Mt 5:30 - Testamente Ledrimpswha ni Mapsalma

³⁰ Ni loko a voko draku dra xinene drikuyisa kudoheni, dritreme udritxukumeta kule na wene. Swayapswa loko ulahlekeliwa hi xiro xin'we xa miri, kutlula loko a miri yaku hinkwayu mitxukumetiwa akheleni dra ndrilo.

Mt 5:30 ပူးပေါင်းရင်းမြစ်များ

Mt 11:6

Akatekile lweyi angakhunguvanyekiki hikola kwanga.

Mt 13:21

kambe angana mitru andreni kwake, atrhama nkamanyana ntsena; a nhlomulo, kumbe kuxaniseka hinkonta ya ritu, swiku swahumelela ahatla akhunguvanyeka.

Mt 16:23

Kambe Yene andruluka aku ku Petrosi: Suka ku mine Sathana, hikusa wene u xikhunguvanyiso ku mine, hikusa awupimisi swa Xikwembu Nkulukumba, kambe swakuva swa vhanu.

Mt 17:27

Kambe, akuva hingavakhunguvanyisi, yana alwandle uyatxukumetela a ndrovo, utaphasa nhlampfi leyi yitakaranga kuhuma; loko utava upfuli nomu wa yone, utakuma kone statera; xiteke, uvanyika, uhumexela mine na wene.

Mt 18:8

Hikolahu-ke, loko a voko draku kumbe a nenge waku swikukhunguvanyisa, switreme uswitxukumeta kule na wene! I swa hombe ku wene a kunhingena avutomini na upfumala a voko kumbe na ukhuta, kutlula loko utxukumetiwa andrilweni lowu wungatimekiki na uni mavoko mabiri kumbe minenge mibiri.

Mt 22:13

Kutani a mufumi abyela malandra aku: Trimbani minenge ni mavoko yake n'wimutxukumeta ahandle amunyameni, lomu kutakava ni swidrilo ni kuketrela ka menyo.

Mt 25:20

Atrhindrekeliki lweyi afaka ayamukeli ntlhanu wa matalanta abuyisa ni man'wana ya ntlhanu aku: We hosi, waninyiki ntlhanu wa matalanta; langusa man'wana ya ntlhanu lawa nimabindruliki.

Mt 26:31

Kutani Yesu aku ku vone: Hi vusiku lebyi hinkwenu n'witakhunguvanyeka ha mine, hikuva a Matralwa mahlaya swoswo: Nitaba mubyisi, a tihamba titahangalaka.

Mt 5:22

Kambe mine nili ku n'wine: Mun'wana-ni-mun'wana lweyi ahlundrukelaka wa-le-kwavu, atafanela kuyavanyisiwa; ni lweyi arukaka a wa-le-kwavu amutxhula singe atayavanyisiwa hi huvu; ni lweyi atakamutxhula xihunguki afanekeliwa hi kutxukumetiwa a Geheneni (andrilweni lowu wungatimekikiki).

Mt 5:29

Hikolahu-ke, loko a tihlu draku dra xinene drikuyisa kudoheni, drisusi udritxukumeta kule na wene. Swayapswa loko ulahlekeliwa hi xiro xin'we xa miri, kutlula loko a miri waku hinkwawu wutxukumetiwa akheleni dra ndrilo.

Marka 9:43

Loko a voko draku drikuyisa akudoheni, dritreme. I swahombe ku wene a kunhingena avutomini, atilweni na uni voko drin'we, kutlula loko uya akheleni, andrilweni lowu wungatimekiki na una mavoko mabiri. [

Lk 12:5

Nitan'wibyela lweyi n'wifanekelaka kuva n'wimutxhava; txhavani Xikwembu Nkulukumba, lweyi loko adlayile, angani ntamu wa kutxukumetela akheleni. Ahina nan'wibyela txhavani yelweyo.

Lk 17:2

Afa swingava swinene ku yene loko vamutrimbelela ribye dra kusila anhan'wini, ava atxukumetiwa likhulwini, kunge kukhunguvanyisa mun'we ku lavatrongo lava.

Rm 9:33

swanga hi leswi kutraliwiki: Nibeka ribye a Siyoni ledri drikhunguvanyisaka ni kuwisana; Kambe lweyi a pfumelaka ku drone angavi na tingana.

I Kor 8:13

Hileswo-ke, loko a swakuda swikhunguvanyisa a makweru, ningaka ningahadi nyama ni siku ni drin'we, akuva ningatitxhuka nikhunguvanyisa a makweru.

Gl 5:11

Kambe loko ali mine vamakweru, loko na ha rera a kusoka, xana na ha xanisiwela yini? Kolahu a xikhunguvanyiso xa xihambanwini afa xitahela.

I Ptr 2:8

na swone: Ribye dra kukhunguvanyisa, ni ribye dra kudohisa; vone lava vakhunguvanyeka aritwini, na vangayingiseti nambi ku leswi vakongomiseliwiki swone.