Tito 2:12 - Testamente Ledrimpswha ni Mapsalma

¹² tihidondrisaka leswaku hidrela vusandri ni kutrika kunavela ka misava leyi, akuva hihanya hi kutikhoma, vululami, ni hi vukhongoti, ankameni lowu,

Tito 2:12 ပူးပေါင်းရင်းမြစ်များ

Mt 12:32

Ni loko kumbe mhunu ahumexela ritu dra kubiha ku N'wana wa Mhunu, atadrivaleliwa kambe kungaku loko ahlayi, asandra a Moya wa Kuxwenga, angaka angadrivaleliwi, nambi kuva ankameni lowu, nambi ali nkameni lowu wutakata.

Mt 16:24

Yesu ahangaku ku vadondrisiwa vakwe: Loko mhunu arandra a kunilandra atiyale, atirwexe xihambano xakwe anilandra.

Mt 28:20

n'wivadondrisa a kubekisa hinkwaswu leswi nin'wileletiki swone. Na swone lavisani, mine nina n'wine masiku hinkwawu kukondra kuhela a minkama.

Lk 1:6

Afa vali valulami hi vubiri byavu amahlweni ka Xikwembu Nkulukumba, vafamba milawini hinkwayu ni le swileletweni hinkwaswu swa Hosi, vangasoliwi ha ntxhumu.

Lk 1:75

hi kuhlawuleka ni kululama amahlweni kwake, amasikwini hinkwawu ya kuhanya kweru.

Yohana 14:30

Ni ngaha khaneli swakutala na n'wine, hikusa mufumi wa misava leyi awata. Kambe angana ntamu ahenhla kwanga.

Yohana 6:25

Loko vamukumile ku tlhelo drin'wana dra nambu, vaku ku yene: Mudondrisi, xana utlhasi drini lomu?

Mintiro Ya Vapostola 24:16

Hileswo-ke na mine nikhinyela minkama hinkwayu kuva ni lipfalu ledri dribasiki, amahlweni ka Xikwembu Nkulukumba ni le ku vhanu.

Mintiro Ya Vapostola 24:25

Kambe loko Pawulosi aha mudrungulela swa vululami, kutikhoma, ni kuyavanyisa loku kutaka, Felikisi asungula kururumela, abyela Pawulosi aku: Tifambele kutani. Nitatlhela nikuvitana na kone, loko nikumi nkama.

Rm 12:2

N'winga hanyi hi kufambelana ni swihila swa nguva leyi, kambe tindrulutani, n'wikuma mayanakanyela lamampsha. Xi leswi, n'witayingelisisa leswaku hi kwini kurandra ka Xikwembu Nkulukumba, leswinga swinene, leswi trhavisaka ni leswi hetisekiki.

Rm 6:12

Hileswo-ke, a xidoho xingatxhuki xifuma amirini yenu leyi mifaka, akuva n'wixiyingiseta akunaveleni ka xone.

Rm 6:19

Nikhanela hi ndlela ya vumhunu hinkonta ya gome dra nyama yenu. Swanga hi leswi n'winyiketiki miri yenu akuva miva swikarawa swavusomboloki ni vubihi akutireleni ka swakubiha, Ke swoswi, nyiketani miri yenu akuva n'witirela vululami akuva n'wixwengisiwa

Rm 8:13

Loko n'wine n'wihanya hi kunavela ka nyama, n'wikongoma kufeni; kambe loko hi Moya n'widlaya mintiho ya vudohi, xileswo n'wine n'witahanya.

II Kor 1:12

Hikusa a lidrumo dreru drakuva vumboni bya lipfalu dreru, leswaku hi fambisiwi misaveni, hi vunene ni xihlayelamfuri xa Xikwembu Nkulukumba, akavanga hi vutivi bya vumhunu, kambe a timpswalwini ta Xikwembu Nkulukumba, mfuri ngopfu ku n'wine.

II Kor 7:1

Leswi hinga ni swidumbiso leswo varandriwa, Ahi tibasiseni swidoho sweru ku hinkwaswu, swingava swa nyama, kumbe swa moya, hi hetiseka avululameni byeru, ni kutxhava Xikwembu Nkulukumba.

Gl 1:4

Lweyi atinyiketiki ha swake, hinkonta ya swidoho sweru, akuva ahi kulula misaveni leyi minfani, leyi hinga ku yone, ahetisisa xileswi hikurandra ka Xikwembu Nkulukumba, Tatana weru.

Gl 5:24

Kambe avaka Kriste Yesu va vambi nyama ni kurandra ni kunavela ka yone.

Ef 1:4

Swanga hileswi ahi langiki na misava mingasinava kone, akuva hiva vaxwengi, hili lava vangeke na xidoho mahlweni kwake, ni le lirandrwini drakwe.

