Mt 11:20 - Testamente Ledrimpswha ni Mapsalma

²⁰ Kutani Yene asunguli kusola a miti leyi afaka ayentxi ku yone a mahlolana yake lawa ya kutala, hikusa afa mingandrulukanga, aku:

Mt 11:20 ပူးပေါင်းရင်းမြစ်များ

Mt 12:41

A vhanu va Niniva vatayima, hi siku dra kuyavanyisa, kun'we ni lixaka ledri, vatadriyavanyisa hikusa vone vandrulukile, hi kudondrisa ka Yona; kasi akone kola lweyi atlulaka Yona.

Marka 16:14

A vugan'wini, Yesu ahumeleli ku lava va khume na mun'we, na vatrhami kudeni. Avasola hikuva vangana likholo, ni kunonon'hwa ka timbilu, ni leswi vangapfumelangakiki ku vhanu lava vamuvoniki loko apfuki kufeni.

Marka 9:19

Kambe Yene avayangula aku: Yoo! Lixaka ledri dringapfumelikiki! Xana nitava na n'wine kuyagama kwini? Xana nitan'wilehisela mbilu kuyagama kwini? Buyisani a mufana lweyo ku mine.

Mintiro Ya Vapostola 17:20

Leswi utisiki atindleveni teru a mintxhumu ya kuhlamalisa, kutani hirandra a kutiva leswaku impswini swoleswo!

II Kor 12:21

Ni leswaku, ni loko nitatlhela nita ku n'wine, Xikwembu Nkulukumba wanga angani trongohati amahlweni kwenu, nidrilela lava vanyingi vanga doha khale, vangandrulukangakiki akusombolokeni kwavu, vusinge ni vumbuye leswi afaka vahanya ku swone.

Yakobe 1:5

Kambe loko wa kukari angenavutlhari bya kudringana a akombele ku Xikwembu Nkulukumba lweyi hananaka hinkwavu mahala na angasoli, kutani atan'winyika.

Mpfuletelo 16:11

Vasandra Xikwembu Nkulukumba wa tilo hinkonta ya kuvaviseka kwavu, ni ka swilondra swavu. Kambe avandrulukanga amintirweni yavu.

Mpfuletelo 16:9

Kutani vhanu va hisiwa hi kuhisa loku kulu, vasandra a vito dra Xikwembu Nkulukumba, lweyi angani ntamu a henhla ka makhombo lawo; kambe avandrulukanga aswihonweni swavu akuva vamunyika lidrumu.

Mpfuletelo 2:21

Nimunyiki nkama akuva atisola, kambe angadjuli kutisola atrika a vumbuye byake.