Mt 10:15 - Testamente Ledrimpswha ni Mapsalma

¹⁵ Nihlayelamfuri nili ku n'wine, hi siku dra kuyavanyisa a kukhatisa kutavevuka ku tiko dra Sodoma na Gomora kutlula muti lowo.

Mt 10:15 ပူးပေါင်းရင်းမြစ်များ

Mt 12:36

Kambe nan'wibyela nili: A ritu hinkwadru dra kuka-ndlela ledri a vhanu vatakahlaya drone, vatatiyangulela hikola ka drone hi siku dra kuyavanyisa.

Mt 5:18

Nihlayelamfuri nili ku n'wine: Loko a tilo ni misava swingasinahundra, kungatisusiwa a Nawini letela kumbe xintrhatana xin'we, na hinkwaswu swingasinahetiseka.

Mt 7:22

Asikwini ledro vanyingi vataku: HOSI, HOSI, xana ahaprofetanga hi vito draku? Ahihlongolanga mademoni hi vito draku? Ahayentxanga ni mahlolana lawa manyingi hi vito draku?

Marka 6:11

Nakone loko ku mun'we mbangu vayala a kun'wiyamukela ni kun'wiyingiseta, sukani kone n'wiphumuna a ntrhuri lowu wunga minengeni yenu, swanga xitiviso ku vone.

Yohana 12:48

Lweyi anifularelaka, ava angayamukeli maritu yanga, ani lweyi amuyavanyisaka; a maritu lawa nimahlayaka hi wone matakamuyavanyisa hi siku dra vugamu.

Yohana 6:39

Kutani akurandra ka lweyi anirumiki hi loku; hileswaku ningalahli ni mun'we wa hinkwavu lava aninyikiki vone, kambe nivapfuxa ku lifu vaya vuton'wini hi siku dra vugamu.

Yohana 6:40

Hikolahu-ke a kurandra ka Tatana wanga, hileswaku mun'wana-ni-mun'wana lweyi alavisaka N'wana, ava apfumela ku yene, avani vutomi lebyi byingahelikiki, kutani mine nitamupfuxa hi siku dra vugamu.

Mintiro Ya Vapostola 17:31

hikusa Xikwembu Nkulukumba abeki siku ledri atakayavanyisa misava hi kululama, hi wanuna lweyi angamubekela swone, ava amuhambela vumboni amahlweni ka hinkwavu hi kumupfuxa kufeni.

I Kor 3:13

a ntiro wa mun'wana-ni-mun'wana wutavoneka alivaleni; hikusa a siku ledro dritawuvonekisa, wuvonekisiwa hi ndrilo, a ndrilo lowu wutakakambisisa a ntiro wa mun'wana-ni-mun'wana leswaku i ntiro muni!

I Tsl 5:4

Kambe n'wine vamakweru an'wahahanyi munyameni, akuva a siku ledriya dringan'witxhuketi swanga muyivi,

Va-Heberu 10:25

Hingatriki tinhlengeletanu teru, swanga hileswi van'wana vaswitoloveliki, kambe hi khongotelana van'we ku van'wana, ngopfu na swone, loko n'wivona leswaku a siku ledriya dra trhindrekela.

II Ptr 2:6

Amiti ya Sodoma na Gomora, amiyentxa nora, amiyavanyisela kusuvisiwa, akuva mitayentxa xikombiso ku vhanu lava vatakahumelela ntrhaku vahanya hivunfani.

II Ptr 2:9

Hi xileswi, a Hosi ya swikota kuhuluxa valulami amindringweni, ni kubekisela vasomboloki xikhatiso xa siku drayavanyiso,

II Ptr 3:7

Kambe hi ritu droledro a matilo ni misava swibekisiweli ndrilo, swibekisiweli a siku drakuyavanyisa ni kusuvisa vhanu vavabihi.

I Yhn 4:17

Xileswo a lirandru drihetisekisiwa ku hine, akuva hi siku drakuyavanyisa hitava ni kudumba, swanga hi leswi Yene angaswone, na hine hixiswoswo amisaveni leyi.

Yd 1:6

Ni tintrumi leti tingabekisangakiki xiyimu xa tone, kambe tisukeli ambangwini wa tone, Yene atibekisile amunyameni hi timpentxana leti tingahelikiki, kukota kutlhasa tremo dra siku ledrikulu.

Yd 1:7

Swanga ha Sodoma na Gomora ni mimiti leyi afaka miyaki kusuhi, leyi mitinyiketele vuwosweni swanga ha yone, ni kulandra yimbeni, yone mibekeliwi akuva xifaniso xa ndrilo lowu wungahelikiki, hikola ka leswo miyamukeli xikhatiso xa ndrilo lowu wungahelikiki, minyiketiwa kukhatisiweni.