Tito 2:11 - Testamente Ledrimpswha ni Mapsalma

¹¹ Hikusa kuvonekisiwi a timpswalu ta Xikwembu Nkulukumba leti tihuluxaka a vhanu hinkwavu,

Tito 2:11 ပူးပေါင်းရင်းမြစ်များ

Mt 28:19

Hileswo-ke, fambani n'wiyadondrisa a matiko hinkwawu, n'wivababatisa hi vito dra Tatana ni dra N'wana ni dra Moya wa Kuxwenga,

Marka 16:15

Ntrhaku aku ku vone: Fambani amisaveni hinkwayu, n'wiyarera a Ivangeli ku swivumbiwa hinkwaswu.

Lk 24:47

kutadondrisiwa matiko hinkwawu hi vito drakwe akundruluka, ni kudrivaleliwa ka swihono, akusungula hi Yerusalema.

Lk 3:6

A vhanu hinkwavu vatavona huluxo dra Xikwembu Nkulukumba.

Yohana 1:14

A Ritu drandruluki nyama, driva driyaka makari kweru, kutani hihlaleli kuphatima ka drone kunga kuphatima ka n'wana lweyi wa mun'we wa Tatana; afa atali hi timpswalu ni xihlayelamfuri.

Yohana 1:9

A livaningo dra xihlayelamfuri, ledri drivaningelaka vhanu hinkwavu, dritile amisaveni. Ledri drivaningelaka vhanu hinkwavu, dritile amisaveni

Mintiro Ya Vapostola 11:23

Yelweyi-ke, loko atlhasa, avona timpswalu ta Xikwembu Nkulukumba, atrhava ngopfu; na swone akhongotela hinkwavu leswaku vanamarela ku Hosi hi kutiya mbilu;

Mintiro Ya Vapostola 13:43

Loko a sinagoga drihangalaka, a va-Yuda lava vanyingi ni lava ndrulukeliki xiyudeni valandra Pawulosi na Barnabasi. Volava ke na vakhanela ku vone, afa vavatlhavukanyisa akuva vanamarela a timpswalu ta Xikwembu Nkulukumba.

Mintiro Ya Vapostola 13:47

Hikuva a Hosi yihileleti xileswi: Nikubeki swanga livaningo ku va-Matiko, akuva wene uva huluxu kuyatlhasa avugan'wini bya misava.

Mintiro Ya Vapostola 17:30

Ke a minkama ya kukohleka loku, Xikwembu Nkulukumba amitrikile mikhaluta. Kambe swoswi, aleleta a vhanu hinkwavu amimbangwini hinkwayu leswaku vatlhelela ku Yene;

Mintiro Ya Vapostola 20:24

Kambe anitihlayeli ntxhumu hi vutomi byanga, aniyanakanyi leswaku byini lisima ku mine; nitakota kuheta a mpfhuka wanga ni ntiro, lowu niwuyamukeliki ku Hosi Yesu, wa kuva ni hambela vumboni Ivangeli ya timpswalu ta Xikwembu Nkulukumba.

Rm 10:18

Kutani mine navutisa: Kolahu avayingelanga na kukhaneliwa? Im, kunene vayingelile, mpfumawulu wavu wutwalile misaveni hinkwayu, na wone maritu yavu mayitlhasa avugan'wini bya misava.

Rm 5:15

Kambe, akuna kudringanisiwa nyiko ya timpswalu ni kutlula nawu, ke, hi kudoha ka mun'we vanyingi vafile, ngopfu-ngopfu a timpswalu ta Xikwembu Nkulukumba, ni nyiko leyi yinga timpswalwini ta mhunu mun'we, Yesu Kriste, i nyiko yikulu ngopfu ku lava vanyingi.

Rm 5:2

Lweyi ha Yene hikumiki hi kupfumela, timpswalu leti hitiyiki ku tone, nakone hititwalisa akulaviseleni ka kuphatima ka Xikwembu Nkulukumba.

II Kor 6:1

Swanga hi leswi hitirisanaka na yene, ha n'witratriya na kone leswaku n'wingayamukeli mahala a timpswalu ta Xikwembu Nkulukumba.

Gl 2:21

Anidjuli kutxukumeta a timpswalu ta Xikwembu Nkulukumba; hikuva loko afa kululama kukumiwa hi nawu, Kriste afeli mahala.

Ef 2:5

Na hine afa hi file a swihonweni sweru, a hinyiki vutomi kun'we na Kriste, hi timpswalu n'wine n'wihuluxiwile,

Ef 2:8

Hikusa hi timpswalu n'wihuluxiwile, hinkonta ya kupfumela; kutani leswo aswipfi ku hine, i nyiko ya Xikwembu Nkulukumba;

Va-le-Kolosa 1:23

Loko kunene, n'witrhamile kupfumeleni, n'wisimekiwa n'witiya, n'winga titrhindreti kule ni kulavisela ka Ivangeli, leyi n'wiyiyingeliki yihlayiwa ku vhanu hinkwavu vahansi ka misava, leyi mine Pawulosi, ni ndrulukiki murumiwa wa yone.

Va-le-Kolosa 1:6

yitlhasiki ku n'wine ni le misaveni hinkwayu; yibeka mihandru na mikula swanga hileswi swihumeleliki makari kwenu, kusukela ku siku ledri n'witiviki timpswalu ta Xikwembu Nkulukumba hi xihlayelamfuri.

II Tsl 2:16

Ingi a Hosi yeru Yesu Kriste ha swake ni Xikwembu Nkulukumba Tatana weru, lweyi ahirandriki hi timpswalu takwe, ahinyikiki xixixi xa kutiya ni kulavisela kukulu,

I Tmt 1:14

Kambe a vumbilu bya Hosi yeru byayandri ngopfu, kun'we ni kupfumela ni lirandru leswi swinga ku Kriste Yesu.

I Tmt 2:4

Lweyi adjulaka leswaku vhanu hinkwavu vahuluxiwa, ni leswaku vatlhasa akutiveni ka xihlayelamfuri.

II Tmt 1:10

a tivonekisiki swoswi, hi kuvoneka ka Muhuluxi weru Kriste Yesu, lweyi ahelisiki kufa, avonekisa vutomi ni kuhanya loku kungahelikiki hi Ivangeli,

II Tmt 4:17

Kambe Hosi yaniyimelelile, yininyiki ntamu, akuva akurera kwanga ka Ivangeli kuhetiseka ku mine, lava vangeke vakhongoti hinkwavu vakota kuniyingela masiku hinkwawu, nive nihuluxiwa non'wini wa ndrawu.

Va-Heberu 12:15

na n'witivona leswaku kungativa na mhunu lweyi atitronaka timpswalu ta Xikwembu Nkulukumba; mfuri kungavinamutru wa kubava wu milaka henhla, kutani wun'wipfilunganyisa, leswaku ha wone kuhoneka lavanyingi.

Va-Heberu 2:9

Hivonile na kone, lweyi hi nkamanyana ayentxiwiki lweyi ntrongo ku tintrumi, anga Yesu, hi kuxaniseka hi lifu, a yambexiwile ngiyana ya kutwala ni xitxhavu, akuva hikola ka timpswalu ta Xikwembu Nkulukumba atwisiwa kufa hinkonta ya vhanu hinkwavu.