Mpfuletelo 22:5 - Testamente Ledrimpswha ni Mapsalma

⁵ Kolahu kungahativa ni vusiku, nambi kuva ni kuvilela kuvaninga ka motre, nambi kuvaninga ka Dambu. Hikusa Hosi Xikwembu Nkulukumba atavaninga henhleni kwavu, kutani vata fuma hi madzana ni madzana ya malembe.

Mpfuletelo 22:5 ပူးပေါင်းရင်းမြစ်များ

Mt 19:28

Yesu avayangula aku: Nihlayelamfuri nili ku n'wine: Loko kutlhasa a nkama lowo, hinkwaswu switakapfuxeteliwa; loko a N'wana wa Mhunu atatrhama axiluvelweni xakwe xa kuphatima, n'wine lava vanilandriki, n'witatrhama ku khume dra switrhamu na swibiri, akuva n'wiyavanyisa a tinxaka leti ta khume na tibiri ta Israyele.

Mt 25:34

A HOSI yitabyela lava vanga xineneni xa yone: Tanani n'wine n'wikhensiwaka hi Tatana wanga; danani pfindla dra vuhosi lebyi n'wingabekiseliwa byone a misava mingasina tumbuluka.

Mt 25:46

Volavo vataya akuxanisiweni loku kungahelikiki, kasi a valulami vataya avutomini lebyi byingahelikikiki.

Rm 5:17

Kutani, loko kuvi hi xidoho xa mun'we, ni leswaku hi xidoho xa mun'we a lifu dri fumile, kambe ngopfu-ngopfu ku lava va yamukelaka a timpswalu hi ntalo ni nyiko leyi ya kululama vatafuma vuton'wini ha mun'we, anga Yesu Kriste.

II Tmt 2:12

Loko hitiyisela na hine hita fuma na Yene; loko himulandrula, na Yene ata hilandrula.

Mpfuletelo 11:15

A ntrumi ya vuntlhanu na tibiri yiyimba a nanga. Kutani kuva ni maritu makulu atilweni, na maku: A mfumu wa misava wundruluki wuva wa Hosi yeru, ni wa Kriste wakwe, lweyi atakafuma hi madzana-ni-madzana ya malembe!

Mpfuletelo 18:23

Kunga ha vaningiwi swimbeni ndreni kwaku livaningo dra motre! Nambi kuyingeliwa a ritu dra muteki ni mutekiwa, swingahati yingeliwa ku wene! Hileswaku a vaxavisi vaku afa vali vakulu va misava, hikusa a matiko hinkwawu makanganyisiwile hi vungoma byaku.

Mpfuletelo 20:4

Nakone nivoni swiluvelo, ku swone afa kutrhami lava vone vanyikiwiki ntamu wa kutrema. Nahanga vona na kambe, amahika ya lava afaka vatremiwi tinhloko hinkonta ya vumboni lebyi vabyibekiki bya Yesu, ni hi kurera ritu dra Xikwembu Nkulukumba, hi lava vanga gandrelangakiki xihari xa kulebya, nambi xi xifaniso xa yone, nambi kuli kuva ni xifungo a mi mombyeni, kumbe mavokweni yavu. Kutani vahanya na Yesu, hi mpfhuka wa khume dra madzana ya malembe (1000).

Mpfuletelo 20:6

Akatekile nakone ahlawulekile, lweyi angani xiyenge akupfukeni ka vafi loko ka kusungula, ku volavo a kufa ka vubiri akuna ntamu henhla kwavu. Vatava vaprista va Xikwembu Nkulukumba ni va ka Kriste, kutani vata fuma na Yene ha khume dra madzana (1000) ya malembe.

Mpfuletelo 21:11

Lowu wunga ni kuphatima ka Xikwembu Nkulukumba. A livaningo dra wone adrifana ni ribye dra lisima ngopfu, swanga ribye dra yaspa, kuketemuka swanga xivonivoni.

Mpfuletelo 3:21

A muhluli nitamunyika a kutrhama na mine axitrhan'wini xanga xa vuhosi, swanga ha mine nihluliki, kutani nitrhamiki na Tatana wanga axitrhan'wini xakwe xa vuhosi.