Mpfuletelo 22:11 - Testamente Ledrimpswha ni Mapsalma

¹¹ Lweyi wa kukala kululama, aatami ahamba hi kusomboloka, a mudohi aatami ava lweyi wakudoha. Lweyi wa kululama, atami ayentxa kululama ni lweyi wa kuhlawuleka aatami a tihlawulekisa.

Mpfuletelo 22:11 ပူးပေါင်းရင်းမြစ်များ

Mt 15:14

Vatrikani, i vakufa-mahlu lava vafambisaka a vakufa-mahlu kulobye. Loko mun'we wakufa-mahlu afambisa mun'wana wakufa-mahlu, vatayawela akheleni hi vubiri byavu.

Mt 21:19

Avona a nkuwa kusuhi ni ndlela, atrhindrekela ku wone, kambe angakumanga ntxhumu ku wone, loko mange makamba ntsena. Kutani aku: Ni kan'we ungahabeki mihandru! A nkuwa wuwoma xikan'we.

Mt 25:10

Vatiki vafambile vayatixavela a mafura, a mulovoli atlhasa, kutani lava afaka vatibekiselile vanhingena na yene andlwini ya nkhuvu, kutani a nyangwa yipfaliwa.

Mt 5:45

akuva n'witava vana va Tatana wenu lweyi anga Matilweni, hikusa atlhavisa a dambu drakwe a henhla ka lava vanene ni ku lava vamfani, anisa a mpfula ku lava vanene nambi ku lava vamfani.

Mt 5:6

Vakatekile lava vangani ndlala ni tora dra leswi swakululama, hikusa vataxurisiwa!

Yohana 8:21

Yesu ayengeta aku ku vone: Nafamba, kutani n'wita nidjula, kambe n'witafela akudoheni kwenu. Laha niyaka kone, n'wingaka n'wingayi.

Ef 5:27

akuva adrikombisa mahlweni kwake, na drili Kereke dra kuphatima, ledri dringalikina bati, kumbe kuhoneka, nambi ntxhumu wun'wana wa kufana ni leswo, kambe drixwengiki, mfuri dringalikina xisandru.

Va-le-Kolosa 1:22

Kambe swoswi an'witlhanganisile a mirini wakwe, hinkonta ya kufa kwake, akuva an'wiyisa amahlweni kwake na n'wili lava valulamiki, n'winkhenseka n'wingena nandru.

II Tmt 3:13

A vhanu lava vanfani ni vakanganyisi vahaya mahlweni avubihini; va kanganyisa, na vone vakanganyisiwa.

Yd 1:24

Ke, Yene lweyi anganintamu wa kun'wibekisa kuswikhunguvanyiso, ni kun'wiyimisa mahlweni ka kuphatima kwake hikutrhava na mingena nandru,

Mpfuletelo 16:21

A maralana lamakulu maxika ahenhla ka vhanu mapfa tilweni, ni maribye ya kone a mpimu wa wone afa matlula mune wa makume ya makilu. A vhanu vasandra Xikwembu Nkulukumba hinkonta ya khombo dra mpfula ya maralala hikuva afaka ali yikulu ngopfu.

Mpfuletelo 22:3

Kungahativa ni kurukiwa ni kan'we ku wone, Kutani kone Kutava ni xiluvelo xa Xikwembu Nkulukumba ni xa Hambana, kutani a malandra yake matamutirela.