Mt 6:20 - Testamente Ledrimpswha ni Mapsalma

²⁰ kambe tihlengeletelani a nhlengwe atilweni, lomu a tinsumba ni kukura swingahonikiki, ni lomu a vayivi vanganhingenikiki vayiva.

Mt 6:20 ပူးပေါင်းရင်းမြစ်များ

Mt 19:21

Yesu aku ku yene: Loko udjula kuva lweyi ahetisekiki, famba, uyaxavisa hinkwaswu leswi unganaswu, unyika mali a swisiwana. Xiswoswo utavani nhlengwe a Matilweni. Ntrhaku tana unilandra.

Mt 6:19

N'wingatihlengeleteleni nhlengwe lani misaveni, lomu a tinsumba ni kukura swihoneka, ni lomu a vayivi vanhingenaka vayiva;

Marka 10:21

Kambe Yesu amulavisa, amurandra, aku ku yene: I xin'we ntsena lexi upfumalaka xone; famba uyaxavisa hinkwaswu leswi unganaswu unyika a mali ku swisiwana, kutani utavani nhlengwe atilweni. Ntrhaku tana unilandra.

Lk 12:33

Xavisani leswi n'winga naswu, n'winyika a swisiwana. Tiyentxelani minkwama ya mali leyi ya kuka minga honeki, ni nhlengwe leyi yinga helikiki Matilweni, lomu a muyivi angatlhasikiki, ni laha a nsumba yinga honikiki kone.

Lk 18:22

Atiki awaswiyingela, Yesu aku ku yene: Kusali xin'we lexi uxipfumalaka: xavisa hinkwaswu leswi unganaswu, uyavela swisiwana. Hi kone utakava ni nhlengwe a matilweni. Hi kone ungataka, unilandra.

I Tmt 6:17

Tratriya a vafuyi va minkama leyi leswaku vangatikulisi, ni leswaku vangabeki a kudumba kwavu ku vukosi lebyi byingatiyikiki; kambe ku Xikwembu Nkulukumba lweyi ahinyikaka hinkwaswu hi kuyandra, akuva hikuma a kutrhava;

I Tmt 6:19

vatihlengeletela vukosi byinene, lebyi byinga masungulo lawa matiyiki ya minkama leyi mitaka, leswaku vatakuma a vutomi lebyi byinene.

Va-Heberu 10:34

Hikusa mavi lava tretreleliki vabohiwa; na kone n'wiyamukelile hi kutrhava kuwutleliwa leswi afaka n'wili naswu, na n'witiva leswaku, n'wini nhlengwe a Matilweni leyi tlulaka, leyi trhamaka hi minkama hinkwayu.

Va-Heberu 11:26

Apimisa leswaku akusandriwa ku Kriste i vupfundri lebyitlulaka nhlengwe ya le Egipta. Hikusa afa a langusela kutlheliseliwa.

Yakobe 2:5

Yingelani swinene vamakweru lava varandriwaka. Xikwembu Nkulukumba atihlawuleli lava vangaswisiwana ku mahlu ya misava, akuva avayentxa swipfundri hi kupfumela ni kuvayentxa vadi vapfindla va mfumu lowu Yene awudumbisiki lava murandraka?

I Ptr 1:4

leswaku n'wivani pfindla ledri dringabolikiki, drixwengiki, mfuri dringabunikiki, ledri dribekiseliwiki n'wine a Matilweni,

I Ptr 5:4

kutani loko a mubyisi lwenkulu ku hinkwavu abuya, n'witayamukela a ngiyana ya kuphatima leyi yingabolikiki.

Mpfuletelo 2:9

Nitiva a nhlomulu waku ni vusiwana byaku, kambe uxipfundri, mfuri a kusandra ka lava vatihlayaka va-Yuda, na kasi ahi va-Yuda, kambe vone i sinagoga dra Sathana.