Mt 19:29 - Testamente Ledrimpswha ni Mapsalma

²⁹ Mun'wana-ni-mun'wana lweyi atrikiki tiyindlu, vamakwavu va xinuna ni va xisati, ni tatana wakwe kumbe mamana wakwe, kumbe nsati ni vana, kumbe masimu hinkonta yanga, atayamukela hi ka dzana (100) ni kuhindra, ava ada pfindla dra vutomi lebyi byingahelikiki.

Mt 19:29 ပူးပေါင်းရင်းမြစ်များ

Mt 10:22

N'witahambuliwa hi misava hinkwayu hinkonta yanga; kambe lweyi atakatiyisela kutlhasa vugan'wini atahuluxiwa.

Mt 13:23

Mfuri lweyi abyaliwiki amisaveni leminene, hi lweyi ayingelaka ritu adriyingelisisa, ava abeka a mihandru, a nhleke yin'we yibeka a dzana (100), a yin'wana ntlhanu wa makume na drin'we (60), a yin'wana makume mararu (30).

Mt 13:8

Kutani tin'wana mfuri, tiwela amisaveni leminene, tihumexa a mihandru ya kuxonga: yin'we a mbewu yihumexa dzana (100), yin'wana ntlhanu wa makume na drin'we (60), ni yin'wana makume mararu (30) ya tinhleke.

Mt 16:25

Hikusa lweyi arandraka kuhuluxa vutomi byake atabyilahla; kambe lweyi atakalahla vutomi byake hikola kwanga, atabyikuma.

Mt 19:16

A djaha drin'we dra mufuyi dritrhindrekeli ku Yene drimuvutisa driku: Mudondrisi, xana nitayentxa yini swa swinene akuva nitakuma a vutomi lebyi byingahelikiki?

Mt 25:34

A HOSI yitabyela lava vanga xineneni xa yone: Tanani n'wine n'wikhensiwaka hi Tatana wanga; danani pfindla dra vuhosi lebyi n'wingabekiseliwa byone a misava mingasina tumbuluka.

Mt 25:46

Volavo vataya akuxanisiweni loku kungahelikiki, kasi a valulami vataya avutomini lebyi byingahelikikiki.

Mt 5:11

N'witakateka loko van'wiruka, van'wixanisa, vahlaya maritu hinkwawu ya kubiha ha n'wine hi kuhemba, nkonta yanga.

Mt 6:33

Djulisisani kusungula a Mfumu wa Xikwembu Nkulukumba ni kululama kwake, kutani hinkwaswu leswo n'witayengeteliwa.

Lk 14:26

Loko mhunu ata ku mine, na angavengi tatana wakwe, ni mamana wakwe, ni nkatakwe, ni vana, ni vamakwavu va xinuna ni va vaxisati, na byo vutomi byake mfuri, angana kuva mudondrisiwa wanga.

Lk 5:11

Kuti loko vayi khisisa mabyatrhu yavu asaveni, vatrika hinkwaswu valandra Yesu.

Lk 6:22

N'witatovoka loko a vhanu van'wivenga, van'wihlongola, van'wiruka, vasandra ni vito drenu swanga hi loko dribihile, hinkonta ya N'wana wa Mhunu.

Yohana 15:19

Loko afa n'wi va misava, ana misava mirandri swa yone; kambe leswi n'wingeke va misava, ni leswi nin'wihlawuliki makari ka yone; hikolahu a misava man'wivenga.

Yohana 4:36

A mutrhoveli ayamukela hakelo drakwe, ahlengeleta mavele avutomini lebyi byingahelikiki. Angava lweyi abyalaka ni lweyi atrhovelaka vakota kutrhava kun'we.

Mintiro Ya Vapostola 9:16

Hikusa nitamukomba mahlomulu hinkwawu atakafanela kumayingela hinkonta ya vito dranga.

I Kor 2:9

Kambe swanga hi leswi kutraliwiki leswaku: Leswi a tihlo dringaswivonangakiki, ni ndleve yingaswiyingelangakiki, swinganhingenangakiki ni le mbilwini ya mhunu, leswi Xikwembu Nkulukumba an'wibekiseliki lava vamurandraka;

II Kor 5:16

Xileswo, hine, kusukela swoswi kuya mahlweni, ahahadjuli kutiva mhunu hi mayentxela ya nyama; ke, loko kusungula hitivile Kriste hi mayentxela ya nyama, kusukela swoswi ahahamutivisi xiswone.

Va-le-Filipiya 3:8

Mfuri, nihlaya hinkwaswu leswaku i swakuka ndlela, hinkonta ya vutivi lebyi byitlakukiki ngopfu bya Hosi yanga, Kriste Yesu, hikola kwake nilahlekeliwi hi hinkwaswu, niva ni swifananisa ni swanga xambya, akuva nitakota kukuma Kriste,

I Ptr 4:14

Loko n'wirukiwa hinkonta ya vito dra Kriste, n'wikatekile, hikusa a Moya wa kuphatima, wunga wa Xikwembu Nkulukumba, wu le henhla kwenu.

III Yhn 1:7

hikusa ave hikola ka Vito vahumiki, vangayamukeli ntxhumu wa lava va-Matiko.