Yakobe 1:21 - Testamente Ledrimpswha ni Mapsalma

²¹ Ke, bekani hi tlhelo xambya hinkwayu ni mona lowu wuhundrisaka kutani n'wiyamukela hi kutitrongohata a Ritu ledri dribyaliwiki ku n'wine, ledri dringa ni ntamu akuva drihuluxa vutomi.

Yakobe 1:21 ပူးပေါင်းရင်းမြစ်များ

Mt 5:5

Vakatekile lava varuliki, hikusa vatava ni pfindla dra misava!

Yohana 6:63

A Moya hi wone wuhanyisaka, a handle ka wone a mhunu anganakuyentxa ntxhumu. A maritu lawa nin'wibyelaka wone, i Moya ni vutomi.

Yohana 6:68

Simoni Petrosi ayangula aku ku yene: Hosi, hingaya ku mani xana? Uni maritu lawa manyikaka vutomi lebyi byingahelikiki.

Mintiro Ya Vapostola 10:33

Hi swoswo-ke, nirumeli ku wene kuyakuvitana; na wene uyentxi swone loko utile. Swoswi-ke, hine hinkweru hikola amahlweni ka Xikwembu Nkulukumba, akuva hatayingela hinkwaswu leswi ungaleletiwa swone hi Hosi.

Mintiro Ya Vapostola 13:26

Vavanuna va-le-kweru, vana va lixaka dra Abrahamu, na n'wine n'witxhavaka Xikwembu Nkulukumba, ku hine hinkweru kurumeliwi a ritu dra huluxu ledri!

Rm 1:16

Aninatingana hi Ivangeli ya Kriste. Hikusa kunene hi wone ntamu wa Xikwembu Nkulukumba wa kuhanyisa hinkwavu lava pfumelaka, kusungula a va-Yuda ni va-Matiko.

Rm 11:17

Loko tinkambu tin'wana tiphatluliwile, kambe wene leswi unga nhlwari, utlhomiwa ansinyeni avutrham'wini bya tone; hikolahu utlhanganisiwi ni mutru uva ukuma ni nhome ya nhlwari lowu wa lisima;

Rm 6:17

Kambe, a kutlangeliwi Xikwembu Nkulukumba! N'wine lava n'wiviki swikarawa swaxidoho, kuhinkwaswu n'wivi nikuyingiseta hi mbilu amayentxela ya dondro dondrweni leyi n'wiyi nyikiwiki.

I Kor 15:2

a lvangeli leyi n'wihuluxiwaka ha yone, loko n'wiyibekisa swanga hi laha nin'wirereliki ha kone, loko angali leswaku n'wepfumela mahala!

II Kor 7:1

Leswi hinga ni swidumbiso leswo varandriwa, Ahi tibasiseni swidoho sweru ku hinkwaswu, swingava swa nyama, kumbe swa moya, hi hetiseka avululameni byeru, ni kutxhava Xikwembu Nkulukumba.

Ef 1:13

Ku lweyi nakone, antrhaku kakuva n'wiyingeli Ritu dra Xihlayelamfuri, a Ivangeli ya huluko drenu, loko na kone n'wipfumelile, n'wifungiwile hi Moya wa Kuxwenga, lowu angawudumbisa.

Ef 4:22

Hi leswaku, hikola ka mafambela yenu ya khale, humani ku mhunu lweyi wa khale, lweyi a honekaka hi kunavela ka vukanganyisi,

Ef 4:25

Hileswo-ke trikani madrimi! Hlayani xihlayelamfuri, amun'we ni mun'wana ku mhunukulobye, hikusa hinkweru hiswiro swa miri min'we.

Ef 5:4

Nakone aswifanekeli kuhlaya maritu ya tinhlamba, ya kubiha kumbe ya vusinge ni ya mafenya, handle ka leswo, avi kuhlaya kutlhangela.

I Tsl 1:5

Hikuva, a Ivangeli yeru ayivanga ku n'wine hi ritu ntsena, kambe hi ntamu ni hi Moya wa Kuxwenga, ni hi kutiyisa loku kaxihlayelamfuri swanga hileswi n'wiswitiviki leswi hihanyisiki xiswone makari kwenu, hi lirandru na n'wine.

I Tsl 2:13

Nakone ku leswo hi tlangela Xikwembu Nkulukumba, hikukhinyelela, hi kuva n'wiyamukeli ritu dra Xikwembu Nkulukumba hi kurera kweru, ledri driviki ritu ledri n'wiyamukeliki. Hikuva afaka dringe ritu dra vhanu, kambe afaka drili ritu dra xihlayelamfuri, ledri dritiraka ku n'wine vapfumeli.

Tito 2:11

Hikusa kuvonekisiwi a timpswalu ta Xikwembu Nkulukumba leti tihuluxaka a vhanu hinkwavu,

Va-Heberu 12:1

Hileswo-ke, na hine leswi hi trandreliwaka hi tlavi ledrikulu dra timboni, kolahu, ahitrhikeni a ntrhwalu wini ni wini lowu wuhisivelaka, ni xidoho lexi xitekisaka kuhinamarela hi trutruma hi kutiyisela, hi heta mpfuka lowu hi bekeliwiki wone.

Va-Heberu 2:3

Ngopfu xana hine hita swikotisa kuyini kuphonyoka, loko hingahlayi ntxhumu hi huluxo ledri drikulu? Ledri afaka dritivisiwa hi Hosi. Ntrhaku dritivisiwa hi lava vadriyingeliki;

Va-Heberu 4:2

Hikusa na hine hi yamukeli Ivangeli kufana na vone. Kambe a ritu ledri vangadriyingela adrivapfunanga ntxhumu, hikusa lava vangadriyingela ava driyamukelanga hi kupfumela.

Yakobe 4:8

Trhindrekelani ku Xikwembu Nkulukumba na Yene atatrhindrekela ku n'wine. Hlambani mandla, vadohi; na n'wine lava va timbilu tibiri, basisani timbilu tenu.

Yakobe 5:20

drimukani leswaku, lweyi a pfunaka mudohi akuhambukeni ka ndlela yake ya kubiha, amhuluxa vutomi ni kudrivaleliwa vunyingi bya swihono.

I Ptr 1:22

Leswi n'wibasisiki a mahika yenu akuyingiseteni ka xihlayelamfuri, akuva n'wivani lirandru dra xikwavu, ledri dringalikina kukanganyisa, khinyelani a kurandraneni van'we ku van'wana, hi mbilu leyi yi basiki;

I Ptr 1:9

na n'wiyamukela a nkongometo wa vupfumeli byenu, kunga kuhuluxiwa ka mahika yenu.

I Ptr 2:1

Ke, na n'witriki vubihi hinkwabyu, vukanganyisi hinkwabyu, ni mandrendre, ni matrhoho, ni mahlevo,

I Ptr 2:11

Varandriwa, nan'witratriya swanga valuveli ni vayendri amisaveni leyi, leswaku n'witrika a kunavela swa nyama, loku kulwaka ni moya;