Tito 3:7 - Testamente Ledrimpswha ni Mapsalma

⁷ akuva, hiyentxiwa valulami hi timpswalu ta Xikwembu Nkulukumba, hiva hindruluka, swanga hi kulavisela, vadi-va-pfindla dra vutomi lebyi byingahelikiki.

Tito 3:7 ပူးပေါင်းရင်းမြစ်များ

Mt 25:34

A HOSI yitabyela lava vanga xineneni xa yone: Tanani n'wine n'wikhensiwaka hi Tatana wanga; danani pfindla dra vuhosi lebyi n'wingabekiseliwa byone a misava mingasina tumbuluka.

Marka 10:17

Kuti loko Yesu ahumi kone, akhoma a ndlela, mun'we mhunu atrutruma ata ku yene, akhisama, amuvutisa aku: Mudondrisi lweyi munene, xana nitayentxa yini akuva nitada a pfindla dra vutomi lebyi byingahelikiki?

Rm 11:6

Loko avi hi timpswalu, akahavanga hinkonta ya mintiro yavu; loko ali hi ndlela yin'wana atimpswalu atingaha faneli kuva timpswalu.

Rm 3:24

Kambe vahlayiwa valulami ntsena hi timpswalu, mahlweni ka kuntrhunxeka loku kunga kone ha Yesu Kriste

Rm 3:28

Hitiyisa leswaku a mhunu a hlayiwa mululami hi kupfumela, handle ka mintiro ya nawu.

Rm 4:16

Leswi hiswone leswi swibuyisaka kupfumela, akuva swiva hi timpswalu, leswaku a xidumbiso xiva lexi xitiyisiwiki a tinxakeni hinkwatu, na ange ntsena leswi swinga nawini, kambe na swone swiva hikupfumela loko kuviki na Abrahamu hikusa Abrahamu i tatana wa hinkweru,

Rm 4:4

Swatwala, lweyi a tiraka ayamukela hakelo drakwe. Leswo aswifani ni xihanano, kambe wa kuva nandru.

Rm 8:17

Ke, loko hili vana, na kone mfuri hi vadi va pfindla. Hi vadi vapfindla dra Xikwembu Nkulukumba kun'we na Kriste. Loko hi xaniseka kun'we na yene, na kone hitatwalisiwa kun'we na Yene.

I Kor 6:11

Hi leswi afaka n'wili swone, van'we ku n'wine; kambe n'wihlampswiwile, mfuri n'wixwengisiwile, n'wiva n'wiyentxiwa lava valulamiki hi vito dra Hosi yeru Yesu Kriste, ni hi Moya wa Xikwembu Nkulukumba weru.

Gl 2:16

Hine hi tivaka leswaku a mhunu angahlayiwi mululami hinkonta ya mintiro ya nawu, ntsena hi kupfumela ku Kriste Yesu, hine hi pfumeli ku Yesu Kriste akuva hihlayiwa valulami hi kupfumela ku Kriste, kunge hi mintiro ya nawu, hikuva akuna mhunu lweyi atakahlayiwa mululami hi mintiro ya nawu.

Gl 3:29

Ke, loko n'wili vaka Kriste, lahu hinkwenu n'wilixaka dra Abrahamu, ni vadi va pfindla swanga hi xidumbiso.

Gl 4:7

Hileswo-ke, wene awehe xikarawa, u n'wana. Ke, loko uli n'wana, na kone umudi wa pfindla ha Xikwembu Nkulukumba.

II Tsl 2:16

Ingi a Hosi yeru Yesu Kriste ha swake ni Xikwembu Nkulukumba Tatana weru, lweyi ahirandriki hi timpswalu takwe, ahinyikiki xixixi xa kutiya ni kulavisela kukulu,

Tito 1:2

akulaviseleni ka vutomi lebyingahelikiki, lebyi Xikwembu Nkulukumba lweyi angahembiki abyidumbisiki na minkama mingasinava kone,

Tito 2:11

Hikusa kuvonekisiwi a timpswalu ta Xikwembu Nkulukumba leti tihuluxaka a vhanu hinkwavu,

Tito 2:13

na hilavisela a kudumba loku kukhensekaka, ni kutikombisa ka kuphatima kukulu ka Xikwembu Nkulukumba ni Muhuluxi weru Yesu Kriste,

Va-Heberu 1:14

Kasi ahi mimoya leyi mitiraka, mirumiwiki kutirela lava vafanekelaka kuda pfindla draku huluka xana?

Va-Heberu 11:7

Hikupfumela, Nowa ali kutivisiwa hi Xikwembu Nkulukumba leti afaka tingasi voniwa, kutani a txhava ayaka ngalawa, akuva ata huluka yene ni yindlu yake ku yone, hi ndlela leyi a yavanyisa misava, kutani amuyentxi ava mudi wapfindla dra kululama hikola ka kupfumela.

Va-Heberu 11:9

Hi kupfumela ayi trhamisa swanga muluveli atikweni dra xidumbiso, swanga hi loko drili tiko dravambe, atrhamisi mintrongeni kun'we na Yisaki na Yakobe a vadi-kulobye va pfindla dra xidumbiso.

Va-Heberu 6:17

Hikolahu ka leswo, loko Xikwembu Nkulukumba, arandri kukombisa hi ntamu kuvadi va pfindla dra xidumbiso, leswaku a makungu yake hi lawa yakuka manga heli, atinhingenisi hi kufunga

Yakobe 2:5

Yingelani swinene vamakweru lava varandriwaka. Xikwembu Nkulukumba atihlawuleli lava vangaswisiwana ku mahlu ya misava, akuva avayentxa swipfundri hi kupfumela ni kuvayentxa vadi vapfindla va mfumu lowu Yene awudumbisiki lava murandraka?

I Ptr 3:7

Hi ndlela yoleyo, na n'wine vanuna, hanyani ni vasati venu na n'witiva leswaku vone vafana ni swibya leswi swingatiyangakiki, n'wivabekela xihluwa swanga vadi-pfindla kuloni va timpswalu ta vutomi, akuva a swikhongoto swenu swingahlulekisiwi.