Mt 9:15 - Testamente Ledrimpswha ni Mapsalma

¹⁵ Yesu aku ku vone: Xana swakoteka leswaku a vakhapi va muteki vadrila na muteki ahali na vone? Kambe wata a nkama lowu a muteki atakasusiwa ku vone; laho-ke vatatitrona.

Mt 9:15 ပူးပေါင်းရင်းမြစ်များ

Mt 9:14

A vadondrisiwa va Yohana Mubabatisi vatrhindrekeli ku Yesu vamuvutisa vaku: Xana hine ni vafarisi hititronela yini ha kanyingi, na kasi a vadondrisiwa vaku avatitroni?

Mt 9:16

Angakone lweyi angarungelaka xihlama xa kapulana drimpswha axiyambalwini xa khale, hikusa a xihlama lexi ximpswha xingawonyana, xihandrula a xiyambalu lexi xa khale, akuhandruka ka xone kuva loku kukulu.

Marka 2:19

Yesu avayangula aku: Xana a vanakulobye va mulovoli vatitrona, loko yene ahalina vone? A nkama hinkwawu lowo vangani mulovoli avana kutitrona.

Marka 2:20

Kambe a masiku matata, lawa a mulovoli atakasusiwa ku vone. Lahuke, vatatitrona, a kusukela a sikwini ledro.

Lk 17:22

Ayengesa aku ku vadondrisiwa vakwe: A masiku matata lawa n'witaka navela kuvona siku drin'we ku masiku ya N'wana wa Mhunu, kambe n'wingaka n'wingadrivoni.

Lk 5:34

Yesu avabyela aku: Xana n'wingaswikota a kusindrisa leswaku avatrhekeli va vukati vatitrona na mulovoli ahali na vone xana?

Lk 5:35

Wutata a nkama lowu a mulovoli ataka susiwa ku vone, lahuke vatatitrona.

Yohana 16:6

Kambe leswi nin'wibyeliki leswo, a kuvaviseka kukone a timbilwini tenu.

Yohana 3:29

A n'winyi wa mutekiwa hi muteki. Kambe a n'winyi wa ndlela ayingiseta muteki, atrhava swinene hi kumuyingela. Kolahu-ke a kutrhava kwanga loku, swoswi kuhetisekile.

Mintiro Ya Vapostola 14:23

Na swone vahlawuli vakulu akerekeni drin'wana ni drin'wana. Ntrhaku ka kukhongota ni hi kutitrona swakuda, vakombeli akuva vaxireleliwa hi Hosi leyi vabekiki ku yone vupfumeli byavu.

I Kor 7:5

N'wingatronananeni, handle ka loko n'wiyingelanile hi nkamanyana, akuva n'witinyiketa akukhongoteni, kambe n'witatlhela n'wiva kun'we akuva Sathana angatxhuki an'widringa hi kuhluleka kwenu ka kutikhoma.

II Kor 11:27

ni vi mintirweni ni minkaralwini, hi minkama minyingi ni vi nivusiku bya kuyandra na ningayetleli, ni vi nindlala nipfumala swakuda, ni kutitrona, hi minkama minyingi ni vi nixirami ni pfumala swakuyambala.

Mpfuletelo 19:9

Kutani a ntrumi yahangaku ku mine: Trala leswi: Kukatekile lava vavitaneliwiki a xilalelo xa nkhuvu wa vukati bya Hambana! Nangweso yiya mahlweni yiku: Lawa i maritu ya xihlayelamfuri ya Xikwembu Nkulukumba.

Mpfuletelo 21:2

Kutani ni voni ni muti wa Kuxwenga, Yerusalema lwe mumpswha, lwe afaka axika hi le Tilweni ku Xikwembu Nkulukumba. Apfa na axongi swanga hi mulovoliwa lweyi atilungiseliki kutlhangaveta muteki wakwe.