A vhanu hinkwavu va-le-Yudeya ni vayaki va Yerusalema afa vaya yingela Yohana Mubabatisi. Afa vatihlaya a swidoho swavu kutani yene afa avababatisa a nambyeni wa Yordana.
Haswitiva leswaku Xikwembu Nkulukumba angayingeli vadohi; kambe loko mhunu ali mutxhavi wa Xikwembu Nkulukumba, ayentxa ni kurandra kwake, Yene awamuyingela.
Yinga mhaka ya Yesu lweyi apfiki hi le Nazarete, leswaku Xikwembu Nkulukumba amutoti hi Moya wa Kuxwenga ni ntamu, atifambela na ayentxa leswi swinene, ahanyisa hinkwavu lava vakandreteliwiki hi Diyavulosi, hikusa Xikwembu Nkulukumba afa ali na Yene;
Hileswo-ke, na hine kusukela siku ledri hiyingeliki leswo, a hi yimi kun'wikhongotelela ni kun'wkombelela leswaku n'witala hivutivi byakurandra kwake, avutlharini hinkwabyu ni kuyingelisisa loku pfaka ku Moya wakwe,
Ke, Xikwembu Nkulukumba wa kurula an'wibasise kakuhinkwaswu, ne moyeni wenu ne hikeni ni mirini, n'wiva lava vabekisekaka hi mfanelo, n'wingave ni kusoleka akubuyeni ka Hosi yeru Yesu Kriste.
Hikupfumela Abele a humexeli Xikwembu Nkulukumba a mhamba leyi yitlulaka ya Kayini. Hikola kaleswo, a bekeliwile vumboni bya leswaku i mululami, Xikwembu Nkulukumba a mubekela vumboni bya minhlengo yake, hinkonta ya kupfumela loku, aha vulavula nambi a file.
Hikupfumela, Nowa ali kutivisiwa hi Xikwembu Nkulukumba leti afaka tingasi voniwa, kutani a txhava ayaka ngalawa, akuva ata huluka yene ni yindlu yake ku yone, hi ndlela leyi a yavanyisa misava, kutani amuyentxi ava mudi wapfindla dra kululama hikola ka kupfumela.
hi Yene abyatrhiki a swidoho sweru amirini yake amhandreni ya xihambano, akuva hine, na hifeli swidoho, hihanyela a vululami; hi Yene mfuri hi swilondra swake n'wine n'widahiwiki.