Ef 2:2

Leswi afaka n'wifamba ku swone khale, hi mafambela ya misava, hi mafambela ya mintamu ya minfumu ya le henhla mpfhukeni, wunga moya lowu wutiraka swoswi ku vana lava vakuka vangayingiseti.

Va-le-Kolosa 1:22

Kambe swoswi an'witlhanganisile a mirini wakwe, hinkonta ya kufa kwake, akuva an'wiyisa amahlweni kwake na n'wili lava valulamiki, n'winkhenseka n'wingena nandru.

I Tsl 4:7

Xikwembu Nkulukumba angahi vitanelanga vuwoswini, kambe akuxwengeni.

I Tsl 4:9

Ku leswi faneliki hi talirandru ku vamakwenu kupfumeleni, a swahafanekeli kun'witralela ntxhumu, hikuva n'wifambisiwa hi Xikwembu Nkulukumba kuko n'wirandrana van'we ni van'wana;

I Tmt 4:12

Kungavi na mhunu lweyi asolaka a vumpswha byaku, kambe vana xikombiso ku vapfumeli, aritwini, amahanyeleni, aliradrwini, akupfumeleni ni le kubaseni ka mbilu.

I Tmt 6:17

Tratriya a vafuyi va minkama leyi leswaku vangatikulisi, ni leswaku vangabeki a kudumba kwavu ku vukosi lebyi byingatiyikiki; kambe ku Xikwembu Nkulukumba lweyi ahinyikaka hinkwaswu hi kuyandra, akuva hikuma a kutrhava;

I Tmt 6:9

Kambe lava vadjulaka a vupfundri, vawela andringweni ni le ntlhan'wini, ni le kunaveleni kunyingi ka vusinge, loku kuhonaka, loku kunyuvetaka a vhanu akusuveni ni le kuhohlokeni.

II Tmt 3:12

Mfuri hinkwavu lava randraka kuhanya hi vukhongoti ku Kriste Yesu, vata xanisiwa.

II Tmt 4:10

Hikusa Demasi anitrikile, arandraka nkama wa swoswi; aya Tesalonika, Kresenti ayi Galaxiya, Tito ayi Dalamasiya.

Tito 3:3

Hikusa na hine a khale afa hili masinge, hili lava va kuka-kuyingiseta, lava valahlekiki, na hitirela a kunavela ka kubiha ni tinxaka-xaka ta leswi switrhavisaka miri, na hihanya hi vubihi ni xikwele, hili vanyenyiwa, na hivavenga.

Va-Heberu 8:11

Nakone mun'wana angaka angadondrisi a wa le kwavu, swingadjuleki nambi kuhlaya van'we ku van'wana leswaku: Tiva Xikwembu Nkulukumba! Hikusa hinkwavu vata ni tiva, kusukela ku lwentrongo kuyatlhasa ku lwenkulu wavu.

Yakobe 1:27

A vukhongoti bya xihlayelamfuri ni lebya kubasa, amahlweni ka Xikwembu Nkulukumba, Tatana weru, hi lebyi: kuvonelela swirombe ni mafelwa kunonon'hweliweni kwavu, ava lweyi waku kala kutinyamisa hi swa misava.

II Ptr 2:9

Hi xileswi, a Hosi ya swikota kuhuluxa valulami amindringweni, ni kubekisela vasomboloki xikhatiso xa siku drayavanyiso,

II Ptr 3:11

La kakuva hinkwaswu leswo switaka hohlotisiwa xileswo, n'wifanela kuva vhanu lava vafambaka mahanyeleni yakuhlawuleka ni vukhongoti,

I Yhn 2:27

Ke, akutotiwa loku n'wikuyamukeliki ku Yene akutrhami ku n'wine, hikola ka leswo an'wina kuvilela ka leswaku mhunu a n'widondrisa. Kambe swanga hileswi akutotiwa loku kwake kutiyiki kungeke na madrimi, kutan'widondrisa henhla ka mintxhumu hinkwayu, swanga hileswi n'wingadondrisiwa swone, xiswoswo trhamani ku Yene.

I Yhn 2:6

Lweyi aliki atrhama ku Yene afanela kufamba swanga hi leswi na yene afambisiki xi swone.

I Yhn 5:19

Haswitiva leswaku hi va Xikwembu Nkulukumba, ni leswaku a misava hinkwayu mifumiwa hi mubihi.

Yd 1:18

Afa va n'wibyela vaku: Ankameni wa vugamu kutava ni vhanu lava taka kanganyisa van'wana, lava vatakafamba hi kunavela kwavu.

Mpfuletelo 14:12

Hi loku kukone kutiyisela ka tinsasi, vanga lava vabekisaka swileleto swa Xikwembu Nkulukumba ni kupfumela ku Yesu.