Mt 5:29 - Testamente Ledrimpswha ni Mapsalma

²⁹ Hikolahu-ke, loko a tihlu draku dra xinene drikuyisa kudoheni, drisusi udritxukumeta kule na wene. Swayapswa loko ulahlekeliwa hi xiro xin'we xa miri, kutlula loko a miri waku hinkwawu wutxukumetiwa akheleni dra ndrilo.

Mt 5:29 ပူးပေါင်းရင်းမြစ်များ

Mt 10:28

Nakone n'wingatxhaveni lava vadlayaka a miri, na vangakotiki kudlaya a hika; kambe txhavani ngopfu lweyi angani ntamu wa kusuvisa a hika ni miri akheleni dra ndrilo.

Mt 11:6

Akatekile lweyi angakhunguvanyekiki hikola kwanga.

Mt 16:26

Switapfuna yini ku mhunu a kufuya misava hinkwayu, kambe alahlekeliwa hi vutomi byake? Kumbe xana a mhunu atahumexa yini kuva axava a vutomi byake?

Mt 17:27

Kambe, akuva hingavakhunguvanyisi, yana alwandle uyatxukumetela a ndrovo, utaphasa nhlampfi leyi yitakaranga kuhuma; loko utava upfuli nomu wa yone, utakuma kone statera; xiteke, uvanyika, uhumexela mine na wene.

Mt 19:12

Hikuva vakone vatrheniwa lava vabelekiwiki na vali swoswo, loko vahuma makhurini ya vamamana vavu; vakone kambe lava vangatrheniwa hi vhanu; na swone vakone lava vangatrheniwa hinkonta ya Mfumu wa Matilo. Lweyi aswikotaka kuswiyamukela, aswiyamukele.

Mt 23:15

Yowee, n'wine vatrali ni vafarisi, vamandrendre! Hikusa n'witekisa n'wifamba hi misava ni lwandle akuva n'wikuma mupfumeli mun'we, kutani loko n'wimukumile, n'wimuhamba ava n'wana gehena ha kubiri kutlula n'wine.

Mt 23:33

Tinyoka! Lixaka dra swipswhahla! Xana n'witahulukisa kuyini akuyavanyiseliweni ka gehena?

Mt 5:22

Kambe mine nili ku n'wine: Mun'wana-ni-mun'wana lweyi ahlundrukelaka wa-le-kwavu, atafanela kuyavanyisiwa; ni lweyi arukaka a wa-le-kwavu amutxhula singe atayavanyisiwa hi huvu; ni lweyi atakamutxhula xihunguki afanekeliwa hi kutxukumetiwa a Geheneni (andrilweni lowu wungatimekikiki).

Mt 5:30

Ni loko a voko draku dra xinene drikuyisa kudoheni, dritreme udritxukumeta kule na wene. Swayapswa loko ulahlekeliwa hi xiro xin'we xa miri, kutlula loko a miri yaku hinkwayu mitxukumetiwa akheleni dra ndrilo.

Marka 8:36

Hikusa switamupfuna yini a mhunu, nambi afuya a misava hinkwayu, hi vugamu atilahla?

Lk 12:5

Nitan'wibyela lweyi n'wifanekelaka kuva n'wimutxhava; txhavani Xikwembu Nkulukumba, lweyi loko adlayile, angani ntamu wa kutxukumetela akheleni. Ahina nan'wibyela txhavani yelweyo.

Rm 6:6

Haswitiva leswaku leswi afaka hilixiswone hine kusunguleni swifile na Kriste axihambanwini, akuva kuhelisiwa leswi ku hine afaka kuni kubiha akuva hinga havi swikarawa swa xihono,

Rm 8:13

Loko n'wine n'wihanya hi kunavela ka nyama, n'wikongoma kufeni; kambe loko hi Moya n'widlaya mintiho ya vudohi, xileswo n'wine n'witahanya.

I Kor 9:27

kambe mine nixanisa a miri yanga, ni miyentxa a xikarawa, akuva, nitxhumayela ku van'wana, ningatitxhuka nikumiwa na nili lweyi ningalikina mfanelo ya ntxhumu.

Gl 5:24

Kambe avaka Kriste Yesu va vambi nyama ni kurandra ni kunavela ka yone.

Va-le-Kolosa 3:5

Hileswo-ke, dlayani ku n'wine hinkwaku ku navela ka laha misaveni: a vumbuye, ni vuwoswi, ni vunfani, ni kunavela ka kubiha, ni kufelela loku kunga lixaka dra kugandrela swifaniso.