Yakobe 1:27 - Testamente Ledrimpswha ni Mapsalma

²⁷ A vukhongoti bya xihlayelamfuri ni lebya kubasa, amahlweni ka Xikwembu Nkulukumba, Tatana weru, hi lebyi: kuvonelela swirombe ni mafelwa kunonon'hweliweni kwavu, ava lweyi waku kala kutinyamisa hi swa misava.

Yakobe 1:27 ပူးပေါင်းရင်းမြစ်များ

Mt 12:32

Ni loko kumbe mhunu ahumexela ritu dra kubiha ku N'wana wa Mhunu, atadrivaleliwa kambe kungaku loko ahlayi, asandra a Moya wa Kuxwenga, angaka angadrivaleliwi, nambi kuva ankameni lowu, nambi ali nkameni lowu wutakata.

Mt 5:8

Vakatekile lava vabasiki timbilu, hikusa vatavona Xikwembu Nkulukumba!

Lk 1:6

Afa vali valulami hi vubiri byavu amahlweni ka Xikwembu Nkulukumba, vafamba milawini hinkwayu ni le swileletweni hinkwaswu swa Hosi, vangasoliwi ha ntxhumu.

Rm 12:2

N'winga hanyi hi kufambelana ni swihila swa nguva leyi, kambe tindrulutani, n'wikuma mayanakanyela lamampsha. Xi leswi, n'witayingelisisa leswaku hi kwini kurandra ka Xikwembu Nkulukumba, leswinga swinene, leswi trhavisaka ni leswi hetisekiki.

Rm 2:13

Hikusa avayingeli ntsena va nawu, a hi valulami mahlweni ka Xikwembu Nkulukumba, kambe ntsena lava vayentxaka leswi swileletiwaka hi nawu hi vone vatakahlayiwa valulami.

Gl 1:4

Lweyi atinyiketiki ha swake, hinkonta ya swidoho sweru, akuva ahi kulula misaveni leyi minfani, leyi hinga ku yone, ahetisisa xileswi hikurandra ka Xikwembu Nkulukumba, Tatana weru.

Gl 3:11

Swatwala leswaku hi nawu akuna mhunu lweyi angahlayiwaka amululami mahlweni ka Xikwembu Nkulukumba, hikusa a Matralwa mali: A mululami atahanya hi kupfumela.

Gl 5:6

Hikusa ku Kriste Yesu, aku soka ni kuka kusokiwa, aswipfuni ntxhumu, kambe i kupfumela kutiraka hikola ka lirandru.

Gl 6:14

Kambe mine, anidjuli kutitwalisa loko kunge xihambanwini xa Hosi yeru Yesu Kriste; lweyi amisava mivambiwiki ku mine ha Yene, na mine ni vambiwile ku yone.

Ef 2:2

Leswi afaka n'wifamba ku swone khale, hi mafambela ya misava, hi mafambela ya mintamu ya minfumu ya le henhla mpfhukeni, wunga moya lowu wutiraka swoswi ku vana lava vakuka vangayingiseti.

I Tmt 1:5

Kambe a nkongometo wa leleto i lirandru, ledri dripfaka ambilwini leyi yibasiki, ni le lipfalwini ledri nene, ni le kupfumeleni loku kungalikina kukanganyisa,

I Tmt 5:4

Kambe loko mun'we mufelwa ali ni vana kumbe vatukulu, avadondre, hi kusungula, andangwini wavu, a kutinyiketela avukhongotwini, ni kutlhelisela vapswali vavu leswi vanga vayentxela swone; hikuva leswo swayamukeleka amahlweni ka Xikwembu Nkulukumba.

Tito 2:12

tihidondrisaka leswaku hidrela vusandri ni kutrika kunavela ka misava leyi, akuva hihanya hi kutikhoma, vululami, ni hi vukhongoti, ankameni lowu,

Yakobe 3:17

Kambe a vutlhari lebyi pfaka hi le henhla i kusungula ka hinkwaswu, kubasa; byirulile, ni kunabyala, ni kuyingelana, byitali hi lirere, mintiro ya hombe; abyi yentxi xihlawu-hlawu xa vhanu, abyi na kutiyentxisa.

Yakobe 3:9

Ha drone hi twalisa Xikwembu Nkulukumba Tatana weru; ha drone mfuri hi ruka vhanu, lava yentxiwiki hi xifaniso xa Xikwembu Nkulukumba.

Yakobe 4:4

Vhanu lava vangadumbekikiki! An'wiswitivi leswaku avunakulobye ni misava i vunala ku Xikwembu Nkulukumba xana? Hileswo-ke, loko mhunu arandra kuva nakulobye wa misava, atiyentxa nala ku Xikwembu Nkulukumba.

II Ptr 1:4

Hikola ka leswo, ahinyiki aswidumbiso swake swalisima ledrikulu ngopfu swinene, akuva ha swone n'wiva ni vuhlengeli bya ntumbuluku wa kuhlawuleka wa le henhla-henhla, n'witrutruma ku swinavelo swakubiha swinga kone misaveni.

II Ptr 2:20

Hikolahu ka leswo, loko ntrhaku n'wihulukile kuhonekeni ka misava hi kutiva Hosi yeru ni Muhuluxi Yesu Kriste, amatrhamelo yavu mandruluki matlula lawa ya kusungula hi kubiha.

II Ptr 3:14

Hikola kaleswo varandriwa, leswi n'wahalaviselaka a siku ledro, khinyelani kuyentxa hinkwaswu akuva atan'wikuma hikurula na n'wingenabati mfuri na n'wingenakusoliwa.

I Yhn 5:18

Haswitiva leswaku lweyo ni lweyo apswaliwiki hi Xikwembu Nkulukumba angadohi ni kan'we, kambe lweyi apswaliwiki ha Xikwembu Nkulukumba awa mubekisa; kutani a mubihi anganakuswikota kumukhumba.