Mt 15:31 - Testamente Ledrimpswha ni Mapsalma

³¹ lakakuva a switrhungu swihlamala ngopfu hi kuvona a timbheveve loko tisungula a kukhanela, a swilema swihanyisiwa, a vakukhuta vasungula kufamba swinene, ni vakufa-mahlu vasungula kuvona. Kutani vatwalisa Xikwembu Nkulukumba wa Israyele.

Mt 15:31 ပူးပေါင်းရင်းမြစ်များ

Mt 15:30

A switrhungu leswi swikulu swita na swini swilema, vakufa-mahlu, va kukhuta, timbheveve ni tin'wana timbabyi tinyingi, switatavabeka minengeni yake, yene avahanyisa,

Mt 18:8

Hikolahu-ke, loko a voko draku kumbe a nenge waku swikukhunguvanyisa, switreme uswitxukumeta kule na wene! I swa hombe ku wene a kunhingena avutomini na upfumala a voko kumbe na ukhuta, kutlula loko utxukumetiwa andrilweni lowu wungatimekiki na uni mavoko mabiri kumbe minenge mibiri.

Mt 21:14

A vakufa-mahlu ni vakukhuta vatrhindrekela ku Yene a Tempeleni, avahanyisa.

Mt 8:10

Yesu atiki ayingela leswo, ahlamala; kutani aku ku lava afaka vamulandra: Nihlayelamfuri nili ku n'wine: aningekuma kupfumela ka kufana ni loku a Israyeleni.

Mt 9:32

Vaku na vasuka, vamubuyisela mhunu wa mbheveve lweyi afaka ani demoni.

Mt 9:33

Loko Yesu ahlongoli demoni, kutani lweyi afaka ali mbheveve asungula kukhanela. A vhanu vahlamala ngopfu vaku: Ahingivona swanga hi leswi a Israyeleni!

Mt 9:8

Loko a switrhungu swivoni leswo, swiveni kutxhava, kutani switwalisa Xikwembu Nkulukumba, lweyi anyikiki ntamu wolowo ku vhanu.

Marka 2:12

A mhunu lweyi wa mbabyi ahanga pfuka, ahatla atlakula vunanu, ahuma mahlweni ka hinkwavu, lakakuva vahlamala hinkwavu. Vatwalisa Xikwembu Nkulukumba, vaku: Ahingiswivona swanga hi leswi!

Marka 7:37

Nakone afa vahlamala ngopfu-ngopfu, vaku: Ayentxi hinkwaswu swinene. Ayingelisa va kufa-tindleve ni kuvulavulisa timbheveve.

Marka 9:43

Loko a voko draku drikuyisa akudoheni, dritreme. I swahombe ku wene a kunhingena avutomini, atilweni na uni voko drin'we, kutlula loko uya akheleni, andrilweni lowu wungatimekiki na una mavoko mabiri. [

Lk 14:13

Kambe loko uhamba xifihlulo ramba swisiwana, ni lava vakukhuta, ni swilema, ni lava vakufa-mahlu.

Lk 14:21

Lweyi wa nandra amukiki aya bikela n'winyi wakwe a maritu lawu. Kolahu an'winyi wa yindlu ahlundruka aku ku nandra wakwe: Hangwesa uhuma uya tihubyeni ni le tindleleni, utisa a swisiwana ni swilema ni lava vakufa-mahlu ni lava vakukhuta.

Lk 18:43

Kutani, hi nomu-lo atlhela avona; ahanga mulandra, atwalisa Xikwembu Nkulukumba. Loko vaswivonile, a vatiko hinkwavu vatwalisa Xikwembu Nkulukumba.

Lk 7:16

Loko vavoni leswi vakhomiwa hi kutxhava hinkwavu vasungula kutwalisa Xikwembu Nkulukumba vaku: A muprofeta lwenkulu ahumeleli a makari kweru! Vatlhela vaku: Xikwembu Nkulukumba ayendreli tiko drakwe!

Yohana 9:24

Vatlhela nangweso vavitana mhunu lweyi afaka ali wa kufa mahlu, vaku ku yene: Twalisa Xikwembu Nkulukumba! Hine haswitiva leswaku a mhunu lweyo i mudohi.