Mt 13:19 - Testamente Ledrimpswha ni Mapsalma

¹⁹ Lweyi ayingelaka a ritu dra Mfumu, kambe angadriyingelisisi, kuta lweyi mfani, awutla leswi swibyaliwiki ambilwini yake; hi yene lweyi abyaliwiki andleleni.

Mt 13:19 ပူးပေါင်းရင်းမြစ်များ

Mt 12:26

Hileswo-ke, loko Sathana ahlongola Sathana, atihambanisa ha vuswake; xana-ke a mfumu wakwe wutatiyisa kuyini?

Mt 13:20

Kambe lweyi abyaliwiki amaribyeni hi lweyi ayingelaka a ritu ahatla adriyamukela hi kutrhava,

Mt 13:38

a nsimu i tiko. A mbewu yinene hi vana va Mfumu wa Xikwembu Nkulukumba, a lihungu drikombisa a vana va lweyi mfani.

Mt 4:23

Yesu afa afamba hi tiko hinkwadru dra Galileya, adondrisa amasinagogeni ya kone, arera a Ivangeli ya Mfumu, ahanyisa a vhanu lava vanyingi amavabyini yavu hinkwawu ni le tinxanisweni tavu hinkwatu.

Mt 5:37

Swadringana kuhlaya Im'na, loko kuli im'na, ni Im'hi, loko kuli im'hi. Hinkwaswu leswi switlulaka leswo, i ntiro wa kupfa ku lweyi mfani.

Marka 4:15

Kambe a tinhleke leti tiweliki andleleni hi lava loko vayingela a ritu, Sathana ahatlaka ata, asusa a ritu ledri dribyaliwiki andreni kwavu.

Lk 10:9

n'wiva n'wihanyisa timbabyi leti tinga ku wone, n'wivabyela n'wiku: A Mfumu wa Xikwembu Nkulukumba wutlhasile ku n'wine.

Lk 9:2

Avaruma kurera ta Mfumu wa Xikwembu Nkulukumba ni kuhanyisa timbabyi.

Yohana 18:38

Pilato aku ku yene: A xihlayelamfuri i ntxini? Loko ahlayi leswo, atlhela ahuma aya ku va-Yuda, ayaku ku vone: Mine anikumi nandru ku yene.

Yohana 8:43

Hikola kayini n'wingayingelisisi leswi nihlayaka swone xana? Hi leswi n'wihlulekaka kuyingela ritu dranga.

Mintiro Ya Vapostola 17:32

Loko vayingeli Pawulosi ahlaya swakupfuxiwa ka vafi, van'we vahleka, van'wana vaku: Hahatatlhela hikuyingela hi nkama wumbeni amhakeni leyi.

Mintiro Ya Vapostola 18:15

Kambe leswi kunga kutengisana hi maritu, kumbe ka mavito, kumbe ka nawu wa kwenu, tivonelani swone n'wine ha vuswenu. Mine anirandri kuva mutremi ku mintxhumu leyo.

Mintiro Ya Vapostola 20:25

Swoswi vonani, naswitiva leswaku n'wingahatlheli n'wivona a liso dranga, n'wine hinkwenu ningafamba-famba amakari kwenu na nidrungulela a ta Mfumu wa Xikwembu Nkulukumba.

Mintiro Ya Vapostola 28:23

Vamubekela a siku. Ntrhaku vayabuya ku yene a ndlwini yake, na vali vanyingi. Yene avatlhavukanyisa hi kuhambela vumboni a Mfumu wa Xikwembu Nkulukumba; adjuletela a kuvakholwisa mayelano na Yesu, na asukela a Nawini wa Moxe ni ku vaprofeta, kusukela amixweni kuyatlhasa amadambyeni.

Rm 1:28

Na swone leswi vatrikiki kutiva Xikwembu Nkulukumba, xiswoswo Xikwembu Nkulukumba avanyikeli avutlharini bya kuhomboloka, akuva vayentxa leswi faka swingafanekeli.

Rm 14:17

Hileswo-ke, a Mfumu wa Xikwembu Nkulukumba ahi mhaka ya swakuda ni swakunwa, kambe i mhaka ya kululama, kurula ni kutrhava loku pfaka ku Moya wa Kuhlawuleka.

Rm 2:8

Kambe atavanyika xikhatiso lexakunono'wha lava vamupfukelaka ni lava vangamupfumelikiki hi xihlayelamfuri, kambe valandrelela vubihi.

Ef 3:8

Mine ni lweyi angeke na lisima ku hinkwavu vapfumeli, kambe ni nyikiwi mfanelo ya kutivisa Ivangeli ku va-Matiko ku vupfundri lebyingeke na vugamu bya Kriste;

II Tsl 2:12

Xileswo kuyentxiwa yavanyisiwo dra lava vangapfumelangakiki ku xihlayelamfuri, kambe valangi kuyentxa vubihi.

Va-Heberu 2:1

Hikolahu ka leswo, hi fanekeli kuva hi bekisa hikutiya, atimhaka leti hi tiyingeliki, akuva hingatxhuki hi lahlekelana na tone.

I Yhn 3:12

Hingafani na Kayini, lweyi afaka ali lwenfani, xiswoswo, angadlaya makwavu. Amudlayi hikola ka yini xana? Hileswi mintiro yake afaka mibihile, na kasi ya makwavu afa milulamile.

I Yhn 5:18

Haswitiva leswaku lweyo ni lweyo apswaliwiki hi Xikwembu Nkulukumba angadohi ni kan'we, kambe lweyi apswaliwiki ha Xikwembu Nkulukumba awa mubekisa; kutani a mubihi anganakuswikota kumukhumba.

I Yhn 5:20

Haswitiva ha kunene leswaku a N'wana wa Xikwembu Nkulukumba atile, ahi nyiki vutlhari byakuva hitiva leswi inga xihlayelamfuri. Kutani hi le kuxihlayelamfuri, ku N'wanake, Yesu Kriste. Yene i Xikwembu Nkulukumba hi ntshima, na anga vutomi lebyi byingahelikiki.