Mt 6:13 - Testamente Ledrimpswha ni Mapsalma

¹³ Ungahiyise akudringiweni, kambe hihuluxe ku lwe mfani.

Mt 6:13 ပူးပေါင်းရင်းမြစ်များ

Mt 26:41

Hitekani n'wikhongota, n'wingatinhingena andringweni, hikuva a moya wone wapfumela, kambe a miri mini gome.

Mt 28:20

n'wivadondrisa a kubekisa hinkwaswu leswi nin'wileletiki swone. Na swone lavisani, mine nina n'wine masiku hinkwawu kukondra kuhela a minkama.

Mt 5:37

Swadringana kuhlaya Im'na, loko kuli im'na, ni Im'hi, loko kuli im'hi. Hinkwaswu leswi switlulaka leswo, i ntiro wa kupfa ku lweyi mfani.

Mt 6:10

awute a Mfumu waku; a kurandra kwaku akuyentxiwe amisaveni, swanga hi le Tilweni.

Yohana 17:15

Anikombeli leswaku uvasusa misaveni, kambe leswaku uvaxirelela ku leswi swakubiha.

I Kor 10:13

An'wingihumeleliwa hi ndringo lowu wungafanekeliki vhanu; kambe Xikwembu Nkulukumba adumbekaka, angaka angapfumeti leswaku n'widringiwa kutlula a mintamu yenu; kambe, kun'we ni mindringo, atan'winyika a ndlela ya kuhuma ku mindringo, akuva n'wikota a kumibyatrha.

I Kor 14:16

Hikuva loko ukhensa hi moya ntsena, a mhunu lweyi anga a vumbangwini bya lweyi angalikina vutivi, atahlayisa kuyini leswaku amen axikhongotweni xakwe xa kutlangela, loko yene angativi leswi uswihlayaka?

II Kor 1:20

Hikusa i swidumbiso hinkwaswu swinga ku Xikwembu Nkulukumba a hlaya: ina, hikusa, ha Yene kutani na hine hi hlaya Amen akuva kutwalisiwa Xikwembu Nkulukumba ha hine.

Gl 1:4

Lweyi atinyiketiki ha swake, hinkonta ya swidoho sweru, akuva ahi kulula misaveni leyi minfani, leyi hinga ku yone, ahetisisa xileswi hikurandra ka Xikwembu Nkulukumba, Tatana weru.

I Tsl 1:10

na n'wilavisela a n'wanakwe Matilweni, lweyi amupfuxiki kufeni, anga Yesu, lweyi a hi huluxaka ku mahlundru lawa matakata.

II Tsl 3:3

Kambe a Hosi yidumbekile. Yone yitan'winyika ntamu ni kun'wibiyelela vubihini.

I Tmt 1:17

Ke, ku Hosi ya minkama hinkwayu, Xikwembu Nkulukumba lweyi wa mun'we, lweyi ahanyaka hi la kungaheliki; lweyi angavonekiki; akuve ni xihluwa ni kutwala hi minkama ni minkama. Amen.

Va-Heberu 11:36

Avan'wana vakumi ndringo hi kuhlekiwa, ni kubiwa hi swisepu, van'wana hi mapindra ni kupfaleliwa bohelweni.

I Ptr 5:8

Tikhomani, n'wilavelela! A nala wenu, Diyavulosi, aratela swanga hi nghonyama leyi yidruma-drumekaka, na yidjula lweyi yingamuphatlulaka yimuda;

II Ptr 2:9

Hi xileswi, a Hosi ya swikota kuhuluxa valulami amindringweni, ni kubekisela vasomboloki xikhatiso xa siku drayavanyiso,

I Yhn 3:8

Lweyo ni lweyo ayentxaka xidoho i waka Diyavulosi; hikusa Diyavulosi adohile kehe kusunguleni. Hikolaho ka leswo, a N'wana wa Xikwembu Nkulukumba ativonekisi akuva atahelisa mintiro ya Diyavulosi.

Mpfuletelo 1:18

ni lweyi ahanyaka! Afa nifile, kambe swoswi nahanya hi madzana-ni-madzana ya malembe, mfuri nini mimpfungulu ya lifu ni ya le Hades.

Mpfuletelo 19:1

Ntrhaku ka leswo, ni yingeli ritu tilweni swanga dra xitrhungu lexikulu, ledri afaka driku: Aleluya! A huluxo ni lidrumu, ni ntamu i swa Xikwembu Nkulukumba weru!

Mpfuletelo 19:4

Kutani a vakulu lava makume mabiri ni mune (24) ni mune wa swivumbiwa, vakhisama, kutani vagandrela Xikwembu Nkulukumba lweyi atrhamiki xiluvelweni na afa vaku: Amen! Aleluya!

Mpfuletelo 2:10

Ungatxhave ntxhumu ku leswi utakaxanisiwa ha swone. Vona, Diyavulosi atatxukumetela van'we ku n'wine abohelweni, akuva n'widringiwa, mfuri n'witavani nhlomulo wa khume dra masiku. Vana lweyi adumbekaka kukota uyatlhasa akufeni, nitakunyika a ngiyana ya vutomi.

Mpfuletelo 21:4

Atavasula hinkwayu minyembeti amatihlweni yavu, kutani lifu dringahativa kone swimbeni, nambi nkosi, nambi kubongosa, nambi kuvavisa. Hinkwaswu leswi swinyamalalile.

Mpfuletelo 3:10

Leswi ubekisiki a ritu dra kutiyisela kwanga, na mine nitakubekisa ankameni wa ndringo, lowu wutakata amisaveni hinkwayu, akuva wutatadringa lava vatrhamaka amisaveni hinkwayu.

Mpfuletelo 3:14

Ku ntrumi ya kereke ledri dringa Lawodikiya trala uku: Lweyi anga Amen, a mboni leyi ya kudumbeka ni ya xihlayelamfuri, masungulu ya ntiro wa vutumbuluxi wa Xikwembu Nkulukumba, ahlaya leswi:

Mpfuletelo 5:13

Kutani niyingela a swivumbiwa hinkwaswu swa le tilweni, ni swa le misaveni, ni swa le hansi ka misava, ni leswi swinga likhulwini, na swiku: Ku lweyi atrhamiki axitrhan'wini-xa-vufumi ni ku Hambana, Lidrumu, xihluwa, kukhensa ni ntamu kukhensiwa, ni xihluwa, ni lidrumu, ni ntamu, hi madzana-ni-madzana ya malembe!