Mpfuletelo 22:18 - Testamente Ledrimpswha ni Mapsalma

¹⁸ Mine, ni hlaya ku hinkwavu lava yingelaka maritu ya vuprofeta bya buku ledri leswaku: Loko mhunu a yengesela ntxhumu wa kukari, Xikwembu Nkulukumba atamuyengesela makhombo lawa matraliwiki abukwini ledri;

Mpfuletelo 22:18 ပူးပေါင်းရင်းမြစ်များ

Mt 15:13

Kambe Yene ayangula aku ku vone: A ximilwa xini ni xini lexi Tatana wanga wa le Matilweni angaxibyalangakiki, xitatruvuliwa.

Ef 4:17

Hikolahu ka leswi, na n'wibyela, ni kutiyisa aHosini leswaku, n'wingaha fambeni swanga hi va-Matiko, a miyanakan'wini yavu ya kuka-ndlela.

I Tsl 4:6

Kungave ni mun'we lweyi a honelaka makwavu kumbe ku mukhunguvanyisa, hikusa a Hosi i mudrihiseli wa hinkwaswu leswo, swanga hi leswi hin'wibyeliki kusunguleni, nakone hatiyisa.

Mpfuletelo 1:3

Kukateki lweyi ahlayaka ni lava vayingelaka a maritu ya vuprofeta vava vabekisa leswi switraliwiki ku drone, hikuva a nkama wutrhindrekelile.

Mpfuletelo 15:1

A ntrhaku ka leswo ni vona xin'wana xikombiso lexikulu xa kuhlamalisa tilweni: ntlhanu wa tintrumi na tibiri leti afaka tilini ntlhanu wa makhombo na mabiri ya vugamu, hikusa ku wone kuhetiseka a mahlundru ya Xikwembu Nkulukumba.

Mpfuletelo 15:6

Kutani a ntlhanu wa tintrumi na tibiri leti afaka tili ni tlhanu wa makhombo na mabiri, tihuma a Tempeleni. Afa tiyambali line ledra kubasa, dra kuphatima, ti titikhami swifuveni hi mabandi ya gole.

Mpfuletelo 19:20

Kambe kukhomiwi xihari xa kulebya kun'we ni muprofeta wa madrimi, lweyi hi kuyentxa mahlolana ni swikombiso amahlweni ka yone, akanganyisiki lava vangayamukela xikombiso xa xihari xa kulebya, afaka vakhisamela xifaniso xa xone. A xihari ni muprofeta wa madrimi vatxukumetiwa na vaha hanya ativeni dra ndrilo lowu wupfuraka, wa xivavula.

Mpfuletelo 20:10

Diyavulosi, lweyi a ngava kanganyisa, atxukumetiwi tiveni dra ndrilo ni wa xivavula, lomu kunga ni xihari xa kulebya ni muprofeta wa madrimi. Vata xanisiwa nhlikanhi ni vusiku hi madzana ni madzana ya malembe.

Mpfuletelo 20:15

Kutani lweyi afaka kunga traliwanga vito drakwe abukwini dra vutomi, atxukumetiwi ativeni dra ndrilo.

Mpfuletelo 22:10

Ntrhaku atlhela aku: Ungafunge maritu ya vuprofeta bya buku ledri, hikusa nkama wukusuhi.

Mpfuletelo 22:16

Mine Yesu, ni rumi ntrumi yanga ya ta n'wibyela hinkwaswu leswi a makerekeni. Hi mine mutru ni lixaka dra Davida, a nyeleti ya kuphatima ya mixo.

Mpfuletelo 22:7

Yesu aku: vonani nata swoswi anihlweli! Kukatekile lavabekisaka maritu ya vuprofeta bya buku ledri.

Mpfuletelo 22:9

Kambe yone yiku ku mine: Ungayentxi, leswo! Hikusa na mine ni le ntirweni wa Xikwembu Nkulukumba swanga ha wene, ni swanga hi vamakwenu, a vaprofeta, ni hinkwavu lava vabekisaka maritu ya buku ledri. Gandrela Xikwembu Nkulukumba.

Mpfuletelo 3:14

Ku ntrumi ya kereke ledri dringa Lawodikiya trala uku: Lweyi anga Amen, a mboni leyi ya kudumbeka ni ya xihlayelamfuri, masungulu ya ntiro wa vutumbuluxi wa Xikwembu Nkulukumba, ahlaya leswi: