Yakobe 3:17 - Testamente Ledrimpswha ni Mapsalma

¹⁷ Kambe a vutlhari lebyi pfaka hi le henhla i kusungula ka hinkwaswu, kubasa; byirulile, ni kunabyala, ni kuyingelana, byitali hi lirere, mintiro ya hombe; abyi yentxi xihlawu-hlawu xa vhanu, abyi na kutiyentxisa.

Yakobe 3:17 ပူးပေါင်းရင်းမြစ်များ

Mt 23:28

Hi swoswo na n'wine, hi le handle ingi n'wi vhanu vanene, kasi andreni n'witali hi mandrendre ni vusomboloki.

Mt 5:8

Vakatekile lava vabasiki timbilu, hikusa vatavona Xikwembu Nkulukumba!

Mt 5:9

Vakatekile a valulami, hikusa vatatxhuliwa vana va Xikwembu Nkulukumba!

Lk 21:15

hikusa mine nitan'winyika nomu ni vutlhari lebyi a valala venu hinkwavu vatakahluleka kubyikaneta ni kuyangula ntxhumu.

Lk 6:36

Vanani ni vunene swanga heswi Tatana wenu angani vunene.

Yohana 1:14

A Ritu drandruluki nyama, driva driyaka makari kweru, kutani hihlaleli kuphatima ka drone kunga kuphatima ka n'wana lweyi wa mun'we wa Tatana; afa atali hi timpswalu ni xihlayelamfuri.

Yohana 1:47

Yesu loko avona Nataniyele ata na amukongomile, kutani aku: Vonani a mu-Israyele wa xihlayelamfuri, lweyi kungekena kukanganyisa ku yene.

Mintiro Ya Vapostola 11:24

hikusa Barnabasi afa ali mhunu wa hombe, lweyi ataliki hi Moya wa Kuxwenga ni hi kupfumela. Kutani a vhanu vanyingi vatinyiketa ku Hosi.

Mintiro Ya Vapostola 9:36

A mutini wa Yopa, afa kuni mudondrisiwa wa wansati, a vito drakwe hi Tavita, hi Xigirika swihlayaka Dorkasi, Mhunti. Yene afa atali hi mintiro leminene ni kupfuna swisiwana.

Rm 12:18

Loko swikotekaka hi tlhelo drenu, vanani ni kurula ni vhanu hinkwavu.

Rm 12:9

Ingi lirandru drenu dringava ni kudumbeka, nyenyani swakubiha n'wiyentxa leswi swinene.

Rm 15:14

Mine, nini kudumba vamakweru, hikola kwenu, leswaku n'witali hi vunene, n'witali hi vutivi byinyingi, n'witibekiseli akuva n'wilayana van'we ni van'wana.

I Kor 12:8

Hikuva mun'we anyikiwa hikola ka Moya, a ritu dra vutlhari; mun'wana, hikola ka Moya wolowo, anyikiwa a ritu dra vutivi;

II Kor 10:1

Mine Pawulosi, na n'wikhongotela hi kunabyala ni hivunene bya Kriste, ninga lweyi valiki natitrongohata loko nili amakari kwenu, na kasi ni n'wiyentxa hi kunonon'hwa, loko ni sukile ku n'wine,

II Kor 6:6

Ni hikubasa, ni kutiva, nihi kulehisa mbilu, ni vunene, nihi ka Moya wakuxwenga, hi lirandu na kungena kukanganyisa,

II Kor 7:11

Hikusa lavisani, akuvaviseka kwenu loku, kurandriwaka hi Xikwembu Nkulukumba, kuvanga ku khinyela loku kulu; ni hi kuyangulela, ni hi kuhlundruka, ni hi kutrhava, ni hi kunavela, ni hi kuhiseka, ni hi kudriha! N'wivonekisi hinkwavu leswaku an'wina nandru amhakeni leyo.

II Kor 9:10

Kutani, Yene lweyi anyikaka mbewu amubyali ni kati dra kuda, nangweso ata n'winyika ava ayandrisela timbewu leti n'witivilelaka atakulisa antrhovelo wa mihandru ya vunene byenu;

Ef 5:9

Hikusa a mhandru wa livango, i vunene hinkwabyu, ni kululama ni xihlayelamfuri,

Va-le-Filipiya 1:11

N'witala hi mihandru ya kululama, leyi mitumbulukaka ha Yesu Kriste akuva kudrumisiwa Xikwembu Nkulukumba.

