi nkama wa nkhuvu wa vukati bya Hambana, a mutekiwa wa yone a tibekisile.

Mpfuletelo 19:9

Kutani a ntrumi yahangaku ku mine: Trala leswi: Kukatekile lava vavitaneliwiki a xilalelo xa nkhuvu wa vukati bya Hambana! Nangweso yiya mahlweni yiku: Lawa i maritu ya xihlayelamfuri ya Xikwembu Nkulukumba.

Mpfuletelo 21:14

A pangu dra muti afa drili ni khume dra masungulo na mabiri, a henhla ka wone afa kutraliwi ku wone khume dra mavito na mabiri ya vapostolo lava khume na vabiri va Hambana.

Mpfuletelo 21:27

Ku wone kungaka kungahanhingeni ntxhumu lowu wa xambya, nambi kunhingena kone vagandreli va swikwembu swakuka ndlela ni vahembi, kutanhingena ntsena lava traliwiki bukwini dra vutomi dra Hambana.

Mpfuletelo 21:9

Kutani kuta yin'we ku tintrumi leti ta ntlhanu na tibiri, leti afaka tili ni mintrheko ya ntlhanu na yibiri avokweni, na yitali hi ntlhanu wa makhombo na mabiri ya vugamu, yiku ku mine: Tana halenu! Nitakukomba mutekiwa, a nsati wa Hambana.

Mpfuletelo 5:6

Kutani-ke, amakari ka xitrhamu xa vuhosi ni mune wa swivumbiwa leswi swihanyaka, ni le makari ka vakulu-va-vhanu, nivona a Hambana yiyimiki swanga yifile, na yini ntlhanu na tibiri wa timhondro, ni ntlhanu na mabiri wa matihlu, lawa anga ntlhanu na mibiri wa mimoya ya Xikwembu Nkulukumba, leyi mirumiwiki amisaveni hinkwayu.

Mpfuletelo 5:8

loko yiteki a buku, a swivumbiwa leswi swa mune, ni vakulu-va-vhanu va makume mabiri na mune (24), va khisami amahlweni ka Hambana, na mun'wana-ni-mun'wana ali ni xitende ni makopo ya kuhambiwa hi gole, mataliki hi muri wa kunun'hwela, anga swikhongoto swa vahlawuleki,

Mpfuletelo 6:1

Kutani nivoni a Hambana loko yipfula xin'we ku swifungu leswi swa ntlhanu na swibiri, niyingela ni xin'we ku swivumbiwa swakuhanya leswi swa mune, na xiku, hi ritu dra kufana ni kudruma ka tilo: Tana!

Mpfuletelo 6:16

na vaku ku tinhava ni maribye: Welani a henhla kweru, n'wihifihla mahlweni ya lweyi atrhamiki axitrhan'wini, xa vufumi, ni le ku mahlundru ya Hambana,

Mpfuletelo 7:14

Kutani mine niku ku yene: Hosi yanga, hi wene uswitivaka! Kutani yene aku ku mine: Lava, hi lava vapfaka hi le nhlomulweni lowukulu, vahlampswiki a swiyambalu swavu, vaswiyentxa swa ntlhohe angatini ya Hambana.

Mpfuletelo 7:17

hikusa a Hambana, leyi yinga xitrhan'wini-xa-vuhosi, yitavabyisa, yivayisa atinhlobyeni ta mati ya vutomi, kutani Xikwembu Nkulukumbata atasula minyembeti hinkwayu amahlweni yavu.