Mpfuletelo 6:9 - Testamente Ledrimpswha ni Mapsalma

⁹ Loko a Hambana yipfuli a xifungu xa vuntlhanu, nivona, a hansi ka xiluvelo, a mahika ya lava vangadlayiwa hi mhaka ya ritu dra Xikwembu Nkulukumba, ni hi mhaka ya vumboni lebyi afaka vali nabyu.

Mpfuletelo 6:9 ပူးပေါင်းရင်းမြစ်များ

Yohana 16:2

Vatan'wihlongola amasinagogeni; na swone a nkama wata lowu mun'wana-ni-mun'wana lweyi atakan'widlaya atakapimisa leswaku atirela Xikwembu Nkulukumba.

II Kor 5:8

Kambe, hini kudumba Loku kukulu, hi navela ngopfu kurura amirini, hiya hanya ni Hosi.

Va-le-Filipiya 1:23

Makari ka mintxhumu leyi mibiri ni kamekile, hi tlhelo drin'wana ni navela akuya va na Kriste, leswi swinga hundrisa a kunyoxa;

Va-le-Filipiya 2:17

Mfuri, Nambi loko nyiketiwa a mhambeni ni le kutireleni ka kupfumela kwenu, na nyoxa niva nitrhava na n'wine hinkwenu.

II Tmt 1:8

Hileswo-ke ungave ni tingana hi vumboni bya Hosi yeru, nambi kakuva ha mine, ninga mubohiwa wa yone; kambe yingela kuvaviseka kun'we na mine, a Ivhangeleni leyinene, hi ntamu wa Xikwembu Nkulukumba;

II Tmt 4:6

Hikusa mine nita nyiketiwa amhambeni swoswi; ankama wa kunyiketiwa kwanga wutlhasile.

Va-Heberu 12:23

ni nhlengeletana ni Kereke dra mativula, leswitraliwiki a Matilweni, ni ku Xikwembu Nkulukumba, muyavanyisi wa vhanu hinkwavu, kun'we ni mimoya ya valulami lava vabasisiwiki,

Mpfuletelo 1:2

lweyi avikini kutiyisa ku ritu dra Xikwembu Nkulukumba ni ku vumboni bya Yesu Kriste, mayelano ni hinkwaswu leswi yene aswivoniki.

Mpfuletelo 1:9

Mine Yohana, makwenu ni muhlengeli na n'wine akuxanisiweni, ni le Mfun'wini, ni le kutiyiseleni loku kunga ku Kriste, nivi axihlaleni lexi xitxhuliwaka Patimosi, hinkonta ya ritu dra Xikwembu Nkulukumba, ni vumboni bya Yesu.

Mpfuletelo 14:18

Kutani yin'wana ntrumi yisuka a xiluvelweni, leyi afaka yili ni ntamu henhla ka ndrilo, yihuwelela hi ritu ledrikulu ku leyi afaka yi ni sikela ledra kukariha yiku: Tirisa sikela draku, utrema swipha swa nsinya wa nvhinya amisaveni, hikusa mihandru ya wone mi wupfile!

Mpfuletelo 16:7

Niyingela ritu dripfa xiluvelweni driku: Kunene, Hosi Xikwembu Nkulukumba wa Ntamu hinkwawu! A tremo draku i dra xihlayelamfuri ni dra kululama.

Mpfuletelo 19:10

Kolahu ni wela minengeni ya yone akuva ni yigandrela, kambe yone yiku ku mine: Im'hi! Ungayentxi leswo! Mine ni nandra-kuloni ni wa vamakwenu lava vanga ni vumboni bya Yesu. Gandrela Xikwembu Nkulukumba. Hikuva a vumboni bya Yesu i Moya wa kurera kweru.

Mpfuletelo 2:13

Nitiva lomu utrhamaka kone, lomu kungani xitrhamu-xa-vufumi xa Sathana, ni leswi wahabekisaka a vito dranga, na ungalandrulanga a kupfumela ku mine, nambi amasikwini ya Antipasi, a mboni yanga ni mudumbeki wanga, lweyi adlayiwiki amakari kwenu, lomu Sathana atrhamaka kone.

Mpfuletelo 20:4

Nakone nivoni swiluvelo, ku swone afa kutrhami lava vone vanyikiwiki ntamu wa kutrema. Nahanga vona na kambe, amahika ya lava afaka vatremiwi tinhloko hinkonta ya vumboni lebyi vabyibekiki bya Yesu, ni hi kurera ritu dra Xikwembu Nkulukumba, hi lava vanga gandrelangakiki xihari xa kulebya, nambi xi xifaniso xa yone, nambi kuli kuva ni xifungo a mi mombyeni, kumbe mavokweni yavu. Kutani vahanya na Yesu, hi mpfhuka wa khume dra madzana ya malembe (1000).

Mpfuletelo 8:3

A ntrumi yin'wana yita, yitatayima kusuhi ni xiluvelo, na yini xibya xa gole, xa kuhisela a muri wa kunun'hwela, yinyikiwi a muri wunyingi wa kunun'hwela, akuva yiwunyikela kun'we ni swikhongoto swa vahlawuleki hinkwavu, axiluvelweni xa gole lexi xinga amahlweni ka xitrhamu-xa-vufumi.

Mpfuletelo 9:13

A ntrumi ya vuntlhanu na yin'we yiyimbi a nanga; kutani niyingela a ritu ledri drihumaka ku mune wa timhondro ta xiluvelo xa gole, lexi xinga mahlweni ka Xikwembu Nkulukumba,