Mpfuletelo 7:17 - Testamente Ledrimpswha ni Mapsalma

¹⁷ hikusa a Hambana, leyi yinga xitrhan'wini-xa-vuhosi, yitavabyisa, yivayisa atinhlobyeni ta mati ya vutomi, kutani Xikwembu Nkulukumbata atasula minyembeti hinkwayu amahlweni yavu.

Mpfuletelo 7:17 ပူးပေါင်းရင်းမြစ်များ

Mt 2:6

Na wene Betlehema, tiko dra Yuda awuntrongo amakari ka mintsindra ya tiko ledro, hikusa kutahuma ku wene a murangeli lweyi atakabyisa a tiko dranga dra Israyele.

Mt 5:4

Vakatekile lava vadrilaka, hikusa vatamiyetiwa!

Yohana 10:11

Hi mine Mubyisi lweyi munene. A Mubyisi lweyi munene anyiketa vutomi byake hinkonta ya tihamba.

Yohana 10:14

Hi mine Mubyisi lweyi munene. Nitiva tihamba tanga, na tone tanitiva.

Yohana 4:10

Yesu amuyangula aku: Loko afa utivi nyiko ya Xikwembu Nkulukumba ni leswaku i mani lweyi aliki nihanani ninwa, ana wene ukombeli ku yene, kutani yene afa atakunyika mati lawa mahanyaka

Yohana 4:11

A wansati aku ku yene: Hosi, awuna xikelelo, ni nhlovo yiyetile! Kutani a mati lawa mahanyaka, ungamakuma kwini xana?

Yohana 4:14

Kambe mun'wana-ni-mun'wana lweyi anwaka mati lawa nitakamunyika wone, angaka angahatlheli atwa tora ni siku ni drin'we; kambe a mati lawa nitakamunyika wone, matava ku yene nhlovo ya mati lawa mapfelelaka, manyika vutomi lebyi byingahelikiki.

Mintiro Ya Vapostola 20:28

Tivonelani n'wine, ni ntlhambi hinkwawu lowu Moya wa kuxwenga wun'wibekiki kuva vabixopo, akuva n'wibyisa a Kereke dra Xikwembu Nkulukumba, ledri angatixavela hi ngati yake.

I Ptr 5:2

Byisani a ntlhambi wa Xikwembu Nkulukumba, lowu wunga ku n'wine, n'wiwulavelela, kungali hi kusindrisiwa, kambe hi kutinyiketela ha vuswenu, na n'wilandra a kurandra ka Xikwembu Nkulukumba; kungali hi kulwela mabindru, kambe na n'witlhantlhekile;

Mpfuletelo 14:4

Volavo hi lava vangatihonangakiki hi vavasati, vangasiki yetlela ni vavasati. Lava hi vone valandraka Hambana hinkwaku lomu yi yaka kone. Hi lava vaxaviwiki a makari ka vhanu akuva swiva swirangana swihumexeliwaka Xikwembu Nkulukumba ni ku Hambana.

Mpfuletelo 21:22

Ku wone anivonanga Tempele, hikusa a Tempele dra wone hi Hosi, Xikwembu Nkulukumba wa ntamu hinkwawu ni Hambana.

Mpfuletelo 21:23

Nawone muti awungadjuli dambu, kumbe hweti akuva swiva vaningela, hikusa akutwala ka Xikwembu Nkulukumba afa kuwuvaninga, na kone a Hambana i motre wa wone.

Mpfuletelo 21:4

Atavasula hinkwayu minyembeti amatihlweni yavu, kutani lifu dringahativa kone swimbeni, nambi nkosi, nambi kubongosa, nambi kuvavisa. Hinkwaswu leswi swinyamalalile.

Mpfuletelo 21:6

Atlhela nangweso aku ku mine: Swiyentxekile. Ni Alfa na Omega, masungulo ni vugamu. Ku lweyi angani tora, nita muhanana hi timpswalu kunwa hi timpswalu, a mati ya nhlovo ya vutomi.

Mpfuletelo 22:1

Kutani yini kombi nfula wa mati ya vutomi, lowu vangamaka swanga hi xivonivoni, na wu huma xiluvelweni xa Xikwembu Nkulukumba ni xa Hambana.

Mpfuletelo 4:11

Uni mfanelo, we Hosi ni Xikwembu Nkulukumba weru, ya kuyamukela a lidrumu, ni xihluwa, na ntamu, hikusa utumbuluxi mintxhumu hinkwayu, hikola ka kurandra kwaku, minga kone, mfuri mivumbiwiki.

Mpfuletelo 5:6

Kutani-ke, amakari ka xitrhamu xa vuhosi ni mune wa swivumbiwa leswi swihanyaka, ni le makari ka vakulu-va-vhanu, nivona a Hambana yiyimiki swanga yifile, na yini ntlhanu na tibiri wa timhondro, ni ntlhanu na mabiri wa matihlu, lawa anga ntlhanu na mibiri wa mimoya ya Xikwembu Nkulukumba, leyi mirumiwiki amisaveni hinkwayu.