Mt 13:46 - Testamente Ledrimpswha ni Mapsalma

⁴⁶ Loko akumi perola drin'we dra lisima ngopfu, afamba ayaxavisa hinkwaswu leswi anganaswu axava drone.

Mt 13:46 ပူးပေါင်းရင်းမြစ်များ

Mt 13:44

Yesu ayengeta aku: a Mfumu wa Matilo wufana ni vukosi lebyi byifihliwiki ansin'wini. Loko mhunu abyikuma, atlhela abyifihla kolahu. Hi kunyoxa loku kukulu, afamba aya xavisa hinkwaswu leswi anganaswu ayaxava nsimu leyo.

Mt 13:45

Nakone a Mfumu wa Matilo wungafanisiwa ni muxavisi lweyi afambaka adjula a swa lisima.

Mt 13:47

Nakone a Mfumu wa Matilo wahafana kambe ni nkukutu lowu wupetiwaka alikhulwini wuphasa hinkwatu tinxaka ta tinhlampfi.

Mintiro Ya Vapostola 20:24

Kambe anitihlayeli ntxhumu hi vutomi byanga, aniyanakanyi leswaku byini lisima ku mine; nitakota kuheta a mpfhuka wanga ni ntiro, lowu niwuyamukeliki ku Hosi Yesu, wa kuva ni hambela vumboni Ivangeli ya timpswalu ta Xikwembu Nkulukumba.

Gl 6:14

Kambe mine, anidjuli kutitwalisa loko kunge xihambanwini xa Hosi yeru Yesu Kriste; lweyi amisava mivambiwiki ku mine ha Yene, na mine ni vambiwile ku yone.

Ef 3:8

Mine ni lweyi angeke na lisima ku hinkwavu vapfumeli, kambe ni nyikiwi mfanelo ya kutivisa Ivangeli ku va-Matiko ku vupfundri lebyingeke na vugamu bya Kriste;

Va-le-Kolosa 2:3

Ku yene kufihliwi tinhlengwe hinkwatu ta vutlhari ni ta kuyingelisisa.

Mpfuletelo 18:12

A vaxavisi va gole, ni silivela, ni maribye ya lisima, ni maperola, ni line ledra kuxonga, ni swivunguvungu, ni seda dra libungunyana, ni miri hinkwayu leyi ya kunun'hwela, ni swibya hinkwaswu swa matinyo ya tindlopfu, ni swibya hinkwaswu swa miri leya lisima ledrikulu, ni swa nsuku, ni swa nhumbu, ni swa marimore.

Mpfuletelo 21:21

A swipfalu le'swakhume na swibiri afa ali khume dra maperola na mabiri, na a xipfalu xin'wana ni xin'wana xihambiwi ha perola drin'we. A huvo ya muti afa drili gole ledra lisima, swanga hi xivonivoni lexa kuxwenga.