Rm 5:15 - Testamente Ledrimpswha ni Mapsalma

¹⁵ Kambe, akuna kudringanisiwa nyiko ya timpswalu ni kutlula nawu, ke, hi kudoha ka mun'we vanyingi vafile, ngopfu-ngopfu a timpswalu ta Xikwembu Nkulukumba, ni nyiko leyi yinga timpswalwini ta mhunu mun'we, Yesu Kriste, i nyiko yikulu ngopfu ku lava vanyingi.

Rm 5:15 ပူးပေါင်းရင်းမြစ်များ

Mt 20:28

Swanga hi leswi na Yene N'wana wa Mhunu angatelangakiki kutireliwa, kambe ateliki kutirela ni kunyiketa a vutomi byake xiva xitirulu ku lava vanyingi.

Mt 26:28

hikusa leswi i ngati yanga, ya xipfumelelanu ximpswha, leyi yihalateleliwaka lava vanyingi a kudrivaleliweni ka swidoho.

Yohana 3:16

Hikusa Xikwembu Nkulukumba arandri misava swakunhati, ako anyika N'wanakwe lweyi apswaliwiki ali swake, leswaku mani na mani lweyi apfumelaka ku yene, angatxhuki alahleka, kambe akuma vutomi lebyi byingahelikiki.

Yohana 4:10

Yesu amuyangula aku: Loko afa utivi nyiko ya Xikwembu Nkulukumba ni leswaku i mani lweyi aliki nihanani ninwa, ana wene ukombeli ku yene, kutani yene afa atakunyika mati lawa mahanyaka

Mintiro Ya Vapostola 15:11

Kasi hine hipfumela leswaku hihanyisiwi hi timpswalu ta Hosi Yesu, swanga ha vone.

Rm 5:12

Kutani, swanga hi leswi ha mhunu mun'we ntsena kunhingeniki xidoho misaveni, hikola ka xidoho kuti a lifu; hi swoleswo na kone a kufa kunhingenile ku vhanu hinkwavu, hikusa hinkwavu vadohile.

Rm 6:23

Hikusa a hakelo dra xidoho i kufa, kambe a nyiko leyipfaka ku Xikwembu Nkulukumba i vutomi lebyi byingahelikiki hi ntlhanganu na Kriste Yesu Hosi yeru.

II Kor 5:14

A lirandru dra Kriste dra hisindrisa, hiyanakanya leswi swaku: Mun'we a feli hinkwavu; kolahu, hinkwavu va file.

II Kor 9:15

Hitlangela Xikwembu Nkulukumba hi lirandru ledringeke na kufananisiwa.

Ef 2:8

Hikusa hi timpswalu n'wihuluxiwile, hinkonta ya kupfumela; kutani leswo aswipfi ku hine, i nyiko ya Xikwembu Nkulukumba;

Va-Heberu 2:9

Hivonile na kone, lweyi hi nkamanyana ayentxiwiki lweyi ntrongo ku tintrumi, anga Yesu, hi kuxaniseka hi lifu, a yambexiwile ngiyana ya kutwala ni xitxhavu, akuva hikola ka timpswalu ta Xikwembu Nkulukumba atwisiwa kufa hinkonta ya vhanu hinkwavu.

I Yhn 2:2

Hi yene anga mhamba ya kususa swidoho sweru; swinge sweru ntsena, kambe swakuva swa misava hinkwayu.

I Yhn 5:11

Kutani a vumboni hi lebyi: Xikwembu Nkulukumba ahi nyiki vutomi lebyi byingahelikiki, a vutomi lebyo byi le ku N'wana wakwe.