Mpfuletelo 5:11 - Testamente Ledrimpswha ni Mapsalma

¹¹ Kutani nivoni niva niyingela a ritu dra tintrumi tinyingi amatlhelweni ya xitrhamu-xa-vufumi, ni swivumbiwa swakuhanya, ni vakulu-va-vhanu; a nhlayu ya tone afa wuli wa madzana-dzana ya madzana-dzana, ni makume ya madzana,

Mpfuletelo 5:11 ပူးပေါင်းရင်းမြစ်များ

Va-Heberu 12:22

Kambe loko n'wine n'witlhasile a nhaveni ya Sion, ni mutini wa Xikwembu Nkulukumba lweyi a hanyaka, a Yerusalema wa le tilweni, madzana-dzana ya tintrumi,

Yd 1:14

Na yene Henoki, lweyi wa vuntlhanu na vabiri antrhaku ka Adamu, aprofetile ha vone, aku: Lavisa, Hosi yata ni madzana-dzana ya Yone,

Mpfuletelo 19:6

Ntrhaku ni yingeli ritu swanga hi ritu dra xitrhungu lexikulu, ni swanga hi ritu dra mati la manyingi, swanga mpfumawulu lowa ntamu ledri afaka driku: Aleluya! Ku fuma i Hosi, Xikwembu Nkulukumba weru wa Ntamu hinkwawu!

Mpfuletelo 4:4

Amatlhelweni ya xitrhamu lexo afa kuni makume mabiri na mune wa switrhamu swa vuhosi, na kutrhami ku swone makume mabiri na mune wa vakulu-va-vhanu vayambaliki swiyambalu swa ntlhohe, na vani tingiyana ta gole atinhlokweni.

Mpfuletelo 4:6

Nakone, amahlweni ka xitrhamu xa vuhosi afa kuni likhulu dra vidru dra kufana ni kristal. A makari ni le matlhelweni ka xitrhamu xa vuhosi afa kuni mune wa swivumbiwa swakuhanya switali hi matihlu, amahlweni ni le ntrhaku.

Mpfuletelo 5:14

A swivumbiwa swakuhanya leswi swa mune afa swiku: Amen! A vakulu-va-vhanu vone afa vawa, vagandrela.

Mpfuletelo 5:6

Kutani-ke, amakari ka xitrhamu xa vuhosi ni mune wa swivumbiwa leswi swihanyaka, ni le makari ka vakulu-va-vhanu, nivona a Hambana yiyimiki swanga yifile, na yini ntlhanu na tibiri wa timhondro, ni ntlhanu na mabiri wa matihlu, lawa anga ntlhanu na mibiri wa mimoya ya Xikwembu Nkulukumba, leyi mirumiwiki amisaveni hinkwayu.

Mpfuletelo 5:8

loko yiteki a buku, a swivumbiwa leswi swa mune, ni vakulu-va-vhanu va makume mabiri na mune (24), va khisami amahlweni ka Hambana, na mun'wana-ni-mun'wana ali ni xitende ni makopo ya kuhambiwa hi gole, mataliki hi muri wa kunun'hwela, anga swikhongoto swa vahlawuleki,

Mpfuletelo 7:11

A tintrumi hinkwatu afa tiyimi titrandrela a xitrhamu-xa-vufumi, ni vakulu-va-vhanu, ni mune wa swivumbiwa swakuhanya, kutani tiwa hi mimombo amahlweni ka xitrhamu-xa-vufumi, tigandrela Xikwembu Nkulukumba,

Mpfuletelo 9:16

A nhlayu ya makhandra ya lava valwaka na vakhandriyi mahanxi afa mali madzana mabiri ya madzana ya madzana (200.000.000), kutani niyingela a nhlayu yavu.