Va-le-Filipiya 4:8

Avugan'wini, vamakweru, hinkwaswu leswi swinga xihlayelamfuri, hinkwaswu leswi swinkhensekaka, hinkwaswu leswi swilulamiki, hinkwaswu leswi swibasiki, hinkwaswu leswi swirandrekaka, hinkwaswu leswi swinga ni vito ledrinene, loko kuli ni leswi swinga ni vunene, ni loko kuli ni kukhenseka swiyanakanyani.

Va-le-Kolosa 1:10

akuva n'wifamba hi kululama amahlweni ka Hosi, n'wimutrhavisa ku hinkwaswu, n'wibeka mihandru amintirweni hinkwayu leminene, na n'wikula akutiveni ka Xikwembu Nkulukumba;

I Tsl 2:7

nambi afa hiswikotile, kun'wibindra, swanga mupostola wa Kriste, kambe hidjuli kun'wibekisa hi kunabyala swanga mamana lweyi a vonelelaka vanakwe.

I Tmt 5:21

Nikuleleta hi ntamu, mahlweni ka Xikwembu Nkulukumba ni le ku Hosi Yesu Kriste, ni le ku tintrumi leti tihlawuliwiki, leswaku ubekisa a swileleto leswi, ungarangisi swiyavanyiso swa magugu, ungayentxi ntxhumu hi xihlawu-hlawu.

II Tmt 2:24

Kambe a swifanekeli leswaku a nandra wa Hosi ava ni kulwa, avi ni vumbilu kuhinkwavu, ava lweyi ativaka kudondrisa, a lehisa mbilu.

Tito 1:15

Hinkwaswu swibasile ku lava vabasiki, kambe ku lava vanyamiki ni lava vangapfumelikiki, akuna lexi xibasiki hikusa akuyanakanya kwavu ni lipfalu dravu swinyamisiwile.

Tito 3:2

vangalumbeti mhunu, vava vhanu va kurula, varandri va hinkwavu, vakombisa kunabyala hinkwaku ku vhanu hinkwavu.

Va-Heberu 12:11

Ha kunene, akulaya hinkwaku ka swoswi, akuvoniwi na kutrhavisa, loko angali ka kuvaviseka, kambe antrhaku kupswala mihandru leminene ya kululama, ku lava vadondrisiwiki ha kone.

Va-Heberu 12:14

Djulani kurulisana ni hinkwavu, ni kutixwengisa, handle ka leswo, akuna mhunu angaswikotaka kuvona Hosi,

Yakobe 1:17

Akuhanana hinkwaku loko ka hombe ni nyiko hinkwayu leyi ya kuhetiseka, swipfa henhla-henhla, swipfa ku Tatana, nhlovo ya livaningo hinkwadru. Ku yene akuna kundruluka nambi ntrhuti ni wun'we wa kundruluka.

Yakobe 1:5

Kambe loko wa kukari angenavutlhari bya kudringana a akombele ku Xikwembu Nkulukumba lweyi hananaka hinkwavu mahala na angasoli, kutani atan'winyika.

Yakobe 2:13

Hikusa a tremo dritava drakukala lirere ku lweyi atakava na angakombisanga lirere, a lirere drititwalisa henhla ka tremo.

Yakobe 2:4

An'wiswivoni leswaku n'wiyentxa kuhambanisa makari kwenu mfuri, an'witiyentxanga vayavanyisi va vhanu, hi miyanakanyu leyi minfani?

Yakobe 3:15

Lebyo ahi byone vutlhari lebyi pfaka hi le henhla; kambe i bya misava, ahibya Moya, i bya Sathana.

Yakobe 4:8

Trhindrekelani ku Xikwembu Nkulukumba na Yene atatrhindrekela ku n'wine. Hlambani mandla, vadohi; na n'wine lava va timbilu tibiri, basisani timbilu tenu.

I Ptr 1:22

Leswi n'wibasisiki a mahika yenu akuyingiseteni ka xihlayelamfuri, akuva n'wivani lirandru dra xikwavu, ledri dringalikina kukanganyisa, khinyelani a kurandraneni van'we ku van'wana, hi mbilu leyi yi basiki;

I Ptr 2:1

Ke, na n'witriki vubihi hinkwabyu, vukanganyisi hinkwabyu, ni mandrendre, ni matrhoho, ni mahlevo,

I Ptr 2:18

Vatireli, tibekani hansi, hi xitxhavu hinkwaxu, ku vinyi venu, kungali ku lava vanene ni va kunabyala ntsena, kambe na kone ku lava va kulebya.

I Yhn 3:18

Vana vanga, hingarandreni hi maritu kumbe hikuvulavula, kambe hi mintiro ni hi xihlayelamfuri.

I Yhn 3:3

Lweyo ni lweyo angani kulavisela ku Yene, awa tibasisa ha swake, swanga ha Yene a basiki.